ليتك تحس [روايه جديده]

مرحبا هاي روايتي الأولى و انشالله اتعيبكم و ولو لقيت تفاعل بكملها

ليتك تحس [البارت الأول]
*عايله سعود *
سعود :بويه عمرها 19 سنه اتخرج من الثانويه العامه و حاليا يفكر أي جامعه بيدخل
*سعود شخص يتحمل المسؤؤليه لأبعد حدود لأنه أبوه و أمه ماتو بحادث سياره و هو عمره 10 سنوات و سكن عند خاله اللي ما يحبه و ما يصرف عليه ابدا ف اضطر يشتغل ف شركه عقاريه [ فالبدايه فراش لأنه راعي الشركه كان موفر بس هالوظيفه بذات انه سعود ما كان له مؤهل علمي بس قبل سنه اشتغل سكرتير خاص لبنت راعي الشركه]
* ميره : بنت خال سعود انسانه دلوعه و اتحب سعود بس ما تبين له لانها مغروره و كانت وحيده أبوها و أمها ف كان أبوها يعطيها و يوفر لها كل اللي تباه و كانت هي تعطي فلوس لسعود و تحطهن بظرف بين اغراضه على أساس انهم من يدها اللي ساكن وياهم فالبيت]

••اشكال الشخصيات
سعود : طويل و معضل و ابيض و عيونه عسيله و شعره ناعم و ضعيف يعني حليو شكله و عنده غمازه حلوه قرب شفته تطلع من يبتسم
ميره :اقصر من سعود بشوي و ضعيفه جسمها مخصر و حنطيه البشره و شعرها مدرج على طوله و كثيف عيونها واسعه و سود هي السنه ثانويه عامه لانها أصغر من سعود بسنه

•السنه سعود قرر ياجل موضوع الدراسه لين يوفرفلوس الدراسه

أول يوم دوام :
ميره فتحت عيونها و تذكرت انه هالسنه أهم سنه و لازم تييب نسبه عشان تدخل الجامعه مع سعود

كملللللللللللي بدايه موفقه

قامت ميره من السرير و راحت للحمام عشان تاخذ شاور فهالوقت كان سعود نايم لانه عاطينه اجازه يومين من الدوام لين بنت راعي الشركه تزهب ديكورات المكتب الجديد
طلعت ميره من الحمام و توجهت لتسريحه و كانت تفكر بسعود
ميره في خاطرها :ليتك يا سعود تحس بهالحب اللي بقلبي لك اه فديت زولك و طبعك و هدوءك انا ما اعرف كيف اقولك احبك
دخل ابو ميره عليها الحجره
ابو ميره : ميره يا بنيتي هالسنه هي اهم سنه بحياتج و انا اباج ترفعين راسي و راس امج عشان تدخلين الجامعه و لج مني سفره للمدينه اللي بخاطرج لو يبتي نسبه اكبر من 90٪ و بعد بنفذ لج طلب تتمنينه بدون كلمه لا مني اوعدج بهالشي
ردت ميره : احبك يالغالي و انشالله برفع راسك بس ابا سعود ايكون بهالرحله هاا طلبي ارجوك لا تردني
ابو ميره بمضض : انشالله
طلع ابو ميره من الحجره و راح لحجره سعود
ابو ميره بصراخ : سعود يا الغبي انت نايم قوم يالله اباك توصل ميره للمدرسه ما ابا تروح مع السايق لحالها و يا ويلك تتاخر عليها فاهم الظهر
سعود :انشالله خالي
ابو ميره : لا تقول خالي انا تاج راسك و ولي نعمتك انت بدوني بتكون بالشارع يالله قوم خلصني
سعود قام و بعيونه حسره و تذكر امه و ابوه و راح ياخذ شاور سريع و طلع تي شيرت ريال مدريد و جينز و لبسهم بسرعه عشان ما يتاخر
راح بعدها يفطر و كان يفكر بحياته و لين متى بيتم تحت رحمه خاله و هو يفكر قطعت حبل افكاره ميره اللي كانت متكشخه لاخر درجه و متعطره بالعطر اللي يحبه سعود لانه اهداها هالعطر بعيد ميلادها قبل 3 سنوات و هي من ذاك اليوم تشتري مثله دايما
ميره لسعود : سعود ليش قايم من وقت باقي يومين على الدوام بالشركه انت نسيت ؟
سعود: بوصلج المدرسه
ميره : ليش وين سونيتا ؟
سعود : خلصي بنتاخر
ميره فطرت و مشت معاه لسياره
فالدرب للسكول :
ميره حطت اغنيه احبك موت لماجد المهندس و كانت تسمعها فالايبود بينما سعود قاعد يفكر
وصلو المدرسه و عند باب المدسه كانو اربيعات ميره يتريونها

ميثاء و العنود هم اعز اصدقاء ميره مع بعض من 4 سنوات و قراب من بعض حيل بس خلونا نشوف هل بتجمعهم الاحداث و لا القلوب بتتفارق ؟؟

# شخصيات اليديده
ميثاء: بنت قصيره و متينه بس ملامحها حلوه و شعرها لين جتفها اسود و فيه وحمه على رقبتها تلفت الانتباه و عاطتنها جمال و عيونها صغيره بس لونهم ازرق فاتح لانه امها فرنسيه بس ابوها اماراتي
العنود : بنت ما فيها من الحلا ذره بس قلبها طيب وااايد و حنونه و رومنسيه و تحب الافلام بشكل غير طبيعي

العنود : ميثوه ميثوه ميثوه خلينا نوقف هني نتريا ميره احسن لا نسير صوب سيارتها ما فينا عن ايكون وياها سعود و تعرفين انتي ميروه ما تحب حد يسلم عليها جدامه
ميثا: اوهو فكينا انتي انا متوله عليها الدبه استوا لها 15 يوم ما شفتها اتعرفين كنت مسافره
العنود :كيفج اوكي لا تحشرينا

و سلمو على بعض و راحو داخل بس ميره نست دفترها فالسياره و عقب ما حرك الدريول انتبه له سعود
سعود قرر يرد المدسه لانه ما يبا مشاكل ويا خاله و عشان ما يتهمه بالاهمال
رجع سعود للمدرسه و نزل و دخل صوب الاداره و الصفوف
سعود :افففففففف وين كلاسها هاي كيف بعرف احيين فيه 3 كلاسات ثانويه عامه
خل اسآل هالبنت......
سعود: اختي اختي لو سمحتي اتعرفين وين كلاس ميره ال .....
البنت و هي مفهيه :هيه تبا ادليك
سعود:لو تسمحين
مشت البنت معاه بين الممرات و وصلته للكلاس
البنت :يا زينه
سعود عطى ميره دفترها و راح بسرعه
سعود يوم كان يعطيها الدفتر انتبه لعيونها اللي كانت تناظر عيونه
سعود بخاطره: يا ترى تعمدتي تنسين الدفتر عشان ارجع و لا صدفه؟
سعود بالسياره يلس يفكر انه هو ناقصنه حب و اهتمام و رعايه و انه ياليت يلقى بحياته شخص يحبه من خاطره
بينما ميره بنفس الوقت كانت تكلم ميثاء عن السفر و عن هديه ابوها و وعده لها
ردت عليها العنود بسرعه بس انتي و سعود كيف بتسكنون مع بعض 30 يوم بغرفه وحده ابوج ما بيرضى نسيتي انه يكره سعود و ما يحبه بعدين انتي طلبتي شي مستحيل
ميره بخاطرها : ياليت بس ليله اكون وياه بنفس الحجره عشان احسسه لو للحظه اني احبه اه يا قلبي انا وياه بنفس البيت و ما اقدر اقوله هالشي يا رب متى بتحس فيني يا سعود
و صارت الساعه 2 و رجع سعود ياخذ ميره من السكول و فطريجهم للبيت
فكرت ميره بفكره مينونه بس عشان تكون وياه بروحهم لو لنص ساعه
ميره : سعود سعود خل نمر مول دبي انا نسيت انه باجر لازم اكون شاريه ملابس للسباحه عشان المس ما تعصب و ما اشتريتهم فالاجازه و ابوي يبا السياره العصر عشان الجراج لازم تدخل بليز سعود ابوي بيعصب عليه ارجوك
سعود بعصبيه : ابوج ما يبانا نتاخر و انتي تبين نروح المول شو ما تحسين انه ابوج يبا السياره خلاص فكينا خل نرد البيت ارجوج و العصر خل خالتج تمر عليج توديج السوق
ميره : سعود خالو و بنتها نسيت انهم بيسيرون اليوم المزرعه ويا امي
سعود : اتصلي حق ابوج
ميره : انشالله
سعود : يالله شو هالبنت
توت توت توت ....حاولت تتصل في ابوها اكثر عن مره بس الابو ما رد عليها و رجعو البيت
سعود : ما ابا غداء بروح ارقد عشان العصر بيمر عليه اربيعي جاسم و بنطلع
ميره: سعود
سعود : هلا
ميره : ممكن ايي الحجره عندك ابا اخذ سماعه للايفون سماعتي اخت...(قبل لا تكمل رد عليها سعود بعطيج اياها العصر )
ميره بحسره :اوك
يلست ميره تشوف التلفزيون و تفكر في سعود بينما سعود نام
(العصر ابو ميره نزل للصاله و شاف ميره قالها ميراني حبيبتي امج بتروح المزرعه و اباج تسيرين وياها عشان انا ما بكون فاضي و انتي بتمين بروحج فالويكند )
ميره: ابوي و السكول
ابو ميره : غيبي توه اول اسبوع
ميره : لا
ابو ميره : ميره لا تعاندين
ميره : و سعود
ابو ميره: خله يولي
ميره :ابوي
ميره:خلاص خلاص اذا يبا يسير وياكم قولي له
ميره: مشكور ابوي
ابو ميره ببتسامه : احبج
ميره حبت ابوها على راسه و راحت غرفه سعود
لاول مره من سنه ما دخلت الروم و سعود ناسي يقفل الباب
فتحت الباب

شو تتوقعون ؟؟؟؟؟بيستوي بينهم
توقعاتكم؟؟؟

امممم يمكن سعود يعصب ع ميره او يطردهاا / تقبلي مروري و كملي بليييييز

ميره اول ما دخلت الحجره قلبها تم ينبض بالقو و حست برعشه بجسمها وو عيونها كانت على سعود اللي نايم مب حاس فيها كان سعود لابس شورت أحمر فوق الركب مع تي شيرت من نايك أسود
قربت ميره من السرير و تمت تتأمل سعود و هو نايم و بخاطرها تقول
احبك متى بتحس فيه بس :( و باسته على خده و راحت لأنه خافت يفتح عيونه و يعصب عليها
بعد ساعه رن فون سعود
جاسم : سعود أمرك و لا؟
سعود :حمدان و الشباب جهزو عشان نروح سكي دبي
جاسم :خلاص اتجهز لين ايي و بتصل فيك
{جاسم بطل من أبطال روايتنا بوصفه لكم و مع الأحداث بتعرفونه اكثر /جاسم بويه عمره 18 سنه و نص أسمر و أكتافه عريضه بحكم انه أشهر لاعب كره سله و حب مره بحياته بس البنت اختفت من حياته فجأه و تعب واااايد عقبها و عاش شهور على المغذيات و لين الحين يحبها بس يا ترى شو تتوقعون بالأحداث اليايه يصير؟ }

قام سعود من السرير و جهز نفسه لبس جينز غامج و تي شيرت فراري أحمر و كاب و قعد يفكر بأنه هل ممكن يلقى نصه الثاني بيوم من الأيام
قطع عليه صوت الباب
ميره :سعود
سعود :تفضلي
سعود طلع سماعه الايفون لميره
ميره [دخلت حجره سعود وفهت من شكله اللي طالع طرر بالتي شيرت]
قربت منه عشان تقوله عن المزرعه و هي تقوله عن الموضوع ما حست بنفسها و باست سعود على رقبته
توقعاتكم؟

واااااااو حمااس /بدايهههه قمييييله (: .

حماااااااس كملي ابي اعرف شنو ردت فعل سعود

D_alabdulla71 كتب:حماااااااس كملي ابي اعرف شنو ردت فعل سعود

انا اكمل لج سعود شنق نفسه

نعم شلووون وليه |: |: |:

الرواية تجنن بليز كمليها

حلوووووو نتريياا التككمللهه و الله يسعدكك

ياللا كملل أبعرف شو بيصير بعدين

الروايه طررررررررر
كممممل

حللللللللللوه الروايه بليييز كمليها

انتظر التكمله بأسرع و قت ممكن

كملي

تسلم الايادي