فديتك لاتعذر لي

ولا يهمّك دامك بخير أنا من راحتك بارتاح
فقدتك لا تعـذّر لي ولـو هـــي مطلـبك : مسمـــوح


ولا غيرك سكــن قلبي لوحدك مع شوي جراح
علي غالي ولا أرخصــك حبيبي يـا عــديـل الـروح




عليك القلب قفـّلته وعمـــــــــــداً ضايع المفتاح
-ما دامـك ساكنـه يكفــــي ولا بـــي خافقــي مفتـوح



انا اخباري أبد طيّب بشوفك كـــــلّ ما بي راح
ولكـــن إنت طمّني عســــى قلبـك بـــدون جــروح



ذبحني الشوق والتفكير عســـاك بغيبتك مرتاح
هـذا هو اللّي يكــدّرني أخــــاف حبيّبـي مجــروح





ولو زادت بي هـمومي تـرى في شوفتك تنزاح
ويسلَى خاطــري دامـــــك قبالي أسمعـــك وتبـوح



عشقتك وانت عـاشقنــي حبيبي الوافي المزّاح
(وفي) كلّ الوفا طيفك معـي مـــن ويـن انا باروح



يا من همّــــي يشيله لي وحزني لخافقه يجتـاح
إذا شلته تــرى قلبـي وربّـي مــن عـــنــاك ينـوح


براسي حبّ ما يطحن ولا بيطيح أو قد طـــــاح
الين اعيش في دنياك ما في دنياي لي مصلــــوح



فديتـك لا تـعــــــذّر لي إذا مـــرتـاح انا بارتـاح
واذا بيريّحك أبشر من اقصـى خافقي : مسمــوح

ذبحني الشوق والتفكير عســـاك بغيبتك مرتاح
هـذا هو اللّي يكــدّرني أخــــاف حبيّبـي مجــروح

^البيت خطييير

تسلم اناملك الجميله قلب