حبيسة وقت ضائع ..

وإن جئنا للجانب العقلاني ؟ ف أنا أكاد أجن ولا تسألني لماذا !
أما عن الجانب العاطفي ؟ ف على قلبي السلام ولا تتعجب لماذا !
وبين هذا وهذا ، واقعة ف مأزق حبك أنا ..

مساء الخير ريم لج حق تقولين جي عن اللي يصير بشكل عام في المونت وخاصه سوالف اكثر انواع الحب بس ابغي اقول لج وعن تجربه الحب موجود والحب نحن م نرتب له هو يدخل قلوبنا وعقولنا بدون إذن وقلتها إعجاب وبداية اي حب في كل العالم إعجاب وبعدها ي يتحول هذا الإعجاب لحب او يتحول لصداقه حلوة


بس في غلطه وكبيره في اجوفها الحب المفروض له شروط اذا انوجدات بين الطرفين من البداية باقي الأمور مع الوقت تنحل والحين ريم زمن ثورة النت كراسي حكام طاحت عن طريق النت بتوتير والفيسبوك تخيلي عاد القلوب في رايج من خلال النت م طيح ؟؟


الصدفه دايما تلعب دور واي حلو في حياتنا .. مثل م الصدفة من كم يوم خلتني أتعرف عليج والنت طبعا له دور كبير مب جي ؟

مساء الخيرات وأنا معاك بأول جزئيه بكلامك بس للحق أنا ما قلت جي عشان المونت أنا جفت أغلب السوشيل ميديا جي جوها وعموما هذا مب مستغرب لأن الكل يبي يطلع بوجه الإنسان المحب الصادق الطيب اللي يحب بسرعه وقلبه بريء وحقهم لأن هذا عالم إفتراضي وكلن يبي يطلع بأحسن صوره!

الحب موجود ومتوفر بكل مكان وزمان سواء نت أو حياه واقعيه وهذا محد ينكره لكن ي عزيزي الحب هالنوع عمره ما دش ولا بيدش عقولنا لأن حده القلب وقليل قليل من العقلانيه وهذا مب معناته أنه ما يستمر! بعضهم يستمر لسنه قدام وأكثر بس هذا ما يعطينا دليل قاطع أنه حب حقيقي وإحنا أصلا لما نبدأ نحب ما نفكر بعقل ..

أنا رأيي عكسك في شروط الحب ، الحب ما يعرف شروط وتطلبات وأحيانا تلاقي نفسك تحب شخص أبدا ما كان ضمن تفكيرك أو أحلامك وحتى شروطك؟ أحيانا يجبرك الحب أو المحب وكلاهما عملتان لوجهه واحد إنك تتخلى عن كل اللي كنت مرتبه أو ترتبه!
وبالنسبه حق الثوره الإفتراضيه أنا أجوف إنها م طيحت بل ساهمت بشكل هائل وكبيير جدااا وبعد كانت أحد أسباب قيام ثورات وقرارات شعب فجائيه وكانت مثل الأرض اللي تروح لها تطلع اللي في خاطرك وبعدها توصل صوتك حق الكل ، القلوب بتطيح أي بس ماراح تطيح طيحه حقيقيه بل وهميه ومؤقته ..

مافيه شي أسمه صدفه! كل هذا اللي يصير وصار وراح يصير (مكتوب ومقدر) وأستثني منها علاقات النت لأنها تكون نوعا ما مخطط لها من قبل الأيام أو الأشخاص والنت دوره كبير وصغير نفس الوقت ، تسلم طلال وأنا فعلا سعيده بمعرفتي لك ومعجبه برأيك مهما أختلفنا فوجهات النظر ♡.

بيض الله وجه خلي نصحني وما سمعته!
قال أنتبه لا تنجرف ترى قلبي لعوب .

صباااحووو ريم وكلامج انا كله احترمة وعاجبتتي ثقافتج وتنوعها لان للأسف اكثر البنات تبين الصج في وايد حوارات مخوخم اتنح اكيد انتي تتكلمين من زاويتج وتجربتج وانا نفس الشي كنت احب أسترسل في الحوار ونقاشي وياج في هذي الجزئية بذات لان مشاعر الحب هي اهم شي ومن خلالها تنبني حياتنا كامل من طموحات وآمل وغيرها . بس مب حاب اخرب مدونتج الرائعة .. ريم اعترف لج انتي جميله بكل م فيج وجمالج يبدا من عقلج وباقي الأشياء مكمله له اكيد .. ويشرفني اكيد تكوني صديقة قريبه لطلال لو هذا الشي تبينه ..

أنا فهمت شنو يقصد طلال وأشوف ماله داعي تفهم هالقد غلططط! خاصة اني بنت وهي بنت والله يبعد عني وعنها كل حب حرام واسفه ريم اذا تكلمت في شي ما يخصني بس صراحه تضايقت من طريقة التفكير او التحريض. ريم قلبج وايد طيب من جي تفهمين بريء وهنيال ربعج فيج لانج صج طيبه واستمري بابداعج الله يحفظج،

Waaaaax كتب:أنا فهمت شنو يقصد طلال وأشوف ماله داعي تفهم هالقد غلططط! خاصة اني بنت وهي بنت والله يبعد عني وعنها كل حب حرام واسفه ريم اذا تكلمت في شي ما يخصني بس صراحه تضايقت من طريقة التفكير او التحريض. ريم قلبج وايد طيب من جي تفهمين بريء وهنيال ربعج فيج لانج صج طيبه واستمري بابداعج الله يحفظج،

اممممم هههههههاااي لا تعليق خذي راحتج في التفسير . وأكيد ريم فاهمة طلال وكل اللي يتابعون مدونة ريم فاهمين نوع النقاش والحوار الراقي اللي صار بيني وبين ريم في العام مب في الخاص وأركز علي كلمة عااام

ولو في شي غلط في أهدافي. عندي صلاحيات افتح الخاص لريم أتواصل وياها خاص بس انا من النوع اللي احب يكون كل كلامي إعجابي مديحي نقاشي عام لان م في شي استحي منه ،

وريم عقلها وثقافتها اللي لمسته من خلال خواطرها وطريقة نقاشها وياي  اكبر من انها تفهمني غلط او افهمها غلط ، علي العموم هي عضوة جميله راقيه بينا ويسعدني تكون وحدة من اعضاء المنتدي المميزين  


وسموحه منج فديتج خربنا مدونتج بالنقاش وصبااااحوووو

انا ما بكمل نقاش لان مو من حقنا نتناقش في مكان شخص غايب وانا ما قلت ان حواركم هابط او دنيئ انا بس كتبت رايي لانك علقت او فهمت بعد ما اهيا ردت علي وشي طبيعي افسر جي دامك ما فسرت ولا وضحت وارجع اعيد واكرر ما اتهمتك بشي وانك تتكلم خاص¡وبنسبه حق عقل ريم وثقافتها انا بعد لمسته من مدونتها ولانها عضوه جميله وراقيه انفعلت وما حبيت ان يتخذ عليها اي تصرف مو اوكي😊 ولاني مارضى حد يفهمني غلط اعتذر منك طلال وريم اكيد فاهمتني وسامحة لي اتحجى😙

بقولكم شي:
أنا صج ماعرفكم بس الله الشاهد أن لكم مكانه مناسبه بقلبي واكس حبيت ردودج وتشجيعج لي وبعد إنفعالج ودفاعج عني كأني صديقتج وأختج وهذا شي وايد يسعدني وانا أبادلج هالمشاعر الحلوه ، طلال أنت مثل لما أكون بمكان ماعرف حد فيه وتيي صوبي بكل لطف ولباقه وتبدى تحسسني إني بمكاني وبين ناسي وطبعا تشجيعك ومناقشاتك ومرورك وايد يسعدني وأنا شايله لك بقلبي كل حب ..

بالنسبه للموضوع اللي خذا أكبر من حجمه؟ أنا أجوف إن عادي وكل إنسان معرض للفهم الخطأ أو حتى الظن الخطأ! وأنا صج بريئه ي واكس لكن ولا يهمج أفهمها وهي طايره وقلبي بعد طيب والحمدلله بس مب ساذج والطيبين أمثالكم يستاهلون الطيب والمعامله الطيبه ..

واكس وطلال والله ماكو شي يستاهل هالكلام بينكم وتيكت إيزي وأنا أعتبركم ربعي من جي عادي اخذ وأعطي وياكم بدون ظن أو رسميه وأتمنى تظلون شخصين جميلين عرفتهم في مدونه وأستمرينا مع بعض مب تفرقنا أو تكرهنا في بعض أمور ما تسوى ولو إني أجوف هالمناقشه الرائعه تسوى كثير حوارات ووايد سعيده من خلال هالكلام وصلت لعقولكم وتفكيركم الجميل ..

قاعده أقول حجي وايد وماعرف شنو بالظبط بس لأني صج مابي أخسركم وحابه أحتفظ بمعرفتكم ، طلال عرضك مغري وما نردك¡ سامحة لكم من كل قلبي أنتوا الكاتبين وأنا القارئه ♡.

أن أجدك أنت في منتصف طريق هالك وأراك تمد لي يد الأمل وأرى عيناك تشع حب وأشعر بقلبك الصادق يلتهم كل خيباتي وحزني!
أنت جنه أنت نعمه ، أنت لي حياة جديده ..

ما فيه أصعب من إنك تبحث بين زحمة ناس عن شخص واحد !
ولا أظن به أصعب من أحتياجك للشعور اللي كل ماله بإزدياد ..

أغرب ليله تمر علي ~

أسسسفه طلال :'( انا كنت وايد متترفزه ييت ودشيت وطلعت حرتي كلها فيك واعرف ماله داعي اكتب اللي كتبته وريم أسسسفه بعد لاني دشيت فيما بينكم. استمري يبه،

ولا يهمج واكس حبيبتي أصلا أنا نسيت الموضوع
وأنا وطلال مسامحينج ♡.

https://youtu.be/wHVeTzA58RA



أنا آسف !

جاني يسأل بعد الغياب بعد العذاب و الإنسحاب!

أقدر أشوف عيونك أقدر أضمك وأسمعك ولاخلاص؟

hardest moment to talk is usually with the one you love, you always forget how to tell them the words that dies in your heart and still hidden ..

Wherever I go i'm a stranger and I love this ..

الله أكبر كيف يزيد حبك من دون لقى وسلام !

*مقتبس ..

عندي كلام كاتمه بالحيل شاقيني !

كثير ناس دشو حياتي بمقصد شر أو إنتقام بغض النظر عن دوافعهم وموقفهم!
أنا شاكره لهم هالشي لأن لولا الله ثم لولاهم ما فتحت عيني على كثير شغلات!

يمكن لو كنت حول اللي يحبوني صج ما تعلمت دروس مهمه على قلة خبرتي بهالحياه ..

سألتك يا مهجة الروح أنت قادر؟ على البرود والجفاء واللا أهتمام !
جاوبتني والله حسيبك! قلت لي يا نبض هالقلب لجلك قادر أنا أكون .

يأسروني الأشخاص اللي مرورهم عابر:

اللي يزرعون بقلوبنا واحه شاسعه ، اللي كلمه عن كلمه نحس إن الله رزقنا إياهم ، اللي معرفتنا فيهم ما تتعدى شكر! إعجاب! تشجيع وحتى سلام ، اللي نكره الوقت يمر بدونهم وننتظر حديثهم ، اللي نتفائل فيهم وترجع روحنا الحلوه بسببهم ، اللي نفكر فيهم كل يوم هذا إذا ما كانت كل دقيقه ، اللي نستغرب أهتمامنا فيهم رغم جهلنا عن كل شي يخصهم ، اللي بكل بساطه نتمنى شوفتهم ولمستهم ..

-أنا أنتظر شخص أسرني وأما يجيني ولا أجيه ..

ريم احب مدونتج واييد واييد مو شويه والايام اللي انشغلت فيها وحشتيني والله. لاتغيبين تره حسج حياه😙

أماني بسيطةه مثل إني أحضنك
لوقت طويل وأنسى نفسي فيك ،!