شعر كافي صدمات بحياتي

اول الشي السلام :D
حبيت اعرضلكم هالشعر و ابي اشوف ردودكم فيه لانه الصراحه اثر فيني حيل
اوكي نبدي :D


 خلنا نفترق
ولا تنسج لي اعذار
ولا أرسم لك اسباب
نقول نصيب
ونكتفي
وياما
فرق هالنصيب أحباب 



تبغاني أسلى عنك
واجفاك وانساك
عطني مثل قلبك وأسوي سواتك‍



كنت بعيوني
غلاتي
كنت تسوالي
حياتي
للأسف كانت
أماني
لكن خسارة
تضحياتي
الله يسامحك
رووووح
بس يكفيني
جروووح 



ياللي جاي تهدد تحسب إنك
قدي
ولا عرفت من ابوي
وجدي
بعدك يابابا ماشفت ولاعرفت
التحدي
عهد علي لأخليك تكلم نفسك وإنت
ماتدري 



أي محبة وأي عشرة وأي حنان
وأي شوق اللي انت تتكلم عليه
يعني واثق إن باقي لك مكان
وإن قلبي يرد لو ترتجيه
قلبي اللي غلطته,, حبك وصان
لو يصافح قلبك كنت اقطع له ايديه
أي محبة بعد مافات الأوان
أي حنان اللي تبي تعوضني فيه
وين كنت يوم أنا إحتجتلك زمان
وين حبك يوم أنا ميت عليك
روح للي لأجله بعت الحب زمان
بس لاتنسى تسلملي عليه !!! 



اشكرك قلبك كبير
مرهف إحساسك كثير
اشكرك من كل قلبي
بعتني والله بضمير 



أضحك
مردك بيوم تواجه الدمعة
إما على جيتي،،
ولا على فراقي.. 



آسف إذا لك قلت إنسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وأنا أبعد ولا لي بطاريك
شلون أحب إنسان طبعه أناني
لا مايصير تبيع فيني واشريك
إتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجيتك ولا فايدة فيك
الحين جيت تقول إنسى عشاني
جابك زمانك خلك اليوم
(ما أبيك) 


كافي صدمات بحياتي
جاي تصدمني بعد
والله هالدنيا غريبة
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبة ذبحتني
شوفها ودتني وين
اتضايق حيل منك
وأضحك وقلبي حزين...



خلقت لي شموخ
وهامه
ماطالها طويلين
الأنفاس
وكونت لي عرش رفيع
مقامه
مايوصله جن ولا يوصله
ناس
ورفعت نفسي فوق هام
الغمامة
أشوف زلات البشر وأرفع
الراس
واليوم كلن خصني
بإحترامه
واللي معاديني بالأقدام
ينداس...


حب يغيب وصاحبه
مابعد غاب
وحب يدوم وصاحبه في غيابه
وحب يذوب خافق مابعد
ذاب
وحب يداوي صاحبه من
عذابه
وحب حياته كلها لوم
وعتاب
وحب حقيقي مايضرك
عتابه
وحب بلا معنى وحب بلا 
أسباب
يبدأ غريب وينتهي في 
غرابه



هذا حظي
إنت والدنيا دوووم ضدي
ماني مخطي
كل مافي الموضوع
أحبك
وإنت جارح ودي..



الحب كلمة عظيمة
كلها احساس ومشاعر
ماهو من قال أحبك
وعقبها يجرح الخواطر




أنا عمري بقايا شمع
أحرقني الأسى والدمع
إذا مافيك ترحمني
احرق مابقى مني...




علامك مهملني؟؟
وفي رفك أنا تذكار..
إذا كان الهدف بُعدي..
انا حاضر وممنونك...



عرفت الناس والدنيا وطريقي
وعرفت إن الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريق
تنكر من هواي ومن حناني!!!




تحسبني ميت عليك؟
صدقني تراك غلطان..
أحبك أنا قلتها صحيح!
بس ترا وش كثرها بهاالزمان..
هي كلمة زيها زي غيرها عند الناس
صارت دايم تنقال..
اي نعم مني سمعتها!
بس تراني مااعتبرها الا زلة
لسان!!!



أنا تعلمت الجفا من تغليك
ومن المذلة والخضوع إنتهينا ,,
من كل قلبي يشهد الله ناسيك
غير الضياع بحبكم وش لقينا ,,
ذيك المحبة حطمتها لياليك
وحنا على قبر المودة بكينا ,,
..)(ابحتفظ بعزة النفس .. ماابيك)(..
بالناس نلقى اللي نبيه ويبينا ,,
هويت عرش المحبة يازين بيديك
تبيعنا واليوم تبكي علينا !!
انهيت قصة حبنا في تغليك
من بحر حبك بالنجاة اكتفينا ,,
ذاب الحنين بعين قلب يراعيك
ومثلك على النسيااان والله قوينا 


لا تلمس الجرح خل الجرح وأسبابه
الله يخليك ما فيني يكفيني 
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني