خبرونا عن موقف صارلكم وحابين تشاركونا به ؛)

صار لي موقف وانا برع البلاد كنت انا وخالتي في الاندر قراوند ماشوف الا حد يلس مجابلنا ويهز بريله يهز يهز وترنا المهم فالت خالتي هذا شو بلاه ليكون فيه يرب او صرع من ركب وهو يهز بجسمه وريله ونضحك انا وهي وانا اقولها تخيلي يرب او يمكن ساااايكو لا لا وترنا صراحه ونضحك .. ما اسمع الا واحد يقول لا مب يرب ولا سايكو بس برد ومتوتر شوي .. ويهي قلب الوان اطالع خالتي وتطالعني ونضحك من الصدمه والفشله واحنا نحش فيه ونضحك نتحراه انجليزي طلع خليجي .. يعني عن اللقافه يا بنات وحاااسبو على كلامكم ههههههه

ههههههههههههههههههههههههههه... احلى شي انه رد علييييييكم...


عندي وايد مواقف بس ما اتذكرها احيين...... يالسه اتخيل الموقف يوم الريال رد عليج هههه

صار حقي موقف يوم كنا مسافرين لين تايلند كنا أهل يعني فبليل الساعه تقريبا كانت 12 كنت قاعده وي البنات فقلنا بخخاطرنا بهمبه الله يسلمكم طلعنا بس م قلناحق حد وين بنسير قلنا بنروح تحت نقعد ف اللوبي من الملل المهم طلعنا من الفندق و ركبنا تكتك ^^ و نحن فندقنا كان صوب المراقص و جي و تحت ف الشارع يخوووف ناس سكرانين و جي فبعدين قلننا حقه يودينا شارع العرب هناك يبيعون فأول م وصلنا لمحنا اخوان بنات عمي فخفنا و بعدين نزلنا بسرعه اشترينا و ردينا الفندق و كانت عندنا اختهم الصغيره فقلنا لها لا تخبري حد وين رحنا أوكي فقالت أوكي .. صعدنا فوق الا و تيينا هزبه أول م فتحنا باب الغرفه المهم خرطنا عليهم فصدقوا و يوم رجعوا اخوانهم و شفناهم قالت لهم البنت الصغيره شفناكم قالولها وين قالت خلاص م شفناكم والله العظيم ان قعدوا يهزبونه و نحن ناكل الهمبه و نلعب أونو^^ و انفضحت كذبتنا و الزبده من ها كله ان لا تطلعون بروحكم يوم تسافروا مكان و أهم شي استأذنوا و بس ..

مواقفكم فضضييعهه ههههههههههههههههههههههههههههههههههههههههههههه
م عندي مواقف صراحه او اصلا م اتذكر شي زهايمر :(

الي فوقي من يومج و هالزهايمر يحبج ^^

موقف صار لي مره رحت صوب مكان يقولون فيه يني و جي فرحنا و كان نفسي الدريشه بس مسكره و تنفتح المهم انا و الربع فتحناها و تمينا نتطمش داخل عقب سكرناها رحنا لآخرر الممر لان الدريشه بدايه الممر من داخل و جدامها يدار المهم يوم وصلنا حصلنا الدريشه مفتوحه بككبررررهها مع اني متاكده اننا قفلناها كل وحده زخت كندورتها و الششردهه هههههههههه اليوم الثاني بنت مرضت من اللي ويانا و بنت ثانيه كانت تحلم و نصهم كانوا مهمومين بسبه السالفه الا انا مدري ليش عاد و بثث

ههههههههه شحقت ها الفظووول زين احين جي استوااا!!!

احيد مره كنت سايره و يا حبيبتي الفجيره و يوم ردينا ضيعنا بالدرب سرنا شااااااارع في نص الصحراء ... و كانو كل السيارات مال السفاري موقفين على صوب الشارع من الجهتين و كانو في سيارات مجابلينا و يديمون حقنا و نحنا نقول يمكن يسلمون و نرد نديم حقهم... الا و فجاه الليتات سكرن و كان بيك اب جدامنا نحنا تمينا نمشي عادي بس ثواني الا و البيك اب سرع شوي و اختفى... انا مت في مكاني من الزياغ و حبيبتي تهديني تمت تقص عليه تقول غبار جدامنا من جي ماشفتي السياره و هديت شوي... عقب مامشينا ربع ساعه في نص الشارع فيه حاجزو كان حاجز واحد بس مفتوح عشان سياره وحده تمر و كان في لافته محطوطه منطقه محظورة , اداره .. شي كان ممسوحه و رقم الحالات الطارئه اذا السياره اختربت بس محد ممسوح,

حبيبتي قالت خله نسير لانه كان في شي ليتات و تقولي السارع الصوب الثاني, حلفت يمين انه ماتسير و ردينا,,,, و عاده شفنا سيارات عكسنا و قمنا نديملهم عشان يردون من وين دخلو... احين تذكرت انه قبل يوم كانو يديمولنا عشان نرد مب يسلمون علينا,,,, و عقب الغبار رد و كان حصى يضرب السياره,,, حسيت روحي بتطيح... و كانت الساعه 8 الفليل,,, و عقب فجاه الغبار وقف ووصلنا وين سيارات السفاري انا هني خلاصص كنت منتهيه و صدق مالراح نعيدها و نسير شارع مانعرفه....

حتى بالنهايه حبيبتي قالتلي انا تذكرت انه ها الشارع مسكون و اذا دخلنا المنطقه المحظوره كانو بيذبحونا,, لانه سمعت سوالف عن ها الشارع بس ماصدقت... و انا هني احسيت انه حد صب عليه ماي بارد... والله صدق كان يووووم ما انساه في حياتي ....

ههههههههههه والله ان موقف يضحك و يخوف بنفس الوقت (:

الحمدلله ع سلامتج من هاك الشارع ..

ويين هالشارع ؟ بروح له مره (:

ههههههههههه مواقفكم ضحك وتخوف ماشاء الله كلكم اكشن