الرئيسية
السلام عليكم وَ رحمه الله وَ بركاته
مرات يكون فيني طاقه ماعرف ايش اعمل بما اني سجلت بالمنتدى فقلت اكتب اللي عندي هنا وان شاءالله تستفيدو
قبل فتره سمعت من وحده ان مالها هدف فالحياه !! انا كنت زيها بس الحمدلله قدرت احدد أيش ابغا ايش راح أكون فالمستقبل كثير منا مرت عليه جمله "انا شنو هدفي بالحياه؟" او ليش عايش او غيره ، وبنفس الوقت كثار هدفهم يتلخص انو يتخرجون باي تخصص كان او اعمل كل شي ممنوع الحين لان بعدين حتزوج واجيب اطفال وخلاص تنتهي الحياه بالروتين
نرجع للسؤال الكبير :$ "ايش هدفي بالحياه؟"
اذا عارفه شنو تبين او تبين توصلين له ارفعلك قبعتي او طرحتي احتراما هههههههههه ، لان صعب بس معناته انتي عارفه شنو تبين بالحياه اهنيك صراحه واشجعك توصلين لحلمك :)
من هنا نقدر نحل معضله "مين انا؟" لما تفكرين بينك وبين نفسك انا شنو احب ؟ شنو يميزني عن غيري ، عندنا مواهب وقدرات بس للاسف مدفونه ، مدارسنا وحتى عائلتنا وأهلنا اغلبهم بس يبونك تاكل تشرب تدرس وتتخرج بدرجه عاليه ، الشهاده مهمه ، بس طيب وبعد الشهاده ؟
ماقدر اعطيكم خطه او شي اكتبوه واحد اثنين ثلاثه وخلاص بتعرفون انتو منو وشنو هدفكم بالحياه ، في ناس كثار للحين مو عارفين هدفهم او مو واضح لهم بشكل كبير ، بس هل معناته خلاص نستسلم للحياه وننتظر شنو بالمستقبل ؟
لا ممكن اجلس مع نفسي اقول انا شنو احب ؟ شنو الشي الي اسويه يبسطني ؟ ترا مو شي صعب ابدا ابدا ..
طيب كثير يقول انا ماعندي ميول او هوايه لشي معين :|؟ خلاص اوقف عن التفكير والاحلام ، لا لا لا حطي ببالك لازم اعيش ولازم اخلي بصمه بالحياه حتى لو بقلوب الناس مو شرط اكون مشهوره ومعروفه عشان احقق هدفي ، خلي ببالك لازم حياتي ماتكون اكل ونوم وتي في وخلاص ،.
لاتقللون من قيمه الاشياء الصغيره بحياتكم ، اي فرصه لو بسيطه اخذيها ع طول ، حتى لو ماكنتي حابته بس مستحيل تخلصين منه الا وانتي طالعه بنتيجه ، لو انتي بالجامعه وشفتي اعمال تطوعيه تطوعي لو عندك وقت "بعيد عن الكسل" ، لو حصلك وظيفه بدوام جزئي والمعاش مو الواو بس انتي عندك وقت فراغ اشتغلي عااااادي ، ممكن تكتشفين بشخصيتك شي جديد ممكن المكسب البسيط هذا يساعدك بمشروع ثاني.
واهم حاجه خلو حولكم ناس طموحه وتحب تنجح يعطونكم طاقه ايجابيه والهام وان شاء الله تصيرون مثلهم واحسن ، نصيحتي لاي بنت تبي تعرف نفسها وتعرف هدفها بالحياه ، اول شي محد راح يمسك يدك ويقولك سوي كذا او كذا ، اهم شي انتي شنو تبين ؟ تخيلي حياتك بعد 10 سنين وين ؟ دايما دايما خلي تفكيرك ايجابي ، اكثر شي يقهرني لما تجي وحده تقول وين بكون يعني يمكن بالقبر او قاعده بين 4 جدران :| لا لا الموت حق ويمكن نموت بكره بس اذا ما مت بكره انتظر بعده يمكن اموت ؟ شنو هالحياااه البائسه :| تفاؤولو بالخير تجدوه
اتمنى لكم حياه سعيده مليئه بالانجازات ويارب كلامي ساعدكم لو بشكل بسيط واحد اخذ فائده منه حسيت جالسه اسولف مع نفسي هههههههه ، انتظر انطبعاتكم ولو عندكم افكار اتقبلها بصدر رحب
وتفاعلكم يسعدني والله
» وتمضي الأيام
» •» ح‘ـيـآتِي مثلِـ [ آلقهوهـ ] ع قـد مـِآهي مرهـِ آلآ آن فيهـِآ حِلآوهـ «•
» لماذا عُرج برسول الله من المسجد الأقصى ولم يُعرج به من المسجد الحرام
» روايتي الثانية : خطفتي قلبي - بويات وليديات
» فززززززززززعتكممم ادخلووو بسرعه
» الي يعرففف ب تويتر يدخلللللل بسرررعه محتاجتك
» هلا وغلااااا
» روايه صداقه هذا الزمن و رحيل الغالي