يستحق ولا لاه

هل يستحق الانسان الي خاب ظنه من وايد ناس وبالذات من انكساره في علاقة انه يعطي نفسه حب يديد ويعوضه ؟ اذا فيه منوه يستاهل ؟

حبيبتي بقول لج سر صغيرون وحطيه دوم في راسك >> الحب محد يدخل سنتر ويشتريه منه والمشكله ان اكثر الخلق يحاولون يشترونه واهنئ المصيبه في حد يدفع مشاعر وفي حد يستغل هاي المشاعر عشان يرضي غروره ومن يوصل لغايته يطنش ويدور غيره نصيحه الحب خليه اخر اهتماماتج لان بطريقة اللي. دورين عليه فيها بتتعبين من وراها لو انا منج بكون صداقات لانها افضل وأجمل وفيها كل شي حنان اهتمام ضحك سوالف الخ م تدرين يمكن وحده من هاي الصداقات تتحول لحب حقيقي م فيه جذب ولا استغلال ولا خيانه

صح كلامك عين العقل ❤️بس احيانا الحب الي تتركه وراك يأثر فيك وتبا تحب بطريقه غريبه من أشخاص ماتعرفهم مب لازم من حولك أشخاص ماتعرفهم وتبى العلاقة من الصفر 💋

صح الانسان من يفقد الثقة من كل شي حوله يبا يبدا من يديد في كل شي بس الحب المفروض بروحه ينولد فينا ويكبر وينا مب نحن نضغط ع زر ونقول هاي حلوه والمفروض تكون حبيبتي وبدلعها وبعمل لها اللي تباه عشان تحس فيني وتحبني ومن هاي الحركات. الغبيه الحب ينخلق في القلب. سبحان الله ، اختاري علاقات بعيده عن محيطتج واختاريها عن طريق النت مب غلط الزمن يفرض علينا هذا الاختصار بس خلي البدايه منها صدقات مب اكثر م تدرين يمكن تلقين اللي تبينه

الدنيا دروس واصابعك ماتتساوى واللي يبي الشى يكافح عشانه

صح كلامكم عسل💖💖

اكيد يستاهل يعطي نفسه فرص يديده لانه هو من الاساس كان يعطي الغير هاي الفرص وياه الوقت الي يسمح لنفسه يبدي من يديد ويكون نفسه ويقويها الحياه مو كلها الحب في وايد اشياء غير الحب ومثل ماقال طلول الحب مو تدخلين السوق وتختارينه الحب اييج بدون لا يستئذن منج ولا ياخذ رايج فجأه تجوفين نفسج حابه الطرف الثاني ومع الوقت بتعرفين ان علاقتج الي فشلت اصلا كنتي ماتستحقين تعيشينها وتضيعين وقتج عليها لانها تفاهات ومحد يستاهل توقفين حياتج عشانه

هيه عقب فتره تعرفين هالأنسان ماكان يستحق الحب وغيره ❤️❤️❤️

الصحبه والصداقه ماتتعوض وماتتاثر باتفه شي وجميله جدا صح بعد علاقه صار فيها كسر وانتهت تحسين تبين تعويض ثاني واحلا واقوى واجمل من ناحية المشاعر اكثر شي هذا لانج عطيتي اكثر من ماخذتي في العلاقه السابقه فهذا النقص يتحول الى رغبتج بارضاء نفسج عن تعويض للي ما حصلتيه بالسابق بس كلامي من كلام اللي سبقوني المفروض تتمهلين اكثر في اختياراتج هالمره وكل شي بوقته حلو بس لاتحرمين نفسج من مجال الصداقه واللي ممكن فجاه تصير وحده منهم فجاه للمره الثانيه علاقه جدا جدا جميله وفيها تعويضات احلى عن اللي فاتت 👌🏽

💋💖💖صح منطوقيج brave

الله يسعدج ..