وين راح الصدق!!

بسم الله الرحمن الرحيم
ادري الكلام مو مرتب بس في اشياء تخليك اذا جيت تكتب من القهر تتطاير الحروف وماتعرف ترتبها..اتمنى انو تعلموني ايش الي صاير بالدنيا انا جايه من عالم ثاني ولا الناس تغيرو!!
يعني والله الواحد مايدري وش يسوي ولا كيف يحل الموضوع ولا الخطأ من مين!!
اذا انت صادق مع الي حولك ياخذونك مهزله وطقطقه وممكن يقولون انو انت لك غرض من ورا كلامك او يشككون في كلامك!!
لييييييه!!
تصدق كل الناس وتتعامل معاهم على هذا الاساس تكتشف بعدين انهم يقولون عنك دلخ او من زمن الطيبين<<بالمناسبه وش فيهم الطيبين !!
ولا يعني الي يقهر جد جد اذا قلت الصدق يزعلون منك ويتكلمون ووو!!بس عشان قلت الصدق او اعترضت على كلام مو كويس او قلتلهم انو هذا حرام ،وهذا العقل يمنعك تسويه يرجعو يقولو عنك متخلف رجعي تفكير شياب.. ليه طيب!! عشان قلنا الصدق وخايفين عليكم!!
او تكتشف انو الانسان الي وثقت فيه وفي كلامو وفتحتلو قلبك يكون مامشى معاك ولاحاول يتقرب منك الا عشان شكلك!!او مالك او جاهك!!
لييييه لييه صارو الناس كذا مايقولون الصدق
والي يقول الصدق يقولون عنو دلخ ومدري ايش!! يعني نكذب مثلا!!
ولا الي تقول انو هذا طوق النجاة بالنسبه لك بعد ماحطموك الناس وتفتحلو قلبك وتعتبرو روحك يكون هو الثاني برضو نيتو مو نظيفه وهو ماحاول يتقرب كمان حباً فيك..


):سؤالي الناس ليه ماصارو يقولون الصدق وليه الناس صارت تمشي مع بعض الا عشان شي معين طبعاً مو كلهم بس الاغلبيه صارت كذا!!

لي عوده للموضوع ان شاء الله والله المستعان عزيزتي

ان شاء الله

السلام عليكم ورحمة الله

ما المومج انج انتي مقهوره ع انج صادقه مع الكل

احين اللي يتقبل الصدق صاروا من زمن الطيبين

احين الدنيا مجاملات في مجلات وكلام حلو وشويت ابهارات


وانا عن نفسي ما احب هالمنطق ابد وما احب اجامل حد عشان عقب ما ينصدم اصدمه أنا احسن


خلج على تربيتج وما عليج من حد اهم شيء صادقه مع الله ونفسج والا بشر اشكال وانواع


وما في شيء احلى من زمن الطيبين

مشكورة فهاوة على الموضوع انا اللي اشوفه ان كل انسان تربى على شي وكلن له عادات وقيم واهداف في الحياة. انتي تشوفين نفسج صادقة في مجتمع يحب التقليد والتكرار بمعنى حشر مع الناس عيد، في هالزمن يا انج تسوين اللي الكل يسويه وتسايرينهم او انج تحطيلج مبدا مرتبط بالعادات والتقاليد والتربية اللي تربيتي عليها وتمشين عكس السير انتي روحج تقدرين تقررين حياتج كيف تعيشينها اما المجتمع صاير مو هو الاولي وللاسف مو رايمين نغيره

باحثة عن غرام حقيقي كتب:مشكورة فهاوة على الموضوع انا اللي اشوفه ان كل انسان تربى على شي وكلن له عادات وقيم واهداف في الحياة. انتي تشوفين نفسج صادقة في مجتمع يحب التقليد والتكرار بمعنى حشر مع الناس عيد، في هالزمن يا انج تسوين اللي الكل يسويه وتسايرينهم او انج تحطيلج مبدا مرتبط بالعادات والتقاليد والتربية اللي تربيتي عليها وتمشين عكس السير انتي روحج تقدرين تقررين حياتج كيف تعيشينها اما المجتمع صاير مو هو الاولي وللاسف مو رايمين نغيره

قلتي واختصرتي الي ابي اقوله يعطيك العافيه ياجميله على الموضوع وفعلا الي يصدق بذا الزمن يصير هطف ويستغلونه بس نصيحه خذي هالتجربه واستفيدي منها واعرفي مين الي يخاويك عشان مصلحه ومين الي يخاويك عشان قلبك لاتتضايقين ياقلبي عشانك صادقه ولاتتغيرين عشان احد وارجع اقول موضوع جدا جميل

هع واللله ماقصرتو بس انا مشكلتي ماشيهه على النيه وعندي النااس كلهم طيبين
الشكوى لله "وعلى نياتكم ترزقون" صح!!:)

الصدق مذموم ف هالزمان
الصادق لايحبذ مجالسته

عموما هذا الدارج ف يومنا. مصلحه المرء من اساسياته في كل الامور
رغم إني للحين. ماني مستوعبه فكرة المصلحه من ورا الرباعه او الحب

بس. احنا بقرن المصالح والنفاق. فلا تعشمين نفسج لايجاد فئه صادقة لانهم نادرين الوجود


طريقة طرحج مرتبة وجميلة

موفقه غلاي..~

شدني العنوان صراحه وطررت في بالي وايد أشياء وكلامج جميل وبسيط فهاوه لكن الصدق عمره ما راح أو أختفى! إحنا اللي بكل بساطه نفيناه من عالمنا بكل شي ، كلامنا علاقاتنا وحتى مشاعرنا صرنا نخاف عليها من الصدق وصلنا لدرجه نبتعد فيها عن الشخص الصادق بحجة شنو؟ إنه إنسان ما يعرف يجامل أو صريح بزياده!! أما الشخص الكذاب نعتبره صديق مفضل وشخص محبوب مع إنه فالحقيقه منافق ..
وبالنسبه للمصلحه بين الناس هالأمر مب غريب ومن زمان متواجد بينا لكن إنه يكون بهالشكل المقزز والعيني عينك شي يبعث الإستسلام ، عشان ما نظلم الناس الصادقه والوفيه واللي قلوبهم نظيفه ما يحق لنا نعمم ونترك إيجابيات محدوده ونصب أهتمامنا في سلبيات هائله ..