ض ي آ عْ !

السَّــــلام عليــكم ..

وأخيراً شريت كيبورد عربي ( باركولي حبايبي ) ! ,, موضوعي مجرد سؤال دائما بيخطر ببالي .

ليش بنتمسك بالشخص اللي يعذبنا ويستنزف مشاعرنا وبنترك الشخص اللي بيموت علينا !

لاننا اغبياء نركض ولا قلوبنا وما نفكر باللي يحبونا

شوفي حبيبتي
طبع البشر م يحبون الي يوصلون له بسهوله
يحبون الي يوصلون لقلبه بصعوبه
يعني التحدي النفسي دايم يكون موجود
فعشان جي تلقونه دايم يحب الي تعذبه لما يوصل لقلبها
و بعدين صدقيني فتره و راح يترك لانه وصل لغايته
بس م فكر بالطرف الثاني
و الطرف الثاني م وصل للحظه الاكتفاء من حبه فلما تركه تاثر
وزعل بس لو وصل لهالمرحله
جان طل عادي

<< فلسفه من وجهة نظري

فلسفة مش بطالة ابدا / تصفق لها

لأنهم واثقين ان ما راح نخليهم،
بس مصيرنا بنوصل مرحلة تعب ونروح عنهم

مساء الخير ...

شوفي ماماتي انا بتكلم عن نفسي كشخصيه وانا بقولج ايها بعباره صريحه جدا

انا الشخص اللي يقولي يفلانه ما اباج والله انا تجي على قلبي مثل العسل... ما اناقش فالموضوع

بالعكس افتحله الباب وافرشله ورد واقوله خل الباب مفتوح ترى غيرك وايدين

لان المشاعر عمرها ما تجي غصب كل شي بتراضي والاقتناع ولازم تكونين مقتنعه

باللي انتي تبيه وياج ... ومب شرط اي شخص يقولنا نحبه لازم نكذب في مشاعرنا ونقول ايه

انا بعد احبك لان والله نخاف ينجرح يخاف يزعل . يزعل احين ولا تكسرين قلبه وتجرحينه عقب وتصدمينه ويكرهج

... لا الحب تراه ما يجي تصنع يجي من الداخل تحسين فيه تشعرين فيه

وتعرفين ان مع هالشخص الحياه لها معنى ثاني ما تحسين بمثل الشعور مع مليون شخص

قالوها العرب منذ القدم "الكلب يحب خناقه".. وبث

من الذكاء اللي فينا :)