حبيسة وقت ضائع ..

'


السلام عليكم ، مساءكم خير وسعاده جميعا
أعرفكم ع نفسي أولا أسمي ريم ..
م كنت ببطل مدونه لأني ماحب الألتزام أو أن يكون عندي شيء لازم م أهجره لكن صراحه شجعني (Talaal) وبعد حسيت إن أفضل أفتح ويكون كل اللي بقلمي فيها !

طبعا أتشرف بقراءتكم ومتابعتكم ل هالمدونه ويسعدني تشجيعكم وردودكم <ولو تكون مثل جمال ردود طلال؟ عال العال وحلوين $'

وهنا! راح تقرون أحاسيسي مشاعري وقصائدي اللي نابعه من قلبي لقلبكم ، دمتم بخير ♡.

عليكم السلام وصباحج فرح ريم ولنا الشرف احنا اللي نتابع مبدعه مثلج ولا تحاتين ردودي راح تكون اجمل من ردود طلال😁 دمتي لنا وننطر طلتج😙

الشرف لي والله وكلكم ردودكم بالنسبه لي جميله ، شكرا واكس ♡.

والقلب اللي كان نبض قلبك ووريده
واللي كنت تامن الدنيا ب وجوده !
ذاك اللي خذاه نساه حبك وعهوده
لاتأبه لامن واجه أيامك ب جحوده !

لما كل الدروب اللي تخطي لها رجلك تردك؟
وتلقى كل الأيادي اللي كانت متمسكه فيك أفلتتها!
وكل اللي كنت تظن أو تعتقد! إنهم أصحابك وأحبابك هجروك؟
والمنفى الوحيد لحزنك والأنين ما عاد له أي أثر و وجود!
وحتى الدفتر حاوي شكواك والآلآم ما عادت صفحاته تسد؟
وأقرب صديق ذاك الوفي الحبيب القريب خذته الدنيا وما عاد يهتم!
لما تمر ب كل هذا وأكثر بدون أي مواساه وطبطبه ، وتفقد الأمل ب أملك وتبدى تفكر؟
يارب ليش كسروني! وحرموني منهم وجرحوني! يارب أنا سيء لدرجة كلهم تخلوا عني! يارب أنا ماني قوي ولاني حجر .. يارب كون معاي وقوني.

تمر الأيام والسنين وأنت؟ شخص ثاني فكر ثاني وقلب ثاني ، تشعر باللا شعور واللا إهتمام وتصير كل حياتك ومحورها: برود وتبلد وكأن حد مقفل قلبك عن كل شي وعامي عينك عن أي شي!
تكذب ع نفسك وتقول إنك مرتاح ومريح محد يحبك وم تحب حد ، م تهتم حق حد ومحد يهتم لك، والغيره ما عدت تذوق ويلها والقلق نسيت عذاب لياليه والشوق م تعرف شلون يمر ويألم ..
كل هذا عشان وشو؟ عشانك إنخذلت من الحياه ومن اللي كان يغطي عيوبها.

وبين كل هالضياع تحس بأن الدنيا رجعت لك جميله وجابت لك شخص غيره!
وشفت شخص غير م هو مكرر مثل باقي البشر
ملامحه صادقه م تعرف الأقنعه والتزوير
كلامه وتعابيره أبد ماهي مثل كل من مر
تنزل رأسك تترجى قلبك والعقل :
نبدأ من جديد ي ترى! ولا ننهي اللي حصل واللي بيحصل؟
هالشخص خلى قلبك ينبض من جديد وخلى عقلك يشغل التفكير وحتى النظر منه م سلم، يوم عن يوم يبدأ يزيد ف أقترابه ويوعدك م تشوف منه فراق!
تبتعد بين وبين لإن الخوف للحين ماليك لكن هو عرف شلون يشيله ويحضنك بالأمان والراحه .. تطمنت ووثقت


يا ترى هل بتكتمل قصتكم؟ ولا بتنتهي مثل غيرها!

رأيي أنا؟

-الحب ليس وسيله ولا حكايه ولا حاله نمر بها ف تنتهي الحب أشبه ب سماء واسعه لا نهاية لها ولا هناك خيارات أو توقعات وضمانات! وأنا أعامل الحب هكذا إن جرحتني غيمه رحت أتمعن ب الغيوم كلها دون لمسها ، وإن أحبتني غيمه؟ حتما سأحبها وسيكون قلبي لها واسع!
وعموما يوما ما سنلاقي أنا وأنت بمن يشبهنا ولا نفترق ..

اللي أبي أوصله أن الحياه فيها أمل والأمل فيه الحياه ♡.

حبيسة وقت ضايع. كتب:'


السلام عليكم ، مساءكم خير وسعاده جميعا
أعرفكم ع نفسي أولا أسمي ريم ..
م كنت ببطل مدونه لأني ماحب الألتزام أو أن يكون عندي شيء لازم م أهجره لكن صراحه شجعني (Talaal) وبعد حسيت إن أفضل أفتح ويكون كل اللي بقلمي فيها !

طبعا أتشرف بقراءتكم ومتابعتكم ل هالمدونه ويسعدني تشجيعكم وردودكم <ولو تكون مثل جمال ردود طلال؟ عال العال وحلوين $'

وهنا! راح تقرون أحاسيسي مشاعري وقصائدي اللي نابعه من قلبي لقلبكم ، دمتم بخير ♡.

وعليج السلام ورحمه ريم اسمج حلو تبين الصج احسه قريب من حلوة شخصيتج اللي المس فيها كل شي حلو وبرد أأكد لج مرة ثانيه تستاهلين التشجيع والكل ترا معجب بقلمج وشخصيتج والدليل جوفي اللي فووق من احين يغار هههههااي وعاشت الأسامي

كلماتج ابداع ابداع صدقيني تلمس الحساس تخلي اللي يقرأهها يعيش الأحداث ويتخيلها وختام الخاطره روعه وقلمج عجيب

-الحب ليس وسيله ولا حكايه ولا حاله نمر بها ف تنتهي الحب أشبه ب سماء واسعه لا نهاية لها ولا هناك خيارات أو توقعات وضمانات! وأنا أعامل الحب هكذا إن جرحتني غيمه رحت أتمعن ب الغيوم كلها دون لمسها ، وإن أحبتني غيمه؟ حتما سأحبها وسيكون قلبي لها واسع!
وعموما يوما ما سنلاقي أنا وأنت بمن يشبهنا ولا نفترق ..

عيبتني ...

أقولج شي ريم¿ شكرا وايد شكرا للوقت الضايع اللي خلاج تدشين هالمنتدى وتسعدينا بابداعاتج😍
هه طلال هوب هوب يبه هالمبدعه صارت حقي بعد اذنها طبعا😉

عطني المحبة كل المحبة .. عطني الحياه
عطني وجودي ابغى وجودي .. أعرف مداه

املا شعوري بالحب مره ، ابغى هواكم حلوه ومره
وأغلى الأماني عاشت فغربه ، ياعمر ثاني عطني المحبه

عطني في ليل الياس شمعه وبسمة نهار ..
عطني في ضياع العمر دمعه وسكة ودار ..

واعطيك أمل في الحب غالي ..
يصعب على غدر الليالي ..

وأغلى الأماني .. عاشت في غربه
ياعمر ثاني .. عطني المحبه ¡¡

حلوت أيامك طلال ودائما الشخص اللي روحه حلوه يشوف كل الأشياء حلوه وأنت منهم وتشجيعك أكيد يهمني ، عاشت أيامك يارب وأنا سعيده بإعجابك ♡.

أحرجتني ي واكس والله أنا السعيده ب متابعتكم ودعمكم وردودكم الجميله ، ههههه أنا وإبداعي فدوه لك ♡.

الله على أختيارك والبدر ...

أنا الغلطان والمخطأ المذنب
ثلاث أشياء منكم لي نسبتوها
وأنا ف نظركم إن ندم م تاب
و كثير عيوب فيني تحملتوها
وهل أنلام لاسألتكم أحباب ؟
وأنتم لو قدرتوا جثتي حرقتوها ..

لو كان يعلم؟ لو كان يهتم؟ ولو كان يفهم!
لما ذهب دون أدنى ذنب ، لما جعل قلبي حظه يندب.

لو كان بحق خليل! لو كان يحفظ الجميل! ولو كان يقدس الحب جيل خلف جيل؟
لما أضاع من يديه النعيم ، لما راح ينبش عن اللئيم.

لو كان ولو كان وليت م كان لم يكن لا ب مكان ولا زمان ..

ليه الظنون الباليه لا من شفتك حاصرتني ...

وليه نظرات الحزن لا من فرحت كستني ...

ليه الدنيا بوسعها لا من ضقت زادتني ...

وليه الحبيبه لا من لها أحتجت نستني ...

ليه العيون لامن قرت لك فزت رموشها؟
هه محاوله تقليد لج ونفس الوقت اعجاااب😉
ريم يا ريمممم شهالحروف الاسره وقسم بالله صرت ادش عشانج. استمري ابوي انتي😙

بعد عمري واكس أحرجتيني ب ردودج اللي تفوق الجمال ومتابعتج لي وسام على صدري وفخر:
سعيده بك وحروفي لغيرك ما تلتفت ♡.

حرف سبقني للفراق !
وحرف جرفني للهلاك .
يا يد بطلي هالعناق ؟
ويا قلب أنسى حب ذاك.

مبدعة مثل عادتج ريم وهذا اللي أباه ان اي عضو يعجب بعضوة ويباها حب يعلن عن هذا الحب بشكل عام خل نفرح لكم ونشاركم فرحتكم والله يديم الخير والوناسة بينكم مب بسر وع الخاص بنسبة لي علاقة تنولد بس في الخاص وتم سر بين طرفين بسس هذي اكيد لعب من طرف واحد مب جاد واللي جاد يعلن يقول يخبر الدنيا كلها عن حبه

كنت أظن إنك معي صادق
وتبادلني الحب وأنت سعيد
لكن تفاجأت بشوف الحقائق
وعلى كلا تراني بعدك جدا سعيد ..

الحب إستحاله نقدر نكتمه وما نبوح فيه لأن حزتها حواسنا كلها راح تفضحنا لكن ..
عفوا طلال ما فهمت شقصدك؟ أو من تقصد بكلامك ؟!!

صباح الخير ريم شكلي فهمت الموضوع غلط فديتج وكل ابدعاتج تلمس القلب

ي ميته وأنتي ف الروح حيه
كأني لمحت طيوفك؟ حزينه !
آفا ي اللي على قلبي غاليه
تبسمي تراك بحزني جانيه ..

صباح النور طلال وحصل خير بس ترى أسمح لي الحب ف هالأماكن مب حب! إعجاب؟ أي وممكن بس حب؟!!
بتقول لي يصير وفيه ووو ، بقولك كل هذا (توهم للحب) لا أكثر ..
شكرا من القلب لكلامك الطيب ♡.