روايتي الاولى في هذا المنتدى (هيجان القلوب)

البارت الاول...
الجزء الاول

نوال..
اخذت شاور سريع وطلعت اتجهز عشان انزل بدري وافطر مع اهلي.(روتين يومي)وانا على الدرج انزل بخطوات بطيئه لسى ماشبعت نووم لسى احس جسمي كله مرهق ومتعب ايه وكيف لا وانا نمت الساعه 2بنص الليل والسبب مؤيد افندي ايه هو السبب جالس على راسي واحكي لي عن حصيصه واحكي... وقولي.. واسأله مالها جواب ومالها حد
وصلت لاخر درجه وانا مسرحه بسوالف امس جاني صوت ابوي:وين وصلتي
ناظرت له باستغراب:هاا؟!
الكل:هههههههههه
مؤيد:اتمنى تكوني وصلتي مطار حصيصه الدولي
خالد:اووه ياهذي الحصيصه ماكله عقلك اقول افطر غثيتنا محد خطب بالعالم الا انت
مؤيد:ايه وليه حارق روح اخطب لا تجلس تطبطب على راسي مسوي فيها يعنني
خالد:لس سعيدة الحظ مالقيتها
مؤيد:اجل قصدك تعيسة الحظ
وكذا كل يوم من وجه الصبح جدال اخواني ربي يحفظهم سحبت الكرسي وجلست وانا عقلي مسرح واحس بخمول وتعب الله يعين على هذا اليوم
......................... ...............
نعرف شخصيات عائلة ابو مؤيد..
٭ام مؤيد................
٭ابو مؤيد رجال صاحب شركة متوسطه...مهدده بالافلاس باي وقت
مؤيد*عمره25..٭طويل..مجسم٭ شعرة كثيف لونه اسود داكن٭بشرته بورنزيه٭هادئ يقدر يتحكم باعصابه٭
خالد*عمره 22..*طويل بس مب طول مؤيد..شعره لونه بني غامق..بشرته فاتحه شوي..٭عنيد..وياويلة الي يعانده
نوال*بنت جميلة طولها متوسط..عمرها 18 ..بيضا..شعرها بني يوصل لنص ضهرها..ناااعم وخفيف(ملامحها بارزه)٭خوافه دمعتها بطرف عينها..رقيقه..ومن اي شي تنجرح٭
(خالد مؤيد يشتغلون عند ابوهم بالشركه)
...................... ............. ........

مها...
جيت ركض لامي صراحه هذا الوضع ابد ماقدر اتحمله
:امييي شوفي اولادك للحين ماجهزوو وكلهم مو راضين يوصلوني للجامعه.. اجل شسوي
*فتحت امي باب غرفتهم وطلت عليهم الي يعبث بجواله فوق السرير والثاني عند المرايه يحلق دقنه شوي ويدخل في المرايه
٭قالت امي بعتب:يصير كذا كلكم تتهربون ماتبو توصلو اختكم اجل من يوصلها اروح اطلب من السواق
محمد وعيونه بجواله:افاااااا يممه ومن قال الحين انه مابيوصلها
٭انا بحلقت فيه الكذاب قبل شويه وهو يقولي قولي لحسن وحسن الثاني يقلي قولي لاخوك قبل ماتطلع مني الكلمه:يااكذااااا.....
٭جتني المخده طايره وارتطمت بوجهي ابعدتها وانا مقهوره من حركته:انت يااااااا...
٭قطع كلامي
:وليه ماتطسي الحين وتروحي تلبسي عبايتك...
٭جيت بتكلم وانا مقهوره منه:انت وش.....
٭الا وامي تلتفت لي:يالله يما البسي عبايتك بسررعه
٭ناظرت فيه نظره وانا اتوعد له طيب يامحمد..
....................... ................. .........
نعرف شخصيات العائلة
الاب متوفي........
الام....متحملة اعباء التربيه وكل شي
الابن الاكبر..٭حسن..حكيم هادئ رغم صغره..وقلة خبرته..لكنه فهيم..عمره25 طويل عضلاته بارزه..شعره خفيف..اسمر(موظف بالهيئه)
الابن الثاني..محمد..عمره22..طوله متوسط..متهور..قلبه طيب..ضعفه دموع الحريم..اسمر(موظف بالهيئه)
٭مها..بنت نحيفه.عمرها18.بشرتها بورنزيه..شعرها قصير يوصل لاكتافها..كثيف ومدرجات وناعم..طولها متوسط..عنييده..ولسانها طويل
....................................

مريم...
اتصلت علي نوال وقالت انها برى قدام بيتنا تبي توصلني معها لبست عبايتي وطلعت السياره واقفلت الباب
الى وجاني صوته:وش سويتي مع الطب...كان هذا خالد ولد عمي اخو نوال رديت بدون نفس:لسى مانقبلت بس لاتتشمت
حرك السياره وهو يضحك:ايه ومن يقبل مجنونه مثلك احمدي ربك وهم قبلوك بالانقليزي
رديت بدون نفس:لاتقلب الجو علي من وجه الصبح
رد علي بنبره مضحكه:ياتحفه وش الي معقلك اليوم متعود عليك تصجينا طول الطريق
هو كان يتكلم بعالم وانا بعالم ثاني....اجل طيب ليش ماقبلوني معدلي كان عالي بس والله لاشد حيلي اكثر واجيبها في هذا المستوى ... طيب واذا ماقبلوني وش اسوي..اه ياربي انا بنجن لازم اجيب معدل لااااازم طيب واذا..صحيت من تفكيري على صوته...:ماتوقع انه معاك عقل عشان نقول تفكرين..الا اتوقع نمتي
اااه انا بوادي وهذا التيس بوادي اجل خلني اشتته شوي ..1..2..3..4...ناظر لي باستغرب:وش تسووين انتي
لفيت للشباك الي بجنبي وبهدوء :ثانيه ونصدم بالحائط الي قدامك
لف زي المجنون هو ونوال الثانيه صدقت بعد لقدام وقال مفجوع:فجعتيني الله ياخذ ابليسك وين الحائط وحنا وين
قلتله ببرود:دليل الغباء...
٭.قال بحماس واضح:تشوفين يالعنز الجبلي اذا مارديتها لك...ماهتميت لكلامه ورجعت افكر كيف وكيف احقق حلمي
.............................................................
مريم:بنت نحيفه بيضا..شعرها ناعم كثيف..طويل يوصل لنهاية ضهرها..طولها متوسط..عمرها18
معها اخ اسمه..ايهاب عمره25..اسمر..نحيف..طويل..شعره كثيف لونه اسود داكن..دمه خفيف..اي شي بباله يسويه
واخ ثاني اسمه حمود*عمره22.هادئ..حكيم بتصرفاته.
.
.
.وتفاصيل الشخصيات تعرفونها مع الاحداث

هذي اول رواية لي الابطال هم صديقاتي..
واتمنى اشوف الردود قبل الحزء الثاني..استقبل اي انتقادات باسلوب لائق

تشرفنا فيج ونور المونت عزيزتي برجع ويقراء القصه دام فها شركة مهدده بالافلاس لان عالم البزنس عالمي بس اتمني تنزلين البارتات لانج تحبين هذي الهواية وتحبين تعيشين خيالج وتحجمينه من خلال الكتابة مب عشان اللي موجودين يعلقون علي البارت واكيد اللي بنشد لشي في روايتج بيعلق من باب الإعجاب مب لانج انتي طلبتي هذا الشي وعلي فكره وايد في هذا القسم كتبوا روايات ومن اول بارت سحبوا وبدون سبب واضح والكل كان متفاعل وي قصصهم بس بعد م تحركوا هذا التفاعل فاهمه قصدي اكيد

ابدعتي حبوبة فالرواية بضبط كلام طلول وايد ناس تشدنا لروياتها بعدين تشغلها الظروف وتنسي الموضوع والله يعين اتمني لج التوفيق دوماووابدا تحياتي

طيب الحين وين ارسل الجزء الثاني...ارسلته بس مدري وين راح

طيب الحين وين ارسل الجزء الثاني...ارسلته بس مدري وين راح

البارت الاول
الجزء الثاني

حصه...
طلعت واقفلت باب غرفتي وبيدي شنطتي وباليد الثانيه عبايتي..نزلت الدرج..وبالي مشغول بمؤيد..من يوم جا وتقدم لخطبتي..وانا مو على بعضي..مدري وش هالشعور الي ملازمني..قبل فتره تقدم لي شخص اسمه سعود...ماعرف شي غير اسمه..وبعدها باثلاثه ايام اجا مؤيد ولد عمي وتقدم لي..بداخلي توتر...وفي نفس الوقت ارتباك..وخوف مدري وش سببه..انتبهت لصوت خوي عبد الباري:يتهنى الي ماخذ عقلك
ناظرت له بسررعه:نعم
جت خلود من وراي وضربت كتفي:يقلك الله يهني مؤيد بعقلك الي ماخذه
ناظرت فيهم بهدوء:والحين مين الي قال باختار مؤيد
خلود تمشي للخلف..وهي مقابلتني:واضحه وضوح الشمس
فيصل يمشي تجاه الباب..رمى المفتاح على عبدالباري:وصلهم..انا مشغول
٭انا باستخير..والخير فيما اختاره الله
.................... ........................ ..........
نتعرف على شخصيات بو فيصل
بو فيصل*صاحب شركة متوسطه..باحسن حالاتها..عنده موضفين موثوق فيهم...وولده عبد الباري يشتغل عنده..وابو فيصل نادرا مايكون بالبيت
....فيصل٭عمره25..هادئ..اناني في بعض تصرفاته..دكتور نفسي..(معلومات سريه بتعرفونها عنه مع الاحداث)
عبد الباري..عمره22يشتغل مع ابوه بالشركه..ملامحه حاده..طويل نحيف اسمر..
خلود..بنت فرفوشه تحب تغامر وتخاطر عمرها19..طولها متوسط شعرها قصيير ناعم وكثيف...بشرتها بين البياض والسمار جسمها جميل(عجزت اوصفها خخخخخ)
حصه بنت هادئه عمرها18..اعقل من اختها الي اكبر منها..جميله ملامحه بارزه..بشرتها بورنزيه..شعرها طوويل يوصل لنهاية ضهرها لونه بني
................................. ................. ......
&معلومه&
٭ابو مؤيد الابن الاكبر
٭ابو ايهاب الابن الثاني
٭ابو فيصل الابن الثالث
هذول اخوان ابوهم قبل يموت..كان عنده ثلاث شركات..وزعها عليهم..وامهم متوفيه

منى...
كنت جالسه بالسيارت..بالمقعد الخلفي واتكلم بالجوال:وش تبي تكلللم..
٭هذا الغريب غثني قاهرني بكل معنى الكلمه ودي اعرف ليييه مبتلش فيني انا حتى ماعرفه ..رد علي بصوت ضاحك:لاتستعجلي بقلك كل شي في وقته..(وبضحكه قهرتني):كل شي في وقته حلو هههههه
٭يمممممه وش اسوي هذا المقرف يعرف عني كل شي صووري كلها عنده كييف وصلت له يااااربيي انا بنجن.نزلت من السياره للجامعه وانا عقلي مو معي مع هذا النذل المقرف وش اسوي ابوي لو اقله بالي صار ارتفع عليه الضغط والسكر ومايستاهل اخسر بوي من شان واحد حقيير..انتبهت على صوت المشرفه:يابنت ويينها بطاقتك..
٭التفت لها مفجوعه وعلطول طلعت البطاقه ودخلت وكان نوال ومريم ورقيه وحصه منتضريني التفت عليهم باستغراب وانا ادخل عبايتي في شنطني:وين مها وبنات عمها اول مره يتاخرو
٭ردت عليا نوال تبي تنرفزني:عين ماصلت على النبي جتهم
رديت عليها بطفش:نوال انا اتكلم جد وش فيهم صاير لهم شي لاسمح الله..
٭ طبعا الكل التفت لان طريقة كلامي غير المعتاد هبال وجنون.. حصه بنبره استغراب:فيك شي او تخبين عنا شي..٭انا توترت من سؤالها ورديت ببرود مصطنع:لا ابد سلامتك
ردت مريم وهي ترميني بنظرات حيره: متاكده انك بخير
٭رديت بطفش:اييييه خلاص غثيتوني وش ذا التحقيق من وجه الصبح
٭..طبعا الكل انصدم من اسلوبي بس انا ماهتميت لاني بانفجر با الصراخ والبكي معاد صرت احتمل ليه كل هذا يصير لي وبعد شوي ردت نوال علي بصوت متوتر:اسفين مها بالطريق هي والبنات..
٭شفت العتاب في عيونهم كان ودي اعتذر بس مالي نفس ليه احس باكتئاب ماودي اتكلمم على احد احس اني باختنق.
.....................
نعرف عائلة منى
امها متوفيه..................
ابوها..معه شركه صغيره
ومتعب اخوها الكبير يشتغل مع ابوه'عمره22سنه..جدي وحنون..طويل اسمر
منى عمرها18 نحيفه طويله بيضا شعرها طوويل بتجاوز ضهرها..فرفوشه..تضحك كثير صاحبت مقالب ومن اي شي تضحك
...................................
(نترك الرياض للحظات ونشوف الاوضاع في امريكا)

مهند...
كنت بغرفتي جالس وقدامي اوراق ومستندات..ومن هالخرابيط..والاب بجهه..واثباتات ..واوراق الاتهامات بجهه..وصور لمجرمين بجهه ..تنهدت..رميت نفسي على السرير ابرتاح شوي..طرى على بالي حادثه صار لها ستة اشهر.
.
.
قبل اصير رئيس مخابرات.كنت عميل سري للـ سي اي ائي..وبوقتها اكتشفت ان رئيس المخابرات هو بوي الله يرحمه ........بوقتها كنت منتظر خويي بسيارتي..اجا ومعاه اخته..يطرق باب النافذه
فتحتها مستغرب:شفيك
قال بعجله وبيده مفتاح سيارته:مهند..خذ اختي ورجعها معك للبيت الله يخليك انا مشــــغول..ماقدر اخليها هنا لوحدها
سمعت صوت البنت:لا والله عادي شفيها روح وانا بانتظرك
فتح باب السياره..ودخلها بالقوه..واقفل الباب وجا لعندي:ترا البنت عنيده شوي..بس مع شوي تهديد بتخاف..المهم لاوصيك
قلت له:لاتوصي حريص
٭حركت السياره ومشيت..طول الطريق الصمت يعم المكان..قطع شرودي انتباهي لسياره تلاحقنا...وقفت لان الاشاره لونها احمر...وليش ماقطع الاشاره وتاكد اذا كانت تلاحقنا اولا..قطعت الاشاره...والمفاجأه ان السياره قاطعتها كمان..غيرت المسار ومشيت..اتصلت بسام وبلغه انجليزيه:مرحبا سام هل يمكنك ان ترصد تحركاتي من خلال اتصالي
سام:مالامر يامهند بقيت على رحلتي ساعتان لا استطيع ان اخدمك هذه المره
قلت له بصراخ:ساام انا مراقب مالذي افعله
قلي بخوف:من طرف من
قلت له:وهذا ما اريدك ان تعرفه
قال:ساوصلك بالمخابرات السعوديه...وكونك عميل سري سوف يكتشف هذا الامر لديهم..وحياتك ستصبح في خطر.....
.
.
من الشخص الذي يتصل بمنى:...........
من الفتاة التي مع مهند وماذا سيحصل لهما:.........





.

البــــــــــــارت الثاني.....

........
سطور الماضي ارهقتني....
دمرت كل ذكرياتي وحطمتني......
لماااذا انا؟؟هل هناك سببب؟؟.......
السطور القادمه جديره بالرد

الجزء الاول......

وفاء....
كنت جالسه بمقعد السياره خلف مها وانا اطل عليه وهو عيونه بتاكلني كثر حدة نظراته احس..بالرجفه بكل جسمي...متوتره ةدي ياه يصرف نظراته المتفحصه عني ....تنهدت....ايه معاه حق وكيف لا وانا رفضته قطع تفكيري صوته المتوتر
:غطي عيونك
...ناظرت له مستغربه وببرود قهره
:لا ياشيخ لا بقي تيجي معي السوق وتختار لي عبايتي ونقابي
..ناظر لي نظره خفت بعدها ماتكلم وسكتت طول الطريق.

امل....
كان كل الي في السياره يناظر لنظرات اختي وفاء وولد عمي محمد نظراتهم تحكي كثيير ليه ياوفاء رفضتيه وش الي صار ليتك تفتحي لي قلبك وتتكلميلي مثل ماتتكلمي لمنى بكل شي وبعد شوي حسيت بالسياره توقفت وسمعت صوت ولد عمي
:انزلو
ناظرت من الشباك الي بجانب وفاء...بحلقت في الشباك ساااعات.... كان في خط يفصل بيننا وبين باب الجامعه رجعت ناظرت لولد عمي وانا مصدومه
:يعني نقطع الخط.........
...............ماسمعت رد ولاكنه كانت كل نظراته مجمده على وفاء ووفاء ولا كأنها ..جالسه تناظر للشباك قطع تفكيري صوت مها
:لا لا اكيد انت انجنيت اقول بلا خفة دم ترى الساعه صارت 8،22 ...قطع صوتها
:انثبري انتي وانكتمي لما المخلوقه هذي تعتذر على فعا.......قطع صوته صفقة الباب الكل التفت وبعد شوي..


محمد....
لفت انتبهاهي صوت صفقة الباب....لا اكيد انجنت هذي وفجاءه حسيت بشعور غريب هل هو ندم او احساس بالنصر فتحت باب السياره بدون شعور ولحقتها ومسكت يدها...هذي انجنت السيارات مسرعه فيه اجل وش بتسوي التفتت لي والغضب باين بعيونها ويدي محوطه بيدها
: اتركني وش تسوي انت مو انت الي ...
رديت عليها بسررعه:مسويه فيها يعنني وغرور وكرامه ترى هذي ماتمشي علي ارجعي ..وبحزم..:السياره
.....رجعت السياره وانا اشوف في عيونها الاحتقار ...ايه حت ولو قلت لها ماصار شي واقنعتها اني مو انا الي خططت لكل شي..ماراح تصدق.. وهي جعلها لاصدقت لااكن ترفضني اناا انااا الي كل بنت تتمناني وصلتهم للباب ونزلو كلهم وبعدها تحركت وانا عقلي وقلبي مو معي
...... .............. ..................
وفاء وامل..توأم...شعرهم طويل..خيالي..لون عيونهم وشعرهم (امل اسود..ووفاء بني)..بشرتهم بيضا طولهم متوسط...يتشابهون في كل شي
ابوهم متوفي...واخوهم عبد الرحمن متوفي...معهم امهم على قيد الحياه..
....وهم بنات عم مها😊

مها...
نزلنا من السياره وطلعنا على طول بطايقنا ودخلنا وكالعاده البنات منتظرين تكمل الشله دخلنا على المحاضره بطلعة الروح لان الدكتوره كانت شوي متشدده
وانا اجلس بمكاني كنت في الوسط وعلى يميني منى ويساري امل وبقيت البنات متوزعين بشكل متناثر كنت اطل على منى وش فيها اول مرره اشوفها كذا ياترى فيها شي اليوم شكلها غير التفتت لها وبهمس
:منى اش فيك
..ماردت علي ولكنها هزت راسها بمعنى.لا.يعني مافيها شي..انا ماصدقت وحاسه انه شي حصل لها شي مو هين ..ياربي سترك......

شوق.....
تفاجأت من ثامر ولد عمي..لمن سمعته يكلم بالجوال بهالطريقه:قلت لكم..ابوي بذمتكم..ماحد بالعالم يعرف قصته غيركم...بتساعدونه؟
٭تنحيت على جنب..ابي اسمع شي يوضح كلامه شفيه عمي..وش حالته الي اقلقت ثامر..اقفل الخط ورمى جواله على السرير

عمر.....
جمعت اوراقي وطلعت من الشركه بدري...فتحت باب السياره قطع شرود صوت ابراهيم:صرنا مانشوف الناس
التفتت له بسرعه:ابراهيم.(.جيت له وسلمت عليه):مشغول
قال:الحمدلله طيب وانت
٭سحبته وركبته السياره...وهو يناظر لي مستغرب..قال مستغرب:ياخوي فيه اسلوب.. انت الحين جالس تختطفني؟
تكلمت وعيوني بالطريق:بطولك وعرضك مختطفك؟لاقول غيرها
تكتف:ماابغيت تتكلم
قلت له:اصبر وبتعرف

خلود...
انا وخديجه اول مره نجلس سوا جنب بعض حاسه اني مو خلود لا لا انا وحده ثانيه مع خديجه هذي البنت بتجنني كل وقتها تنكت وتسوي مقالب اطالع فيها ناظرت لي وشهقت بتمثيليه وحطت يدها على صدرها وبصوت هامس
:وش سوويت انا
انا ماقدرت امسك نفسي من حركتها وازداد الامر اكثر لما سمعت صوت نوال ومريم ورقيه يضحكون من ورايه انا بصراحه ماقدرت اتحممل:ههههههههههههههههه..وفطست من الضحك ايه الحين صارت العجوز هذي تطالع فيا التفت لخديجه بسرعه.......ايه الخبيثه مسويه نفسها تكتب ومستوعبه وبصوت شبه هامس
:ههههههههههه الله ياخذك يالنشبه
ردت بصوت واطي وعيونها على الدكتوره وكتابها موقفته على الطاوله ومغطيه فمها براس الكتاب:والداعي اجمعين
انا اناظر شكلها مسويه يعنني قمة في البرائه لاكن ماقدرت اقاوم وامسك ضحكتي والشيطان شاطر:ههههههههههههههههه
الدكتوره هذي المره رمتني بنظره صارمه ...طيب يعني وش اسوي مع النكته ذي.

مهند.....
..مهند..مهند..مهند..مين هذا الي جالس يناديني..فتحت عيوني بصعوبه:سام
٭قمت وجلست... اي نمت وانا اشتغل
امسك يدي وبلغه انجليزيه:مهند نحن اسفون..لازلت صغيرا لتكون رئيس مخابرات..انا لم استطع ان اساعدك في شي الى الان
ابعدت يدي عنه:اخبرتني انه بقي اقل من شهر وانتهي من مهمتي.وارجع كامهندس عادي
ناظر لي:اعدك بهذا

الـــــــبارت الثاني.....
الجزء الثاني.....2

وفاء....
وش اسوي انا في بحر من الهموم ليه يتصرف كذا نسى الي سواه وبكل جراءة يجي ويتقدم لخطبتي يحسبني بانذل له يحسبني بتوسل له يسامحني لاكن هين يامحمد ماكون وفاء اذا ماعرفتك من تكون لفت انتباهي نظرات منى...اه يامنى احتااج اني اتكلم معاك وافضفض لك كل شي الي في قلبي ناظرت ليدي وانا اتذكر واحيك صوف ذكرياتي معاه ايه في ذاك اليوم ماكنت اعرفه مثل اليوم....في ذاك اليوم كنت احبه ومتاكده من مشاعري تجاهه ومشاعره تجاهي... لكن ايش سوا بعدين... استغل ثقتي فيه وايش سوا؟؟..والله ماسامحك يامحمد.....وتذكرت يوم كنا في المزرعه مع اهالينا ومر طيف من ذكريات ماضي زائف ....مادري شلون اسميه ذكريات اوحلام اوو ..اووو ....كوابيس خانقه.او .او احلام مزيفه على مجرى مهب الريح تنمحي..احلام وذكريات تخالطها الدموع..الخداع..الكذب..الذل..وش كمان..ورجعت اقلام ذكرياتي ترسم الماضي
.
.
.
دخل وانا في المطبخ عند الثلاجه مع بدايه طلوع الفجر وقال وهو يناظر فيا.:ابغا اي شي اكله....ناظرت له ببرود.:مثل؟
تقدم وفتح الثلاجه :سوي لي بيض
ناظرت له وانا ابى اطول المحادثه بيننا باي وسيله:وانت ليش ربي خلقلك يدين
...مسك يدي بسرعه وهذي الحركه اربكتني وبحركه صبيانيه:عشان امسك الاشياء مو عشان اطبخ بيض
ابعدت يدي بقوه ولا كنه مشدد يده علي قلتله بتهديد وهو يضحك على حالتي
:ابتعد لاتشوف شي مايعجبك
ناظر فيا وبنبرة ضحك
:لااا وش بتسوين...
٭قلتله بنفس نبره التهديد:باصرخ باعلى صوتي وبلمهم حولينك
...ناظر فيا بلا مبالاه وقال ببرود وكانه يبي يستفزني
:وانا بقولهم طقتها سوالف معي تقريبا لساعه ونص وبعدها فكرت تصرخ
...انا بحلقت بتصرفه هذا مجنون اكيد
.....وبعد شوي دخلت مها... وانصدمت من المشهد وفتحت فمها شبرين من الصدمه
: محححمممد و. و. وفففاء... وششش تتسوون
...راح ركض لعندها وغطى فمها
:اقفلي فمك يدلخه
....ناظرت فينا بشك وقالت بنبره تتصنع فيها الغير مبالااه
:وش تسووون يلا ابعدو عن طريقي وارجعو غرفكم قبل اجمعهم عليكم
.. ومشت للثلاجه وطلعت عصير ببسي
.. كنامبحلقين فيها ومصدومين من ردة فعلها الهادئه قطع شرودي صوت اخوها
: ببسي من وجه الصبح
.ردت بنفس البرود
:اذا ماتبوني اتكلم عن الي شفته انحذفو من قدامي
...٭وهي تقفل الثلاجه وتمشي لغرفتها
قال وهو منصدم ملتفت عليها
:وجععع احنا وش سوينا الحين الي يسمعها...

نترك الذكريااات....... ونرجع للواقع

منى..
وبعد انتهاء المحاضره سحبت وفاء بخفه واشرت للبنات
:بنروح مشوار وراجعين
وفاء وهي تناظر لي باستغراب
:مششواار وشو؟!
انا ماقدرت اتحكم في دموعي وتركتلها المجال تهوي على خدي وتكلمت بصوت مخنوق
:احتاااج اتكلم معاااك
٭ وقفت وسحبت يدها هيا الثانيه وكانها تبي توقفني
:وانا مثلك احتاااج اتكلم معاك
..وصارت عيونها تدمع وبصوت اشبه للصراخ
:انا تعبببت من التفكير والكتمان احتاااج افضفض لاحد ومافي غيرك بها الدنيا احد ارتاح له.

مها.....
استغربت من وفاء ومنى شكلهم مايطمن ابد بس الحمدلله اهم شي يرتاحون ...قطع تفكيري صوت اكره اسمعه
:وين الناس مسرحه
(كانت هذي ايمان عدوة وفاء اللدوده)
التفتت لها بهدوء:هلا وش بغيتي
..وبعد شويه نطت المخلوقه وفجعتني ...ياربي كانت بتطلع روحي..شهههقت بدون ماحس
هاجر:هههههههههههههههههاي وش ينقال لهالشهقه
ناظرت لها باستغراب
:ليه ماجيتي المحاضره
....ردت برد كنت اتوقعه
:ابد تاخرت ومافي شي غير كذا
..هذي هي هاجر المحاضره الاولى مستحييل تحضرها حت لو جت نص المحاضره مستحححيل تدخل
ضربت مريم ضهرها بخفه
:ايه خلينا نشوف معدلك
حصه بدفاشه
:شكله بيطلع زي وجهك
ردت بدون مبالاه
:ايه اذا مثل وجهي اكيد حلو
..قلت بسرعه وبدون شعور
:ابوووك يالثفه
الكل:هههههههههههههههههههههههههه
خديجه مسويه نفسها تفكرر
:اذا بيطلع على وجهك خافي على مستقبلك ولازم تشدي شوي والله
بحلقت فيها وفمها مفتوح شبرين
:لا ياشيخه
الكل:ههههههههههههههههههههههه


منى.....
ضميتها لصدري.... اااه ياوفاء وش اقولك مشكلتنا كبيره لاكن مشكلتك مدري وش اقول عنها من جد محير هذا المحمد

مريم...
الحين الساعه 10.30كلنا رحنا للكفتيريا نفطر.. اليوم داومنا عشان محاضرتين ..للحاسب ومحاضره الساعه 2.00 ولكن الدكتوره تبع الحاسب قالت انها مابتحضر
جلسنا على الطاوله بعد ماخذنا لنا فطور ناظرت لخدوج الي لفتت انتباهي وهي مدري شقول وش تسوي هالمخلوقه الكل يناظر فيها مستغرب ايه جالسه تاخذ العصير حق البنات وحقها كمان وترتبه بعدين ترجع تخرب الترتيب وترجع ترصها فوق بعض
هاجر وهي مريحه ذقنها على يدها
:متنا من الجوع والاخت شتسوي بالعصير ترا لو ماوزعتي العصير لاتستبعدي اشرب دمك الخفيف
٭ردت بتريقه
:ايه عارفه لحظه بس بصور
٭مها اخذت عصيرها
:ماعرفك من انتي
٭خدوج بقهر:اما عااااد
٭ورقيه اخذت عصيرها
:ولا انا اعرفك
٭وانا كمان اخذت عصيري وبضحكه.:ولا انا اعرفك ههههههههه
وطحنا عالسوالف والضحك

امل.......
كنت افكر في اختي وتوامي ليه ماجت للحين تفطر تاخرو هي ومنى حالتهم مي طبيعيه ياربي يا وفاء متى......قطع تفكير صوتها
:ميمااااتي (شخصيه..بوادي الذئاب..تشبهها بهالشخصيه لانها تمشي مثله..حقيقه)فين وصلت
كانت هذي هاجر ناظرت لها ببرود وانا افتح العصير
:في مطار وفاء الدولي
مها:همتارو قولي اشرايك نسحب بكره ونغيب
هاجر:اوك وليه لا طلباتك اوامر
حصه مصعوقه:بناااات بكره ريتا(الدكتوره) علينا الاربع محاضرات بتسحبو عليها
مهاببرود وهي تقوم تبي توقف:يقولك المثل.لاتتعب نفسك من الدراسه ترى بتموت
(وقامت وقامو معاها هاجر ورقيه)
ههههههههههههههه ضحكت وانا اشوف نظرات البلطمه على وجه البنات هههههههههه شكلهم تحفه وبالذات خلود ناظرت مريم تلف لجهتها ب بطئ حشى الرجل الالي كانها هههههههههههه
خلود:في احد سمع بهذا المثل.
..........حصه مصدومه
:سكتتني وشطبت على جبهتي
وبعد سكوت قصير شوي
الكل:ههههههههههههههههههههههه

نايس استمري بالتوفييق

الـــــــبارت الثالث....
.....الجزء الاول.....1

شوق......
نزلت لعند عمي..كان جالس بالصاله وبيده دخان...وشكله مب على بعضه..يعني استغربت من حالته..جيت وجلست قدامه:عمي..انا ودي ازور اختي عند عمي حكمت بالدمام لانـ.....
وقف فجأه وشمر ضراعه وتقرب مني وباسلوب ارعبني:شقلتي ماسمعك
٭دخل ثامر وقال بصوت مخيف:شوق
ناظرت له وقلبي بيدي من الخوف:وشـ شـفيه
سحب يدي..وصار يجرني بقوه دخلني غرفتي ورماني عالارض..:قلت لك لاتقربي بوي اذا بغيتي شي كلميني
وقفت وقلت بصراخ:طيب ليش اكلمك انت...عمي شفيــ...
قطع كلامي بكف على وجهي.. كل الي حسيت فيه بذاك الوقت قوه ضربته الي رتميت على الارض من قوتها..ناظرت فيه ويدي على خدي:حسبي الله عليك انت وابوك
عطاني قفاه وقال:بتعرفين يوم من الايام ان هذا لمصلحتك(ومشى واقفل الباب..هذا الحال من بعد اختفاء خوي مهند...ووفاة ابوي...للحظات افكر..انا مو امانه عندهم ليش كذا يعاملوني..اختي سما اشتقت لها..كم سنين مرت ولا شفتها..عمي حكمت ليه مايجي يشوف حالتي..وعمي بو منصور..ليش مايجو يتطمنون علي..مهما يكون ان بنت اخوهم الي توفى وتركني اعيش الظلم باشكاله...توجهت للطاولة وبدات اكتب..خواطر تحكي كل مأساتي.
.
في آن من الآوان...يتمنى المرء ان يباد..اقف امام بابان من الضياع..باب يدلني للهروب..واخر يحبسني في عتمة الظلام..كوني ضعيفه يضيق بي خاطري...لارسم سطور جديدة تدل على مأساتي...في حين من الاحيان...اشتاق لاشخاص..امتدو تحت التراب..وحينٍ يشتاق فيه قلبي لاشخاص اختفوا ليجددو النسيان...وحينٍ يشتاق لشخص طالت الدروب بيننا..واصبح من المحال ان نلتقي..

مريم.....
رجعت للبيت معا نوال مثل العاده خالد الي كان يسوق جاني صوته
:يالنشبه لقيت لك عريس مناسب وكل بنت تتمناه
...التفت له باستغراب
:لي انا
...رجع كمل ايه انتي وترى هو صديقي وخويي عمري وممكن اليوم بيجو يخطبوك
...رجعت التفت للشباك وقلت له بهدوء
:وانت تشتغل خطاب ولا وشو
.. ضحك ورد بعدها
:اقوووول يالعنز الجبلي بتوافقي عليه ولا اصرفه قبل تحرجيني واتفشل
..ناظرت له
:مابغاه اخطب لنفسك وبعدين اخطب للناس
.......فجأه سمعت ضحكته
:هههههههههههعههه يعني ناويه تعنسين
....رديت بتحدي
:نشوووف من يتزوج اول انا والا انت
...٭.هذا المجنون... من تعيسة الحظ الي بتوافق عليه؟؟
نزلت من السياره وطلعت سمعت صوت حمود خوي
:والله لو تمس شعره منها لاذبحك عااارف ولا اشرح لك.
..............................................
تنهد وتكلم وهو شاد على اسنانه:لاتختبرني ياحااتم والله لادمرك انت وشركتك..لاتستهين فيني
...........................
ضحك بسخريه:هههههههههههه ضحكتني انت وفلوسك مابتسوو شي الفلوس ماهي كل شي ياحبيبي ههههههههههه
.....................................
وبتهدديد:حــــاتم لاتنسى اني اعرف نقاط ضعف شركتكم
...................... ....................
قال بنبرة ضحك:مالي دخل بولد عمك...لاتدخل احد بحساباتي معك

غريبه من هذا الي يتكلم معاه..طنشت المحادثه الي سمعتها وطلعت غرفتي ارتااح لاني تعبانه

متعب....
انتهيت من شغلي ومسكت طريقي ورجعت للبيت وكالعاده كانت منتظرتني جت تركض وضمتني وباست خدي
:متعب ممكن نتكلم.
...حسيت شي في نبرة صوتها جلستها عالكنبه وتعدلت في جلستي وصرت مواجه لها
:سمي ياعيون متعب
شفت عيونها تدمع ...لا .لا هذي منى تبكي كذا..منى الي عمرها اذا اذاها احد مابكت ...عمري ماشفتها تبكي كذا.. اجل ليش تبكي كذا...وش صار ليه نظراتها جامده..هذي اختي؟...ليش ملامحها بااارده...وكانها مو هي وش هذا التناقض الي ماقدر اوصفه...قطع تفكيري صوتها المترددد
:اممممم .انا.انا.مدري شقول بس في احد
قطعت كلامها
:منى تكلمي ماني متعود عليك كذا ترى ماني مستعبد انه يكون مقلب منك

البـــارت الثالث.....
الجزء الثاني...

منى.....
انا ماتجرأ اتكلم لخوي بالي صار لي ياربي شسوي...وش اقله...اقله صوري عند رجال وجالس يهددني فيها...لا مستحيل ماقدر
...احس بهموم الدنيا محملة باكتافي صحيت على صوت خوي
:منىىى.. منىى..التفتت له وقلت له بارتباك
:لااا مافي شي
..ناظر لي بنظره شك وقلق
:متاكده
...ماحبيت اطول معاه واخذ واعطي..ماراح اقدر احبس دموعي اكثر من كذا..وقفت بارتباك حاولت اخفيه
:انا مشغوله وبرجع غرفتي

........................
رقيه........
طلعت غرفتي ارتاح وبعدها باجلس على كرسي الرسم وارسم كل شي يطرا على بالي لغايه مايتملكني النوم رميت نفسي عالسرير انقلبت على يميني اتذكر كل شي صار اليوم صديقااااتي الله لايحرمني منهم كل شي يذكرني فيهم يبسطني ويسعدني احبهم ولاكن..بالي مشغول ب وفو ومنو....ههههههه ياحليل اساميهم ..اااااه ياربييي احفظهم قطع حبل افكاري وجه مقابل وجهيي بحلقت فيها مفجووووعه
:بسم الله وش جابك وكيف دخلتي
سما:دقيت الباب وناديت وناديت عليكي وانتي تناظري لي وتبتسمين
....٭هههههههههههههه ..هذي سما بنت عمي ياحليلها بس انفجعت شوي لما شفت وجهها قدام وجهي ومتسدحه بجنبي...ههههههههه...قطع افكاري صوتها
:كمان تبتسمين ممكن اعرف ليه ضحكيني معاك
دفيتها بخفه:يالله قومي بتجننيني انتي
سماا:اللهم لك الحمد والشكر على نعمة العقل والدين
رديت عليها وانا اقوم من السرير
:اقول طيري عن وجهي(ولبست البالطو تبع الرسم)تعالي اجلسي قدامي بارسمك
ناظرت لي وبدلع مصطنع وهي ترمش بعيونها بسرعه
:مو قلتي لي اطير جالسه اركب اجنحه


حسن....
فتح الباب علي وهو مرتبك ناظرت فيه باستغراب...فهو اول مره يدخل غرفتي بهدوء متعود اسمع طبطبه وازعاج وكنت اعرف انه جاي قبل مايوصل بعشر دقايق اقل شي...طالع فيا بتردد وبعدها
قالي بتوتر:ممكن نتلكم شوي
ناظرت فيه بهدوء"اي تفضل
جلس على الكنبه المقابله لي:حسن ابغا استشيرك بشي بحكم انك بمثابة ابوي.....بمثابه شخص اكبر مني وفااهم اكثر مني....انا ماقدر اصبر اكثر من كذا.....ابغى اعرف انا الغلطان او هي.....مادري ابدا بعناادي وغروري او بتعجرفي(وسكت شوي)..ولا ابدي معك بكبريائها
ناظرت فيه احاول افهمه.....
:محمد ابدا في موضوعك.....بدون مقدماات......وفاء ليه رفضتك؟....كلنا نعرف حبكم المجنون......كلنا نعرف انكم تحبون بعض....ولبعض كمان؟.....الوالده لما قالتلك بان وفااء رفضتك......كنت هادئ...او بالاحرى....مشاعرك كانت باارده.....وكانك كنت متوقع ترفضك؟.....تكلم انت غلطت معاها في شي......مو بسهوله يخسر الحب.....قلي وش صار؟؟


محمد......
كانت كلماته مثل الابر توخز في جسمي ...باغتني بالاسئله...ماترك لي مجال امهد له الطريق....او افرق غيمة التوتر...جاوبته ببرود مصطنع
:انااا...اقصد..في شي كبير صار بيننا
رد علي بهدوء:تكلم وانا اسمعك
ناظرت فيه:بس ابيك تعرف اول شي انا مالي يد في الي صا...
قطع كلامي صوته الحاد:تكلم وبعدها برر واشرح موقفك.
..............حكيت له كل الي صار وانا اشوف تعابير وجهه الغاضبه
رد علي وهو يحاول يمسك اعصابه:مححمد وش سويت حاول تتذكر
رديت عليه:والله ماتذكر شي... الي اتذكره....مكالمه وصلتني وبعدها رحت على مكان مثل مستودع.....وحسيت بضربه على راسي بعدها مدري اشصار
قالي:حاول تتذكر وش صار بعدها
قلت له وانا احاول اصرف عيوني عن عيونه:صحيت وانا على سرير بفندق وهي نايمه بجانبي

تنهد يحاول يضبط اعصابه وقال:وهي وش قالت ماتتذكر شي
رديت:ماعطتني فرصه اتكلم هي.. هي...تشك اني....
قاطعني:لا لا هالبنت وش تفكر فيه .. في احد ينتهك عرضه؟...في احد يمس شرفه....صادق من قال النسوه عقولهم قد اليد......الله المستعان

الـــــبارت الرابع....
الجزء الاول....1

حاتم....
كنت جالس اتكلم بالجوال:وين مكان التبديل الي قبل سته اشهور يوم طبوا عليهم المباحث
رشاد: في الـ(..........)رغم انه مكان مايخطر على البال لكنهم لقوهم
قلت:ماعندك معلومات عن العمليه..وش جنسية المافيات
رشاد:الي اعرفه اكثرهم امريكيين..وحسب المعلومات الي عندي..كان بينهم اربعه اوخمسه سعودين..وبينهم عميل...اتوقع اسمه (ايهاب الـ....)بس مو متاكد من الاسم
قلت:رشــاد من فين لك كل هالمعلومات
رشاد:ونسيت ان خوي كان بعملية التبادل يوم مسكوهم المباحث...الشخص الوحيد الي اطلقو صراحه..ايهاب هذا..الشخص هو الي علمهم بمكان التبديل..وبانتقم منه
قلت له:تعرف عنه شي
رشاد بنبرة ضحك:هه مب رشاد الي يستصعب عليه امر


&اليوم اجازه نهاية الاسبووع نمر على بيت كل وااااحد من ابطالنا.....&

نوال....
كنا جالسين انا وامي وابوي واخواني خالد ومؤيد على صفرة الغدا
مؤيد:يمممه البنت ردت لكم خبر اذا كانت موافقه اولا صار لهم خمسة ايام وهم ماردو خبر
التفتت له امي بحب:ياولدي الناس تجلس اسابيع تفكر مو بس ايام اصبر شوي
انا ضحكت على شكله لما سمع كلام امي
رجع ياكل وهو يفكر:اسااااابيع؟؟!..(وتنهد)ان شاءالله مانجن قبل ماسمع ردها
خالد:تطمن يالحبيب لانجنيت اوعدك اني اوقف جنبك وكل يوم اردد عليك البنت وافقت البنت وافقت حتى يرد عليك عقلك
ضحكت على رد خالد عليه:ههههههه ايه وانا كمان متشوقه اشوف حصيصه مع مؤيد ومريم مع خا.....قطع كلامي صوته يكح
خالد وهو ماسك رقبته ومغطي فمه:انتي تحبيني لا لا انتي انجنيتي تبين تموتيني
قلتله بضحكه:ايه احبك وش فيها مريم .والنعم فيها
رد علي باستهبال وهو يشمر ذراعه:لو تحبي خوكي ماتتمني له بالعنز الجبلي (وجلس يضحك)
ابوي ناظر له بنظره حاده:وش فيها بنت عمك والنعم فيها انا من زمان وانا خاطبكم لبعض
التفت له خالد بنظره غريبه:يبباه مرييم اختي مثل نووال
ابوي:................
وكمل: يبا مستحيل اتزوج وحده اعتبرها مثل اختي ابوي:واذا قلت انك بتتزوجها بتعصيني؟؟
كمل(وبصوت حااد):احبها كاخت واتمنى لها الخير(وشد على كلامه)واكسر اليد الي تنمد عليها..لاكن يبه حكايه اني اتزوجها مستحييييل
امي:انت ماتستحي تكلم ابوك بهالطريقه
ابوي لساته منصدم من كلام خالد وكان باين عليه
احنا التفتنا لخالد الي قام منزعج:انا اسف لاكن انا رجال كبير كفايه وفاهم مصلحتي اختي اختي وزوجتي زوجتي..ماقصدت شي وماني قاصد ان فيها قصور.. مريم كامله والكامل الله لاكن الاخت تبقى اخت..
ابوي:اجل قل انك بتعصيني اطلع من حياة ابوك اذا فكرت تتكلم معاي كذا
خالد جابيتكلم ولكن مؤيد قام بسررعه وسحبه للمجلس


عبد الباري.....
:هههههههه ايه وش صاار بعدين
خلود:ايه اضحك اضحك تضحك لك الدنيا..
٭وقامت يعنني زعلانه
رديت وانا ماني قادر امسك نفسي من الضحك
:خلوود اسمعي..هههههههه..لاتفكري.....انك....بتخدعيني
٭وبعد شوي سمعنا صوت امي تنادي علينااا
.:خلوووود عبوووود انزلو يلا الغدا جاهز
طالعت فيها:يلاا اطلعي من غرفتي لو سمحتي ياهانم
خلود وهي ترمش بعيونها بسررعه:ماراح اطلع حت توافق
رديت بدون نفس:يالله وش تبين كل يوم بالسوق بس ابغا سبب واحد وش . تبين . من . السووق.؟
خلود:اووووه عبود حاجات كثير يوم الاحد كل صديقاتي بيلبسون لون محدد يرضيك اكون ناقصه عنهم...ايه وكماان حصيصه اختك الحبوبه بترد بالموافقه اليوم لابن عمي مؤيد واكيد بكره بيجون وكذا انت عارف حركات الخطاب ولازم اشتري لها كم غرض تعرف هي ماتقدر تروح وحدها لازم تستشير ذوقي..
:ايه الحين تتعذري باختك ومسويتها مصلحه لك ياشريره
ضحكت بهبالها المعتااد:هههشريره مرره وحده
نزلت وانا بدلت ملابسي ونزلت وعلى صفرة الغدا..
فيصل كان كل نظراته على حصه:اختي
ناظرت فيه:سمم
فيصل:فكرتي بموضوع مؤيد وسعود
حصه :اييه استرخت واسشترت الله والي اخترته مؤيد
خلود تناظر لحصه:حصييصه حبيبت اختك ليش ماتعطيني عريس ترى انا اختك ماني بالناس
ضربها فيصل بخفه على راسها:هههه انت ماتستحين شوفي اختك العاقله لونها انصبغ الوان لما سالتها وانتي وجهك ممسوح بمرقة
خلود:هههههه بسم الله علي
حصه تناظر فيها:وش قالولك انا ابيع عرسان ولا اوزعهم مجاني
الكل:هههههههههههههههههههه

البـــــارت الرابع..
الجزء الثاني ..

مريم...
كنا جالسين على سفرة الغدا....
حمود:يمما ابيك تخطبين لي اليوم تجهزو بوديكم انتي ومريم
ابوي ناظر فيه:ومين تبغا
حمود:نوال بنت عمي يبا
ناظرت فيه:ايه وليه مستعجل
ايهاب وهو ياكل:خايف لاتطير البنت منه
فيصل وعيونه على بوي:انكتمو انتو..هاه وش قلتوو
امي:ان شاءالله يوليدي الحين اتصل فيهم واقولهم بموعد الزياره
ايوي:اي نوال والنعم فيها وعقبال مايجي خالد ولد عمك يطلب يد اختك
انا ناظرت بوي وعيوني مبحلقه فيه:ملحوس العقل..هه.هه.هه.تمزح يبا..هذاك الملحوس تبيه ياخذ بنتك الوحيده لا والبريئه كمان..يبااا.لا.لا.لا ماراح اوافق يبا..لاتنحرجو.ولاتحرجوني معاكم من عمي وعمتي


متعب.....
اام متعب:يمما اختك بغرفتها صحها تجي تتغدا
رديت:طيب
وانا بالدرج طالع لغرفتها كنت اتذكر شكلها امس كيف كانت تبكي وكيف كانت تتكلم طرقت باب غرفتها:منى انزلي الغدا جاهز
ردت:ايه الحين بنزل
فتحت الباب ونزلت معي لصفره الغدا سحبت كرسيا وجلست وعيوني مافارقتها ولا ثانيه
قطع شرودي صوتها المرهق:اليوم لازم اروح السوق ابي كم غرض
رديت عليها:طيب وقت ماتبغي كلميني
ابوي:بنتي فيك شي
منى:لا مافي شي سلامتك يبا بس تعبانه وافكر في رجعتكم لتبوك ودي اروح معاكم مشتاقه للاهل
ابوي:لا يابنتي ماينفع كذا ودراستك...(وبحنيه)..حبيبتي لما تخلصي بنروح مع بعض في الاجاازه

خديجه...
:يبا عمي وعايلته رجعو الدمام
ابوي:ايه امس رجعو..الله يوصلهم بالسلامه..ويحفظهم
قلت:يبا ولد عمي مهند وينه مو كانه له فتره مو مبين
ابوي:الله يهديه مدري وين اراضيه
رقيه:يبه بنت عمي شوق ليه ماتجي تسكن معنا
ابوي:هذي وصية خوي بعد موته..سما عند عمكم حكمت..لانه ماعنده اولاد..وشوق عند بو ثامر..ولانه معاه ثامر..بنفس الوقت ولد..ترك عندها مهند كمان..ولكن مهند الله يهديه..وانا لاني عندي بنتين وولد..شكله ماحب يضايقني ببناته..الله يرحمه يامطيب قلبه
منصور يناظر لبوي:يبه انت وعمي حكمت..دايما مع بعض...يعني كانكم اسره واحده..رغم انك انت بالرياض وهو بالدمام..لكن عمي بو ثامر...عقب وفاة عمي بو مهند..وهو ماندري وينه..كان مهند هو الي يقلنا هم باي ارض..لكن عقب اختفاءه..ماعرفنا هم وين الحين
رقيه تنهدت:يبا احتاج اغراض من المكتبه وابيك تروح معي
منصور:اللهم طولك ياروح. احنا بعالم وانتي بعالم ثاني..ودي اعرف في الوان في الدنيا ماشريتيها
رديت عليه:والحين وش دراك انها بتروح تشتري الوان
منصور:هي ماتروح مع ابوك الا اذا تبيه يساعدها في اختيار ادوات الرسم(والتفت لرقيه)ولا لا ياطويلة العمر
ناظرت فيه ببرود ورجعت كملت لبوي:اي متى
ابوي:الوقت الي تحبيه
...... ...... ................. .............
نعرف الابطال..
ابو منصور...مدير شركة كبيره تنافس الشركات المتوسطه وتاخذ دعم من دول اجنبيه
منصور..عمره25 متهور عنيد..اناني في نفس الوقت..عصبي..يكره التباهي..يتصرف..بدون تفكير..وكل تصرفاته طائشه..وسيم طويل ملامحه تجذب مجسم..شعره خفيف مجعد
خديجه..عمرها19سنه بنت حبوبه دمها خفيف..شخصيتها قويه..جميله طولها متوسط شعرها مرره قصير لعند اذنها..كثير مدرج..نااعم..ملامحها جميله..بشرتها بورنزيه
............ ............... ............
رقيه..عمرها18..حبوبه هادئه..موهوبه تعشق الرسم..من اي شي تبكي..بيضا طويلة شعرها لنص ضهرها لونه بني..ملامحها بارزه..اكثر شي يميزها نعومتها الزايده
............. ........................... .........

حسن....
قصة محمد غريبه من بيسوي هذا فيهم وليه هم والله حكايه ماتدخل الراس..صحيت على صوتها
:يتهنى
ناظرت فيها:وشو
ردت وهي تضحك:الي ماخذ عقلك
امي:يمما وش فيك ماتاكل ماعجبك الغدا
:الغدا طيب بس انا شردت شوي تعرفين الشغل وهمومه
محمد يناظر فيا وهو يعرف سبب شرودي:اترك الشغل لاصحاب الشغل وتغدا وانا خوك
ناظرت لامي:يمما ابغاك تخطبي لي امل بنت عمي
امي بفرحه:ابشر ياوليدي ابشر وراح اتصل بامها اليو واكلمهم بموعد الزياره...

امل...
كنا جالسين على سفرة الغدا.....
امي:بنتي ليه رفضتي ولد عمك عقب ماتوفى خوك عبد الرحمان وابوك وعمك ابو حسن مالنا احد غير اولاد عمك..وولد عمك والنعم فيه
كنت اناظر لوفاء منتظرة اشوف ردة فعلها ولاكنها مابادرت باي تصرف ملحوظ كانت تاكل وعيونها على الاكل قطع شرودي صوتها الحاد
:يممه مافي نصيب
امي بقلق:بنتي انت تحبيه ولاني امك ماتقدري تكذبي علي..اجل ليش رفضتيه...حت انك مافكرتي واستخرتي على طول رفضتيه قدام امه واخته..وش فيك بنتي
عيوني لساتها مثبته صوبها وهي قمة في الهدوء وبعد لحظات وقفت وهي معصبه ودموعها بعيونها
:يمما لو تعرفي ايش سوا ببنتك راح ترفضيه قبلي..ليه كلكم في صفه وكاني انا الغلطانه...هذا مو انسان هذا حيواان(وضحكت باستخفاف)ههه..وتجون تقوللي والنعم فيه.
وش فيها هالادميه وش سويت يمحمد لوفاء الله اكبر عليك وعلى امثالك..

..البــــارت الخامس......

الجزء.......1

حاتم.....
كنت جالس بمكتبي...مجرد التفكير ان حمود يهددني...هذا الشي يفقدني اعصابي...مين هالبنت ياترى...مامعي غير رشاد واختي ايمان..هم الي بيساعدوني اوصلها..تنهدت..ارجع لنفس المشكله....الحين بيخطب بنت حسب الي سمعته ملاك ..ولكن هين ياحمود نشوف من يقدر ياخذ البنت..طيب كيف اخذها...ايه صح اتقدم لخطبتها..بس هي ماتعرفني ومن الممكن انها ترفضني..فهالوقت بتكون خسارتي اشد والعن...ههههههه..انا وش جالس اخربط...حلوه هذي اروح اخطب البنت..اكيد بترفضني..هذي البنت انا ماحبها ولا ابيها اصلن...لكن...........!...اقدر اجيب راسها بطريقه وحده!... والمهم اني احصل عليها ولو غصب عنها....قطع تفكيري
:يتهنى الي ماخذ عقلك
التفتت له هذا عمر ولد (عمي) رئيس وزارة التعليم
رديت:وش تبي
عمر وهو يقفل باب مكتبي ويتقدم:اسمع ياحاتم اذا مابعدت عن هذا الطريق بتكون حكمت على نفسك بالموت
رديت وانا ماني طايقه:وش تبي الحين
عمر:وين صور البنت ليه تلعب ببنات الناس ماتخاف ربك
حاتم:وش تبي مني اخلص
عمر:انا اعرف لك واعرف لاختك ايمان الي ماتخاف ربها انا عارف انها هي الي توصل لك صور البنت
يارب يطولك ياروح:اخللص وش تبي
عمر بضحكه استخفاف:هههه.لا سلامتك بس جيت احذرك واللهم فاشهد واذا كنت تبيني احذرك بالتطبيق العملي ابششر
وطلع وصفق الباب وراه لا لا اكيد هذا مجنون ايه صح اليوم ماتصلت عليها

منى.....
انتبهت على رنة الجوال واخذت اشووف من المتصل.ياربي هذا وش يبي مني ااه ياربي سترك رديت بدون نفس
:نعمم وش تبي
رد علي وكانه معصب خفت منه
:اليوم بنتقابل
انا.خانتني لساني ماقدرت انطق..رجولي ماقدرت تحملني..احس برغبه في الموت..عقلي عاجز عن التفكير ... هويت على الارض
:وش تبي مني ياحقير
رد بهدوء:ابي اقابلك
قلت له:واذا قلت لا
رد ببرود: اجل شوفي صوورك في الانترنت
قلت له:انت ماتخاف ربك
رد:وش قلتي انشرها ولا انتظرك؟
غمضت عيوني وانا اداري دموعي وبصوت مخنوق
:انتظر...ني..

نوال...
ياربي احس باحراج مادري شقول...انا اكيد موافقه بس كيف اقولها...انا فرحانه من جوة توكلت على الله
:ايه موافقه
جاني صوت مريم وهي تضحك:النااس تفكر..وتستخير وبعدها توافق
اه يالعنزه تبي تحرجني..وش اقول الحين
امها:انتي اخرسي وش دخلك
امي:ولدكم مافيه قصور ولو وافقنا عليه حنا كسبانين وموبخسرانين..وزين ماقلتي يابنتي
مريم تصفر:اييه باين شوفو وجهها انصبغ الوان ..هههههه
يامريم اليوم بتحرجيني وقلت بصوت يالله سمعوه
:ايه
مريم:طيب نبي حمود يشوفها
ناظرت فيها:وشووو
مريم وهي مفطسه ضحك وتضرب على الكنبه وتضحك:ههههههشوفوهههوجهها
الله يالنشبه طيب يامريم

رقيه....
جالسه على كرسم الرسم ولابسة البالطو وارسم(كالعاده) دخل اخوي منصور الغرفه التفتت له
:وش فيه
جا وجلس على كرسي مقابل لي
:ارسميني
ناظرت فيه باستغراب:ليه
عقد حواجبه باستغراب
قلت له بسررعه:اقصد ليه الحين لازم اكمل لوحتي بالاول
ناظر فيا ببرود:مو مشكله بانتظر

خلود....
اخذت عبايتي ورحت لمن غرفته ودقيت الباب
:يالله عبوود انا جاهزه
رد علي من ورى الباب:ماني اصغر عيالك احترمي اسمي على الاقل
اوفف الحين بيتفلسف علي:يالله بسررعه طفشتني
فتح الباب:بنزل احمي السياره وانتي البسي عبايتك وانزلي
رديت:طيب دقايق بس

الـــــبارت الخامس..
جزء.....2

حسن...
واخيرا جا الوقت المناسب لاطلب يدها بس اخاف تسوي مثل اختها وترفضني...لا لا ماتوقع..ان وش سويت لها...طيب هم توام اجل امكن يفكرو مثل بعض..او تتعصب مع اختها....لا لا ماتوقع
قطع تفكير صوت الجوال رديت
:ياهلا بابو الشباب
مؤيد:كيفك واشلونك واحشنا يالدب
قلت:اجل واحشك يالكذاب..وليش ماتتصل...او تسال..اقل شي ارسلي رساله انت حي ولا ميت
مؤيد:ايه وانت حي ولا ميت فينك مختفي
رديت:لا لا ميت ومختفي بين المقابر
رد:ههههههههه بسم الله
رديت عليه:انت شلونك وشلون خويلد
رد علي:تمام التمام..اجل مابغيت تبارك لي
قلت:مبررووك
مؤيد:يالتافه اسالني بالاول على ايش..الحين قلي على ايش تبارك لي
قلت:لانك طلبت مني
مؤيد:يالله بااي
رديت:ههههههههههه لحظه لحظه لاتزعل قلي على ايش
مؤيد:خطبت
رديت:وانا كمان خطبت....وانامحسب معك سالفه...الحين ماودك تقلي ليش متصل ماتوقع اتصلت علشان ابارك لك
مؤيد:ايه انا ومتعب وفيصل وايهاب ومنصور..بنتجمع كذا في مزرعه ابوي وانت حياك انت واهلك والوالده تحييكم كمان وتبي تتعرف على الاهل.
رديت:نتشرف احنا كمان..بس تعرف لازم ناخذ شور الاهل وكذا فا....
قطع كلامي:على راحتك على راحتك بس اعرف انك واحشني يالدب
الحين انا دب هذا المجنون عليه تشبيهات:الدب في عينك واقفل ترى غثيتني

مها......
كنت جالسه اقلب صوره وانتقل من صووره لصووره..ااه اشتقت له يارب ارحمه برحمتك الواسعه...ماحسيت الا وبدمعتي تتبعها شهقات متتاليه مر على موته سنتين...واحنا مانعرف كييف ماات اه ياربي...كيف متت بس ودي اعرف جواب هذا السؤال
ناظرت لجوالي واتصلت فيها اعرف اني مو بوقتي اسال هالسؤال واعرف كمان اني بفتح الجروح القديمه...قطع تفكيري صوتها:هلا مها
رديت:امممل ودي اسالك
امل:تفضلي
رديت بتوتر:امل ودي اعرف كييف ماات.ا..اممم....
جاني صوتها المتكسر:مهاااا
ياربي انا وش جالسه اخربط ليه انبش في الماضي:امل لما جا الوالد وقال انه مات ماقالنا كيف مات وكمان ماقلنا....امممم...حت اننا....ما..شفنا جثته
امل بصوت مخنوق:مهاااا انتي لس تحبيه؟
وش هذا السؤال المباغت:امل..انا اعشققه..(ماقدرت اتحكم في دموعي وبكييت)
امل:لو تحبيه وتحبيني ارجووك لاتفتحي هالموضوع مره ثانيه..ادعي له بالرحمه هو يحتاجها اكثر شي بهالوقت

متعب….
في السياره ?ان الصمت سيد الم?ان يح?م اجواءه بصيطره طاغيه التفتت لها ?انت قمه في الهدوء ولكنه مصطنع ايه احس بتوترها ورجفه يدها وش السالفه يامنى عارف ان في شي كبير تخبيه: منى وش فيك.. فيك شي؟
ناظرت فيا وكالعاده الانكار المعهود: لا مافيني شي

نوال….
كنت اكلمها في الجوال وانا احس ان قلبي بيطلع من الفرحه: ايه انا احب حمود من زمان بس ماتوقعت انه يحبني علشان كذا مابينت لك
مريم: خطيره طلعتي وحصلتي على فارس احلامك اجل انتبهي على حمودا تراه بامانتك
رديت: بدينا شغل الحموات

عبد الباري….
البنات مين يطاوعهم ويجيبهم للسوق متخلف او بالاصح مجنون.. الحين من اول ماطبينا عالسوق وهي تفرفر بـ السوق ايه احسن لي اشغل نفسي باي شي لغاية ماتكمل هالبنت…ركبت باذني السماعات وجالس اقلب اغنيه اغنيه واتسمع فيهم…

البـــــارت السادس…..
الجزء........1

منى…
ناظرت لمتعب بتعب حاولت اخفيه ولاكن ماضبطت معي: ممتعــب
ناظر فيني
قلتله: خلصت خلنا نحاسب ونطلع..
هز راسه بمعنئ طيب ومشينا مستنين دورنا في المحاسبه التفت لي متعب: منى لاتتحركي وخليك واقفه لمن يجي دورنا باخذ لي كم غرض وجاي
ناظرت فيه :طيب
وصل دورنا للمحاسبه كان المحل شبه فاضي لانه قرب وقت الاغلاق وماكان خلفي الا شاب ناظرت فيه مستغربه هذا الشاب وحده واقف والسله تبعه كلها ملابس نساء...ومامعه اي بنت..ضحكت عليه مسكين شكله منتظر اخته الي تاخرو عليه....واتذكر الي ماخذ صوري...وارجع اغوص في كربتي... التفتت على صوت البائع
: تقدمي ياختي
سعودي هالرجال هههه شكله هندي.. وش اسوي الحين وينه متعب لو احاسب عنه بيذبحني بارضي..
التفتت للخلف وعيوني تدور على متعب.. وينه… المكان يخوف مافي غير شوية عمال وهذا الشاب صاحب السماعات مستني دوره بعدي ياربي

عبد الباري….
هالمجنونه وين راحت ..قبل شوي وهي تقول خلصت والحين رجعت تاخذ الموجود الي بقتهم الله يصبرني على هالبنت… ايه وهذي الادميه متى بتخلص لها ساعتين ان ماخاب ظني وهي واقفه تتلفت يمين ويسار
…لفت انتباهي حركة البائع وش جالس يسوي.. هذا الحيوان يمد لها ورقه.. ايه متاكد لا لا هذي رساله شكلها.. استغفر الله.. قدام الناس.. ركزت على البنت ابغى اشوف تاخذها او لا… ليش تغطي عيونها بيدها…معقوله تبكي...ايه تبكي.. اجل ليشـ… .اااخذتهااا! .. اخذت الرساله! .. ياربي سترك.. لفت انتباهي يدها.. ترتجف بغرابه.. مو مستبعد تتقطع الورقه من رجفت يدها
:هيييييييييه
تخرعت من صوتها :بسم الله الرحمن نعم وش هالصووت انا جنبك مو في امريكا
خلود رافعه حاجب: لي ساعه واقفه اتكلم عليك وانت مسرح ..في مين هاه تكلم( ناظرت لقدام) في هذي البنت هاه! ؟
سحبتها :يالله خلينا نطلع مابقى اسرح الا في اشكال هالبنت
خلود: هيه وقف ترا بطيح عليك
وقفت لما شفت متعب متوجه للبنت.. مسك يدها وجالس يحاسب عنها.. معقوله اخته او زوجته او شي مثل كذا… هالبنت وش قصتها....ينتابني الفضول.. وليه ماكتشف بنفسي.. قطع تفكيري صوتها
:عبووود بروح اسلم على صديقتي
ناظرت مابقى الى مكانها ناظرت لها المجنونه تركض قدام الخلايق: ووقفي يامجنونه لاتركضي
ردت من بعيد بصوت عالي: لحظه شوي وجايه
رديت وانا شاد على اسناني بشبه صراخ: قصرري صوتك لاقصرره لك.

حاتم........
خلصت عمليه تبادل البضائع الي كنا منتظرينها...وتمت العمليه بنجاح...التفتت لرشاد...كان جالس متكتف وبيده سيجاره...وباين التوتر على علامات وجهه ونظراته تتفحص كل شخص موجود بيننا قلت له:شفيك رشاد
ناظر لي:مدري شقول بس مب الوقت المناسب اتكلم معك في الي شاغل بالي
ثامر الي كان منسجم مع عصمت في الكلام وعيونه على رشاد..وقف وقال بصوت حاد:عن اذنك ياعصمت مشغول..شوي وراجع
ناصر يمد السيجارت لثامر:لا تتاخر..بغيتك بسالفه
ثامر يلتفت له وهو يحاول يبعد دخان السيجاره عن وجهه:طــيب
قبل يطلع ثامر..واول ماعطانا قفاه قال رشاد:الي بغيت اقلك عنه ياحاتم...شكوكي في وجود عميل سري بهالعمليه..والي موترني انه ماكشف للمخابرات عن مكان العمليه..ولا سرب معلومات عنها
ثامر بمكانه ولا تحرك..عصمت وقف وقال بتوتر:شتقول انت
ناصر:اهدأو ياشباب.(والتفت لرشاد)وش تخربط انت
رشاد:وقف ومشى لاتجاه ثامر:قلت لكم باحساسي.(وقف جنب ثامر ويدينه داخل جيوبه)انتم عاد براحتكم صدقوا او كذبوا..
٭وطلع وتركنا بدوامه من الـحيره..