هل انا بويه ؟

انا عندي مشكلة بالاعجاب من اشوف بنت حلوه قلبي يفز واقوول ماشاءالله شهالجمااال وطبعا عيوني ما تنشال منها بس مو عيني عينك لكن سبحان الله البنت تحس اني معجبه

خل أقول سالفتي من الأول انا امي متوحمه فيني بسجاير !!! ومن يوم ولادتي وانا العب مع الصبيان ومن عمري 7 سنوات احب البس الدشداشه والعقال وكذا ولبست وانحطيت بمواقف محرجه
وكنت اتهاوش مع الصبيان واخر همي اني بنت واحب العب العابهم وسوالفهم وكل شي حتى لبسهم لحد الحين يجذببني

طبعا قصة الاعجاب بدت من المراهقه من عمري 13 !
بس حدي نظرات ولا عمري تماديت او فكرت لاني انقرف وما اتقبل فكره بنت مع بنت يع
ويوم كنت صغيره كانوا يسموني البويه - صبيك - رجال - صدام لان كنت قاسيه بالهواش
وحركاتي رجاليه يعني لا طقيت جني صبي اطق بخشونه

المهم مواقفي مره قلت لاختي اني صرت احب المدرسه واتضايق اذا طلعت جان تقول لي اكيييييد شايفه شوفه جديده طبعا وجهي احممممممممر من الاحراج لانها كشفتني ان معجبه ببنت ومن زمان كاشفتني

وتقريبا خواتي وبنات خالاتي وحتى امي يعرفون اني عندي سوالف الاعجاب
مره قالت لي امي ان في ناس اخطبوني طبعا رديت عليها ببرود ان لما اخلص دراستي جان تقول امي !! توقعت ردة فعلج غير قصدها ان عادي اتزوج

الغريب اني اخق عالاولاد أتذكر كنت خاقه على جواد العلي وقتها وحاليا سعد المجرد وعندي كم لاعب يعني عادي انجذ للشباب بس هم البنات لا يعد ولا يحصى تقريبا 10 معجبه فيهم حاليا هههههههههههههههههههه

ما انجذب للجمال مرات البنت جيييييييكره بس في شي بشخصيتها جذبني
وهالشي يستفزني اني اخق عالبنات طيب لييييييش اكرهه هالشي فيني مابي احبهم
والي يغثني ان مافي بنت ما شكتني كلهم يعرفون شلون مدري بس نظرات !!


انا حاليا عمري 21 بس مازلت اعجب بالبنات !!!!!!!!!!!!

أتوقع خلصت المراهقه ليش للحين فيني هالانجذاب هل انا بويه ؟



اوصفوا حالتي احترت والله

ههههههههههههههههههه


ربي يسعدك وربي م ضحكني بالموضوع كله الا امك متوحمه عليك بسجاير وصرتي بس تتصرفين مثل البويات

حياتي وش دخل ذا بذا
هذا اولاً

ثانياً كل انسان اكيد بيعجب باشخاص

عادي الاعجاب منتشر مو شرط تكونين بويه

وماتصيرين بويه الا اذا تهاوشتي

لا حبيبتي

انتي شوفي وش حالتك وتعالي فهمينا مو احنا نقول انتي بويه ولا فيك كل الانوثه

ان شاء الله احد يفيدك غيري


موفقه ...

انا ما اشوف نفسي بويه اشوف نفسي فيني حركات أولاد بحكم تربيتي معاهم ولان اامي وابوي أصلا كانوا يبوني ولد لان لله م رزقهم الا تالي
ويجي ابوي يقولي ياليتج ولد !


وعندي مشكلة بقعدتي شوي رجولية بس أحاول قدر الإمكان اغيرها واحاول أكون ناعمه
تعرفين بنت بس ما عرف جو البنات يعني مثل لا شفت صرصور اذبحه ما عندي سوالف وااي صرصور هههههههههه
المكياج اخر همي احب الطبيعة احب الرياضه يعني باختصار احس نفسي فيني صفات مثل الأولاد وهالشي يخليني اشك بنفسي :(

طبيعي ي حلوه دامك ع قولتك متربيه معاهم وبعدين عادي حلوه الوحده تكون ع طبيعتها

ومو لازم تكون من حقين اليااي انا اخاف من صرصور

ي حليلنا كنا نلاحق النمل نشوف وين يروحون

عادي يالغلا

اهم شي انتي كوني واثقه من نفسك ..

موفقه

احب أقول نصيحه مهما دورت عن السعادة بعيد عن ربك ماراح تلقى اتاكد ان ربنا ما راح ياخذ منك شي الا ويعوضك عنها خير بس اصبر و اضحك فى وجه غيرك وقول "الحمد لله" ويا بخت اللي ربنا راضي عليه مافي احلى من انك ترضي ربك تحس انك مرتاح نفسيا
ان الله اذا احب عبدا ابتلاه فكر فى الجملة عدل .. لا تزعل الله يحبك انت مو ملاك , بس هذا مو مبرر ان تصير شيطان وتسوي كل شي يغصب ربك! ليه ما نحاول نصير أفضل؟!إن الحسنات يذهبن السيئات" احلى شي في الإسلام.اﻛﺒﺮ ﺧﺪﻋﺔ سواها ﺍﻟﺸﻴﻄﺎﻥ انه اقنع الناس ان الحرام "حلال" بكلمة "هي وقفت علي
باختصار تبي السعاده قرب من الله

جزاك الله خير

كلامك جميل

ونتقبل النصيحه بصدر رحب

انرتِ

  انتي بنت بس نصرفاتج ولادية افضل حل انج تتزوجبن

الحين وش المطلوب ابوي!
لا جد ماني فاهم مضمون كلامك ايش
انتي جايه تنصحين والا تسالين والا تهايطين انك قويه
انا رائي روحي نامي واحلمي بجواد العلي لانه الظاهر هو انعم منك ولو قدرتي تتزوجينه يصير احلى واحلى
قالت امي متوحمه بسجاير اجل اللي اصغر منك شنو توحمت عليهم بشيشه !!!
وربي مواضيع كلها سامجه

يابنت الحلال 21 سنه اتقي ربك بنفسك
بعدين لاتفتكرين انوو كل ماسويتي حركات اولاد يعني بويه!!
وش بلاهم الناس صار تفكيرهم كذا ترا البويه بشر مثلك مثلها يعني لاتسوين سالفهه لنفسك وتصيرين نفسيه..
وترا عمرك مابتصيرين الا انتي يعني مهما حاولتي شخصيتك ببتظل هي مثل ماهي لاتتصنعين عشان الناس وكذا
عساك فهمتي الي ودي اوصلووو لك
وسلااااام

الله لا يبلانا ؟

يعنى اذا ذبحتي صررصور وما تحطين مكياج صرتي بويه ؟ جاوبي بويه لا صدق جاوبي

عادي ترا طبيعي في بعض بنات ينخلقو دفشات وبعضهم ينخلقو نعمات فهمتي؟

لا حول ولا قوة الا بالله