فهدز. \\منقوله//

[size=12]انا بنشر روايه و إن شاء الله ه الروايه تعجبكم و ان شاء الله تكون كامله بأذن الله اممم ابي تقفاعل طبعا انا كل م ينزل الكاتب البارت انا بنزله فورًا و يارب تعجبكم

ملخص الروايه :
الروايه تتكلم عن الكاتب (فهدز) و هو مسميها ع اسمه و له صديق من 3 سنوات مع بعض بعدين قطعوا بعض لانه راح ل عرعر و انتو أقرؤ الروايه و راح تفهمون ش القصه ب الضبط .

امممم و شسمه ذا الناس الي يقولون (دامه منقوله الروايه يعني بتكون كامله ) افرضوا انه مب كامل انا شسوي ؟ ترا كان لي روايه نقلته بس م كانت كامله و ضاعت و قلت دامها مب كامله ليه انزلها وجذي المهم ان شاء الله الروايه تعجبكم و ابي تفاعل ف ه الروايه



السموحه من الي داخلين الروايه ذي (سب - شتم - استهزاء - سخريه - لعن - عناد - ضرابه) مابي طييبب ؟ اذا انت\ي جاي\ا تسوي\ن كل هذا من الحين اقولك\ج اقرء\ي الروايه بس لا تعلق\ين

<3<3

البارت الأول

=========

ترهقني الساعة السادسهة كثيراً !
فقد كانت في يوم من اﻷيام
ساعة اللقاء بأصدقائي ، اشتقت كثيرا
إلى مصافحة صباحية تسقط بها أوزار الجفاء
ۉ ضحكات هستيرية على الﻼشيء
أحتاج إليكم كثيرا ♡♡♡♡ ‘!
ف انا ﻻ شـي بدونگم ؛(
^ سحقا بذالك المسمى بالفراق '♡̷
صباح الرياض
6:30
مع ازعاج طلاب المدارس واصوات السيارات المستعجله
والباصات وزحمة الرياض ببيتنا كان الوضع مختلف
هدوء تام , اخترق هالهدوء صرخة ابوي الي مو راضي عن الكلام
الي اقوله
ابوي بصراخ : انا قلت لك ومابعيد كلامي روحه لعرعر مافي
انا : ليه مافي ؟ انت جالس هنا عند شغلك وانا اجلس وش اسوي !
ابوي تنرفز مني من كثر ما افتح واعيد واكرر له هالموضوع
صرخ علي من جديد : ماتفهمييين , اذا تبين تروحين والي خلقني بـ...
قاطعته وانا متنرفز : خلالالاص حفظت كلامك كل مره تعيده لي
سوي الي تبيه مالي دخل اصلا امي مابترضى
ابوي : امك مالها كلمه في هالموضوع
انا : بس الـ...
قاطعني وهو يأشر لي على باب مكتبه : اطلعي برا
انتي الكلام معك ضايع بس مابتتأدبين الا اذا نفذت الكلام
انا : نفذه استناك
طلعت من المكتب وقفلت الباب وراي بكل قوتي
كتعبير عن جزء بسيط من قهري لقيت سلطان واقف قدام الباب
انا بصراخ : خييير وش تبي انت بعد ؟!
سلطان : هه ابي سلامتك ؟ غبي
انا : كل زززق
رحت لغرفتي وقفلت الباب بقوه
يالله كنت احس بقهر مو طبيعي من كل شيء
كان ودي اكسر اي شيء قدامي صرت اروح
واجي بالغرفه وافكاري متلخبطه ليه ماحد فاهم
وش ابغى انا بالضبط ؟ الكل يفكر بمصلحته وماهمه غيره
ي كرهي للرياض ودي افجرها اكره ازعاجها وزحمتها
والناس الي فيها , حسيت بتعب رميت نفسي على السرير
ونمت اصلا مدري وش صحاني من الصبح يومها
صحيت من النوم لفيت وجهي على الجهه الثانيه
لقيت بوجهي قطوه نقزت على طول
شهد : بسم الله وش فيك ؟
انا : وجعع كم مره قلت لك لا تدخلين قطوتك ذي غرفتي
ويالله برا انتي وياها
شهد : اعصابك ي روحي البس وتجهز بيجون اليوم
كل اعمامك
انا : صبركك ياارب بيجي يوم بنجلط فيه منكم
شهد : هههههههههههههههههههههه بسم الله عليك
سحبت اقرب منشفه ودخلت اخذ شور يصحصحني
بس خلصت لبست وماهتميت كثير اني انتقي ملابسي
واكون كاشخ يعني كانت ملابس عاديه لابعد درجه بس خلصت
نزلت تحت سلطان كان يقلب بالقنوات وباين انه متملل
قالي بدون مايطالعني : ملابسك خايسه
انا : ماطلبت رأيك على الاقل تعبت نفسي وقمت البس
مو انت جالس لي بالبجامه
سلطان : والله استقبلهم ببجامه ويخب عليهم بعد
نزلت شهد وهي كاشخه حسبناها بتطلع مكان
انا وسلطان بنفس الوقت : على وين ؟
شهد : ولا مكان !
انا : الحمدلله والشكر لاتقولين لي كل هالكشخه عشان
اعمامك بيجون عندكم ؟
^لاحظوا كل واحد فينا يقول اعمامكم يعني كل واحد
متبري منهم هههههههههههههههههههه
شهد : ايوه
سلطان طالع لها باستحقار
انا : هههههههههههههههههههههههههههههه وربي غباااء
سلطان : هههههههههههههههههههه سامجه شهد وش تحسين فيه
شهد بوزت : خير وش فيكم :(!
مها طلعت من المطبخ : حدكم عاد كله ولا شهد لاحد يغلط عليها
سلطان : ههههههههههههههههههههههههههههه وش لابسه انتي بعد
مها كانت لابسه الوان فاااقعه وعاد هي بيضاء مره طلع شكلها غلط بغلط
انا : ههههههههههههههههههههههههههه هبله مها كم مره نقول
لك لاتلبسين الوان فاقعه يطلع شكلك غبي
مها بوزت هي بعد : لا يكثر وش اسوي يعني احب الالوان الفاقعه :(
سلطان كمل تعليقاته عليهم اما انا انسحبت من الجلسه حقهم
حسيت بروقان فجأه كذا طلعت للحوش كان الجو خايس
شمس تصكك الراس وحر مو طبيعي قرف بمعنى الكلمه
لفيت وجهي وانصدمت من الي شفته قدامي

البارت الثاني

============

شفت وجدان جالسه تحفر بالتراب الي بالحوش
ومعها شيء ماعرفت وش هو وتتلفت كأنها خايفه
احد يشوفها قربت منها بشويش بس كمان لما قربت ماعرفت
وش الي معها كانت مغلفته
همست لها بهدوء : وش تسوين ؟
وجدان صرخت بصوت عالي : يممممممه
انا : ههههههههههههههههههههههههههههههههههه وش تبين تخبين هاه اعترفي ؟
وجدان كانت تتنفس بسرعه من كثر الخوف : اسكت الله ياخذك
خوفتني , مالك دخل
انا : والله لا اعلم الكل خير وش جابك ببيتنا وش تخبين
ليكون حشيش وبتبلغين اعرفك وصخه تبين الفكه مني
وجدان فتحت عيونها على اخر شيء : وجع وجع وش هالتفكير !
انا : طيب طيب مو لازم تقولين لي انا اعلم الكل وهم بيعرفون منك
بالطيب او بالغصب
لفيت وجهي على اساس بمشي بس سحبتني وهي معصبه
وجدان : وجع خلاص انكتم ولا تقول لاحد وبقول لك وش هذا
انا شقيت الابتسامه : يالله قولي :))
وجدان : هف اسمع هذي اوراق استدعاء ولي امر من مدرستي
انا مصدوم : الحين جايه من بيتكم لبيتنا وتحفرين في عز الشمس
عشان تخبين هالاوراق !!
{ اعرفكم على وجدان هذي بنت جيرانا صف ثالث ثانوي
احس ان عندها انفصام شخصيه لانها احيانا تقلب بوي وتقص شعرها
وتصير عربجيه وتخاوي وفجأه تصير تهتم بشعرها الى ماتطوله
وتصير دلوعه وتقلب ليدي وكلها كم شهر وترجع تقص شعرها وترجع بوي }
وجدان : اجل تبي امي تقفطني عشان تسحب جوالي ولاب توبي
انا : الحمدلله والشكر الا مين فتح لك الباب
محد يدري انك بالحوش ترا
وجدان ابتسمت : خطيبتي
انا بفهاوه : مين خطيبتك ؟
وجدان زادت بابتسامتها : ياام
انا : اقول توكلي واطلعي برا البيت وخبر الاوراق بيوصل لامك
لفيت ظهري ومشيت وهي تصارخ وراي بكل صوتها وتسبني
دخلت للبيت وسمعت سلطان يكلم
سلطان : ايه خلاص انتظركم , يالله مع السلامه
قفل الجوال ولف يطالعني بيجون قروبي
انا : حسبي الله عليك انت بكل مكان عندك قروب
بجده ومكه والرياض وعرعر !
سلطان : والله شسوي اذا انا مز والكل خاق عندي ويبي يصادقني
انا كشرت بوجهه : مالت عليك ي المغرور
سلطان رفع حاجب : مو مغرور ! هذي ثقه
انا عطيته نظرت استحقار : فيه فرق كبير بين الغرور والثقه
والحاله الي انت فيها تسمى *غ ر و ر*
سلطان : على اساس نظرات الاستحقار هذي الي تطالعني فيها
مو غرور
انا : لا مو غرور :))
سلطان : انزين كزق :(
انا : مااكـ....
قطع علينا صوت الجرس وازعاج بزارين برا وصراخ
عرفت ان اعمامه وصلوا انحشت اركض وسلطان لحقني
ماحد يبي يفتح الباب واحنا نركض طالعين على فوق
شفنا شهد طالعه من المطبخ وبيدها نوتيلا تلحسها بأصبعها
وحوالين شفتها نوتيلا وموصخه نفسها وحالتها حاله تقل بزر
وتركض معنا على الدرج انا وسلطان تسدحنا على الدرج نضحككك عليها
عمتي من براء تدق على الباب وشكلها سمعت ضحكنا لاننا كنا نصارخ ونضحك
عمتي بصراخ : ي حيوانه انتي وياها فكوا الباب
حطيت يدي على فمي احاول اكتم ضحكتي وطلعت ركض على فوق لاني سمعت
صوت مكتب ابوي ينفتح وسلطان كان مو قادر يتحرك من مكانه من كثر الضحك
صار يزحف على الدرج بس مالحق يطلع ابوي طلع له بسرعه
وفتح الباب وبعدين مسكه هزائه وعماتي واعمامي هزائوه بعد
كسر خاطري صراحه
عمتي تكلم ابوي :بعد بنتك الحيوانه الثانيه سمعت صوت ضحكها معها
ابوي : هذي حسابها معي بعدين
الرجال راحوا بغرفه والحريم كانوا بغرفه وشهد وسلطان وبنات عمي بغرفه لحالهم
نزلت من غرفتي بعد ما تأكدت ان الرجال راحوا لغرفه لحالهم , البيت
كان ازعاج صراخ البزارين معبي البيت وسواليف الحريم وصوت يام تتحلطم بكل صوتها
وسلطان يهزء وحده من بنات عمي اختلطت الاصوات مع بعضها والبيت صار كله ريحة
بخور وعطور رجاليه قويه

البارت الثالث

===========

دخلت للغرفه الي موجود فيها سلطان وشلته
كانوا كثير سلمت عليهم كلهم وجلست
شهد كانت جنبي همست لي : فهودي شوف هذا وهذي والاثنين الي هناك
من قروبي الي بجده جوا هنا زياره
انا : طيب وش اسويلك ؟
شهد كشرت : مابيك تسوي لي شيء
ولفت وجهها عني , نزلت راسي وصرت اضحك عليها
فيه تومبوي جالس كان يطالع فيني لما شافني اضحك
ووجهي محمر جلس يضحك معي ! انا لما شفته يضحك
زاد ضحكي وزاد ضحكه معي
هو : هههههههههههههههه ماعرفتني ؟
^كان يكلمني وهو بعيد عني
انا : ههههههههههههههه لا مين انت ؟
هو : ههههههههههههههه امداك تنساني ؟
انا : ههههههههههههه خلني اعرف مين انت عشان انساك
هو : ههههههههههه مو لازم تعرفني
انا : ههههههههه لا قولي مين ؟
كان كل مايرد علي كا مايقل ضحكي :$
هو : قلت لك مو لازم , تصدق نفس ما انت
هبالك ورجتك وسماجتك ماتغير فيك شيء
انا : غصب مسوي فيها تعرفني ؟
سلطان : فهيدان يالغبي من جدك ماعرفته ؟
انا : لا ولا ابي اعرفه :))
سلطان : هذا ....
قاطعه التومبوي على طول : لا خلاص خله مو لازم
يعرف دامه مايبي !
انا : يكون احسن اصلا مابي اعرف
بالحقيقه كان شوي وبيطق فيني عرق عشان اعرف
مين هذا الي قدامي صرت اهز رجلي بسرعه وانا رافع حاجب
كأنه الوضع مو عاجبني
التومبوي ضحك ضحكه خلت كل الي موجودين يسكتون ويطالعون فيه
هو : ههههههههههههههههههههههههههههههههه وخالقك هذا انت
ي فهد ماتغيرت لا شكلك تغير ولا شيء حتى لقافتك نفسها هيا هيا
انا تنرفزت منه باين انه يعرفني من جد وله عشره معي حتى انه
فاهم حركاتي وتصرفاتي وفاهم كل شيء فيني
انا : معدني اصلي مايتغير
كانت عباره عن دقه بالنسبه له ولكم شخص موجودين
ما اطيقهم بس كانت بالنسبه لي ولا شيء هالعباره لاني
قلتها كرد عادي لكلامه وما اقصد فيه اي احد بس الي على راسه بطحه يتحسسها
التومبوي بان على ملامحه انه زعل مانطق بكلمه وحده وطلع من الغرفه
سلطان عطاني نظرات من بعيد وقام لحقه
مافهمت شيء من الي صار وسحبت ورق العنب الي قدامي وصرت اكل منه
بدون ادنى اهتمام للشخص الي مسوي نفسه يعرفني
*برا الغرفه عند سلطان والتومبوي*
سلطان : خلاص خالد ماعليك مايقصدك اكيد تعرفه
فهود طيوب ومايحب انه يذب على احد وبعدين هو قال انه
مو متذكرك يعني كيف بيكون يقصدك بالكلام
خالد : والله انه حقير امداه ينساني !
سلطان : ياخي خلاص ترا فهيدان فيه زهايمر من يومه
لو تقوله وش عشاك امس نسى تبيه يتذكرك انت ياللي لكم
ثلاث سنين ماشفتوا بعض
خالد : اوف خلاص انا برجع البيت فيني نوم
سلطان مسك يده وضغط عليها : اكيد مو زعلان ؟
خالد : ايه
ودعه ورجع سلطان دخل عندنا وكان يخزني بالنظرات طول الجلسه
مر الوقت سريع بين السواليف والحش وصار لليل طلع الكل وفضى البيت
بعد ماكان مليان ازعاج وصراخ وسواليف صار هادي , سلطان وشهد ومها
طلعوا ينامون وانا طلعت غرفتي فتحت جوالي لقيت رساله
كان هذا محتواها:
وينك ياللي كنت توعد انك ماترحل !؟
وش فيك؟وش غيّرك؟وصرت فيني كأنك ما تعرف!
امدا نسيت وعودك وكلامك ان روحي ما تترك ,كنت فيني بس تمدح واخبرك عني ما تصبر !
وش في? قلبك قسى علي وتركنا حايرين 3/>؟
 عرفت غيريء وماعاد لي داعي لقيت منهو ل? تسولف
لقيت منهو له تشكي وتفضفض وتضحك ")
وانا صرت عندك ماضي عيا في بالك انه يشين!
وراههء قلبكء تركني وراح مع البعيدين!
ماعدت اعرف لك وانت ماعدت فيني تعرف!
مارجعتء لك وانت رفضت لِ قلبي ترجع!
لقيت غيريء عساه يسعدكء وبه تسعد #
هو صحيحء اني احبكء ولك مكانهء تبيها الملايين !
بس لي كرامةة عيَّت تهون ولا عمرها تلين (=|
الله لنا والله على فرقاك ذا القلب يعينء

البارت الرابع


==============


اول شيء جاء ببالي انه رقم غريب
يعني اكيد انه غلطان , رميت الجوال
ونمت على طول , صحيت ثاني يوم
ونزلت تحت لقيت سلطان صاحي
سلطان : اليوم شهد بتروح مع صديقاتها مدري وين
ومها وابوك بيطلعون يتمشون وانا بروح مع قروبي تجي معي ولا مع شهد ؟
انا : اكيد معك وش ابي بطلعات شهد -.-
سلطان ابتسم : طيب جهز نفسك
استغربت من ابتسامته هه شكله مروق
طلعت اشوف وش البس بعد حوسه استغرقت ربع ساعه
لقيت شيء مناسب لبسته وضبطت شعري ورحت لغرفة سلطان
لقيته مخلص وجاهز
سلطان : خلصت ؟
انا : ايوه
سلطان : يالله اجل مشينا
طلعنا من البيت متجهين لبيت واحد من قروب سلطان
بنص الطريق انا شهقت بصوت عالي ولفيت على سلطان : ليكون
الغبي ذاك بيجي ؟
سلطان : مين !
انا : ذاك الي صاابغ ويقول يعرفني
سلطان ابتسم بهدوء : اصلا البارتي ببيته
انا انصدمت : اممما ي حيوان كان قلت لي ووجع تدري اني ما ابغى اروح
سلطان : انت تعرف مين هذا !
انا بعصبيه من تصرف سلطان : لا ولا ابي اعرف
سلطان : عصبيتك وعنادك بيضيعونك وبيخلونك تندم على اشياء كثير
شرايك بملابسي حلوه ؟
تغييره لمجرى الموضوع استفزني زياده صرنا نسولف مع بعض بمواضيع
مالها علاقه بالبارتي ولا بهالشخص الي ما اعرفه والي مسوي نفسه يعرفني
وسلطان عرف بطريقته يبعد هالعصبيه عني ويخففها تدريجيا الى
ماخلاني هادي , لما وصلنا للبيت نزلنا من السياره
انا : سلطان
سلطان : نعم
انا : مين هذا جد انا اعرفه ؟!
سلطان : هذا خالد
انا : خالد ميـ...
ماكملت كلامي بعد ماتذكرت كل شيء
فتحت عيوني على اخر شيء مصدوم
جد معقوله هذا خالد !
ليه تغير كذا صوته وحركاته واسلوبه وشعره واللوك كله متغير
حتى صوته صار خشن اكثر ولما صبغ تغير اكثر واكثر وكان مسوي تان
وملامحه صارت حاده اكثر من اول
لا يمكن مجرد مظهره الخارجي متغير عشان كذا ماعرفته
بس لما اجلس معه واكلمه اكيد نفس شخصية خالد القديمه مافي شيء تغير
صارت الافكار تجي وتروح بمخي وحسيت نفسي متوتر حبيت اتأكد اكثر
انا : انت تقصد خالد الي
قاطعني سلطان وهو يهز راسه ويأكد كلامه : الي كان معك بأولى ثانوي
سكتت مو عارف وش اقول وكنت اتلفتت مابي عيوني تجي بعيون سلطان
سلطان : يالله ندخل
مسك يدي وسحبني معه , يدي كانت بااارد
دقينا على الباب وفتحت لنا الخدامه دخلتنا
وجلسنا شوي ونزل خالد كنت اطالع فيه وهو يطالع فيني ومبتسم
حتى الابتسامه عجزت اردها له
سلم على سلطان وبعدها جاء سلم علي وخمني , خمته جميله تخقق
جلسنا وكان يسولف مع سلطان وانا سااكت مدري ليه
شوي بدوا الناس يجون وصار زحمه تقريبا الكل وصل
حسيت بكتمه داخل وطلعت لحديقة البيت كانت مليانه طاولات
وفيها زحمه بعد هربت انا من الزحمه الي داخل عشان القى هالزحمه !
دورت على مكان شبه فاضي وجلست فيه
كنت مخنووق شوي وبصيح
خالد من وراي : فهد
لفيت بسرعه لما شفته خالد اخذت نفس : اوف خوفتني
ابتسم لي وجلس جنبي , ماقدرت امسك نفسي على طول جلست ابكي
قرب مني وحاوط ايده على خصري وشدني له همس لي : ليه تبكي ؟
زاد بكائي بعد ماتأكدت انها نفس شخصية خالد حنوون مره
انا بصوت متقطع : نفس ما انت ماتغيرت من داخل بس شكلك
الي براء تغير
خالد ضحك وباس خدي : وانت مافيك شيء تغير لا من داخل ولا من براء
نفس فهودي بزري دلوعي حبيبي
انا زاد بكائي : طيب خير وش رجعك ؟ مو كل شيء انتهى خلاص !
خالد : انتهى بس مانسيتك , ابيك
انا طالعة فيه : انت الي رسلت رسالة امس ؟
خالد باستغباء : اي من رساله ؟
انا شديت على ايده وصرخت : خااااالد !!
خالد بضحكه : هههههههههههههههههه ايه انا
لفيت وجهي عنه : مين الغلطان ؟
خالد : ماحد

البارت الخامس


=================


اولى ثانوي انا درستها بالرياض
وتعرفت على خالد فيها صداقتنا كانت قويه مره
وبعدها رجعت لعرعر وكملت فيها ثاني وثالث
وماكنت اتواصل معاه لما رجعت لعرعر
بسبب مشكله صارت بيني وبينه قبل ما ارجع لعرعر باسبوعين
^رفض اني اذكر المشكله الي صارت بيننا بالروايه
بس هو كان يعرف اخباري كلها من سلطان
سكتت ومارديت عليه
خالد : امداك تنساني !
كان باين عليه انه زعلان
انا : كل شيء انتهى من زمان
خالد : تدري اني اعرف عنك كل شيء
من سلطان ومانسيتك وانت على طول نسيتني
انا : شكلك متغير من براء عشان كذا ماعرفتك اول ماشفتك
خالد : خذلتني
ماكنت اناظر فيه بس لما قال هالكلمه لفيت وجهي بسرعه وطالعت فيه
انا : ماتحس ان الكلمه قويه شوي , خذلتك مره وحده !
خالد : ماهتميت لي لما رحت لعرعر ولا حاولت تتواصل معي
انت تدري انا وش كثر متعلق فيك
انا : وانت ماخذلتني ؟ ماقهرتني ؟ ماودعتني قبل مااروح للعرعر
وقلت لي انسى كل شيء بيننا !! مين خذل الثاني بالضبط
مين الغلطان جاي تقولي انا الغلطان وانا الي خذلتك انا ماسويت شيء
انا نفذت كلامك نسيتك ونسيت الي بيننا وماتواصلت معك لانك انت طلبت
مني هالشيء , مين طلب منك تسأل سلطان عني وتاخذ اخباري منه ؟
ماحد اجبرك تهتم لي فاهم
كنت اتكلم وانا احس نار داخل قلبي مقهور وكل كلمه قلتها له
ماكنت احس انها تعبر عن ولا شيء من الي داخلي كنت ابي اكسر اي شيء
قدامي ابي اي شيء اقطعه بيني يدي ابي اطلع حرتي بأي احد
خالد بهدوء غريب نزل عليه : فهد وش فيك ؟ انا قلت هالكلام وانا معصب
وانت اكثر واحد تدري اني ما أثمن كلامي وانا معصب
انا بعصبيه : هالكلام وهالعذر تقوله لشخص غيري مو انا الي
ينقال لي اعذار تافهه مثل كذا واذا ماتثمن كلامك مع غيري لما تكون معصب
فأنت مجبور انك تثمن كلامك معي لما تعصب لاني غير
خالد :...........
قام ونفض ملابسه ودخل داخل
سكوته وعدم رده لي كفيل انه يثبت لي انه غلط وانا صح
اتصلت على جوال سلطان بس مارد علي صرت ادق وادق وادق
ابيه يرد وهو في كل مره يعطيني مشغول دقيت اخر مره ورد علي
انا : بطلع بتجي ولا لا ؟
سلطان : بدري
انا بنرفزه : بتجي ولا لا ؟
سلطان : يالله طالع
حسيت ان سلطان فهم اني كلمة خالد , شفته جاي من بعدي
قمت وطلعنا على طول كان السواق ينتظرنا براء , وصلنا البيت
وكانت وجدان موجوده ومعها شهد هالمره وجدان قالبه تومبوي
كانت قاصه شعرها مرره قصير
^قايل لكم البنت عندها انفصام شخصيه
سلطان : وانتي مره تومبوي مره ليدي
وجدان : ياخي وش دخلكم كيفي انا حر
انا بس شفتها ارتحت تلقائيا احس شوفتها تبسطني
يكفي انها مو زي البقيه !
انا : ي هلا بصقر
وجدان لما تقلب تومبوي ينادونها صقر ولما تطول شعرها
نناديها بأسمها وجدان ههههههههههههههههههه
صقر : هلا بك ي مزز
سلطان : وربي مابناديك صقر اثبتي لك على شيء
مره صقر مره وجدان سلامات ؟
صقر : وش عليك انت ي كلب
شهد كانت تحط مناكير : هههههههههههههههههههههههههه
سلطان لقط لقط وجهك بسرعه
صقر : انتي كلي زق
انا كتمت ضحكتي على شكل شهد وهي متفشله
عشان ماتجيني تزبيده مثلهم لفيت وجهي وانا ماسك
ضحكتي بالقوه
صقر كان يخزني : اضحك اضحك ليه كاتمها
انا : ههههههههههههههههههههههههههههههههههههههههههههههههه
شهد وسلطان : وجع -.-
انا : ههههههههههههههههههههههههههه انتوا شايفين اشكالكم كيف ؟
ههههههههههههههههههههههههههههههههه
صقر : ي لبببى هالضحكه ي لبببى , تدري انك تخقق ؟
سلطان : الحمدلله والشكر ترا ضحكته على الصامت وش يخقق فيها ؟
صقر : وش دخلك انت ضحكته وعاجبتني وش دخلك هاه وش دخلك ؟
انا : صقر تعال غرفتي ابيك
صقر : قدام

كمل =)

تسلمون ع الردوود ها ف البدايه بس ان شاء الله يكون تفاعل اكثثر ي رب
أخليكم مع البارت السادس

===========


طلعنا انا وصقر على غرفتي
صقر : ايوه شسالفه ؟
انا : ولا شيء بس قلت اسولف معك من زمان عنك
صقر : شفت خالد هناك ؟
انا : لا
صقر : ايوه تهاوشتوا على نفس السالفه القديمه ؟
انا : قلت لك ماشفته
صقر : كيف ماشفته وانت رحت بيته
انا : وجع وش دراك -.-!
صقر : لا تصرف الموضوع قولي وش صار
تنهدت بيأس من ان صقر يتركني بحالي
غصب يعرف وش صار جلست جنبه وقلت له كل
شيء صار بالتفصيل
صقر : وبعدين ؟
انا : بس
صقر : وبعد البعدين
انا فهيت : كيف ؟
صقر : يعني اكيد بتصير تشوفه كثير دامه صديق سلطان
كيف بتتعامل معه
انا : مدري
صقر : من رأيي تنسى الي صار وترجعون زي اول
انا طالعت له بطرف عيني
صقر : خير وش هالنظره لا تصير قاسي خلاص سالفه قديمه
صارت انساها وافتح صفحه جديده
كلام صقر خلاني اعصب اكثر انقهرت لما مافهمني
سكتت ومارديت
صقر : هذا انت الكلام الي يعجبك ترد عليه والي مايعجبك
تطنشه و ولا كأن احد يكلمك
الروقان الي جاني لما كنت تحت تبخر بلحظه وتحول
لكومة غضب حسيت لو نطقة بحرف واحد على طول بصيح
ظليت ساكت
يقهر شعور انك مكتوم ومافي احد فاهمك تلقاء الكل يحط عليك اللوم
الكل يحسسك انك انت غلط لفيت وجهي عن صقر مابيه يلمح الدموع
الي معبيه عيوني لما ماشاف ردت فعل مني طلع من الغرفه وقفل الباب
وانا على طول طلعت ورحت لغرفة سلطان فتحت الباب ودخلت
لقيته ماسك فونه ويطقطق فيه
سلطان بدون مايطالعني : فهد ي كلب برا الغرفه كم مره قلت لك قبل ماتدخل
استأذن من متى الميانه بيننا عشان تدخل بهالطريقه ي......
سكت لما حس بهدوئي استغرب بالعاده ارد عليه
ولساني وش طوله
سلطان طالع فيني وعلى طول عدل جلسته : فيكك شيء ؟!
انا اخذت نفس : لا طفشان
سلطان : اجلس
جلست على طرف السرير وانا اتلفت مابي عيوني تطيح بعيونه
احس كل الكلام مكتوب بعيوني
سلطان : متضايق عشان خالد ؟
انا : ايوه , صقر الكلب حسسني اني انا الغلطان اكرهه :(
سلطان ابتسم : انت مو غلطان
انا : اوف ادري
سلطان : ليه ماتنسى كل شيء وترجعون عادي
انا : ما اقدر مدري كيف احس مااعرف اوصف كمية القهر
الي احس فيه
سلطان : انت تعز خالد وبقوه بعد لو يقولك عذره ممكن
تسامحه وبسهوله اكيد مابتكون قاسي لدرجة تجحد الايام الي
عشتوها مع بعض بس تحس بقهر لانك مو لاقي تبرير لتصرفه
انا حسيته جد يوصف كل كلمه بداخلي جميل هالانسان احبه
يفهمني
سلطان لف وجهي عليه : خلاص ماله داعي هالدموع الي
مغرقه عيونك , تحبه ويحبك وماتبون ترجعون لبعض لانه كل
واحد فيكم حاس انه الثاني مو فاهمه بس انتوا اكثر
اثنين تفهمون بعض فهد بطل تكابر وتبعد هالانسان عنك
كلمه بكره وفاتحه بالموضوع اكيد انه بيبرر لك كل تصرفاته
وصدقني انت بتقتنع لانك واثق فيه
انا حسيت براحه كبيره التوتر الي فيني راح
حسيت ان كل شيء بيكون جد بخير مادري من وش كنت خايف
بالضبط بس دقات قلبي السريعه هدت
مسكت يده وشد على يدي هو , بست خده
كتعبير عن جزء بسيط من حبي له
سلطان : لبى عطني وحده هنا بعد *اشر لي على شفته*
انا : ههههههههههههههههههههه روح للحب حقك جاي عندي ليه
سلطان : انت جاي عندي هذي غرفتي وبعدين مافي حب
انا : كتبن بس -.- , اما مافي حب شصار على هند ؟
سلطان : وجع وش دخل هند ليكون كنت تحسبها الحب حقي ؟
انا : يوجع العدو , وانا وش دراني عنك كل يوم مع وحده
سلطان خزني : اقول انت بغرفتي وتغلط علي بعد ؟ اطلع برا
انا : والله ومن زين هالغرفه عاد , طالع
طلعت وقفلت الباب وراي بكل قوتي ابي انرفزه
سمعت صرخته : ي كلللللللب
انا : هههههههههههههههههههههههههههههه
دخلت غرفتي رميت نفسي على السرير وانا حاس
نفسي هلكان ونمت

م شي تفااعل بس انا متأكد ان في نااس مب مسجيلين ف المندى و يقرؤن رح اكملل :)

البارت السابعع


========

لا جديد !
مازلت أشتاق لك سراً وأكابر بعكس ذلك علناً.
بالصباح صحيت وانا احس بطاقه مو طبيعيه
فتحت جوالي ودورت على رقم خالد
اتصلت ورد علي من اول رنه , حسيت ان سلطان
معطيه خبر انه بيجيه اتصال مني
خالد : هلا
انا : هلا بك , كيفك ؟
خالد : تمام وانت كيفك ؟
انا : بخير
سكت وسكتت معه ماعندي شيء اقوله له اصلا
خالد : اشتقنا
انا : هه لايش اشتقت ؟
خالد : فهد داق عشان تتستهبل علي !
انا : بتذلني على هالاتصال احمد ربك اتصلت , وبعدين مااستهبلت عليك !
خالد اخذ نفس كأنه يصبر نفسه علي : طيب
انا : وش طيب ؟
خالد : وش رايك نطلع اليوم نتمشى ؟!
انا : اوك . وين ؟
خالد : لا خلني اجي عندكم احسن بدل مانطلع برا البيت
عشان ناخذ راحتنا اكثر
انا : طيب خلاص تعال
خالد : لا تخلي صقر مدري وجدان يجون
انا : ههههههههههههههههههههههه وش يجون ؟ تراهم شخص واحد
خالد : الزبده ان بنت جيرانكم ذي لحسة مخي -.-
انا : عادي تتعود , يالله تامرني على شيء
خالد : سلامتك , انتبهلك واحبك
انا : ربي يسلمك بحفظه
قفلت الخط بدون ما ارد على اخر كلمه قالها *احبك*
علاقتي انا وخالد كانت مره قويه لدرجة ان بعضهم كانوا
باولى ثانوي يحسبونا مخاوين لانه دايم يقول لي احبك
اعشقك ومن هالكلام بس مايعرفون ان شخصية خالد كذا
اي احد قريب منه لازم يوميا يقول له احبك احبك احبك
ويغار علي بس غيرة صداقه كان مايحبني امشي مع احد غيره
واذا تهاوشنا انا وياه احب استفزه اروح اتمشى مع بنات
ما اعرفهم بس عشان اقهره هههههههههههههه
تقريبا اعرف كل نقاط ضعفه
رحت اتصلت على طول على صقر ابيه يجي بس
عشان خالد قالي قوله لا يجي *احب اعانده*
انا : صقير ابيك تجي اليوم ضروري
صقر : احب صقير احبه ولد ولد ولد
كان يطق ويغني
انا : وجع بلا استعباط تعال تكفى
صقر : هههههههههههههههههههههه ولا يهمك من عنيا
قفلت منه ورحت اتجهز والبس اول ماخلصت
نزلت تحت وكنت بروح للمطبخ اقول ليام تجهز اكل وحلى
وتقول للسواق يجيب بيتزا بس سمعت دق الجرس
رحت افتح لقيت وحده واقفه قدامي لابسه عبايه راس
وعيونها حتى ماتبان ويدها مغطيتها
انا استغربت حتى صرت اطالع فيها باستغراب وماتكلمت
هي : اوووش وخر خلني ادخل
لما سمعت الصوت تسدحت ضحك
انا : هههههههههههههههههههههههههههههههه وجداااان وش مسويه
بنفسك انتي ؟
ملاحظه : ضحكي ماكان استهبال على الي يلبسون عباية راس
لا بس كنت مستغرب من وجدان لانها دايم بس تلبس عباية كتف والازارير
نصها تخليها مفتوحه واحيانا تلف الطرحه على راسها بس اغلب
الايام تكون حاطتها على كتفها
دفتني ودخلت وانا لسى مستمر بالضحك لما دخلت طليت
براسي على برا وشفت اخوها واقف من بعيد يخز شكله موصلها
عاد اخوها ذا متشدد عليها ومسافر بعثه يدرس شكله توه يرجع
بس شفت نظراته زاد ضحكي , دخلت وقفلت الباب
وجدان : اوف اسكت خلاص
نزلت العبايه وطلع لنا صقر بالصوت الثاني هههههههههههههههه
انا : وجدا....
ماكملت اخر حرف من الاسم الا وجاني بكس على بطني
صقر : وجدان بعينك اسمي صقر ي كلب
انا : اااااهه بطني ي حيوان وش هالانفصام الي انت عايش فيه
صقر : مالك دخل , ليه اتصلت وش تبي ؟
انا : خالد بيجي
صقر : تصالحتوا
انا : كأنه
صقر : كأنه بعد لسى مو متأكد
انا : احس فيه حاجه غلط
صقر : وش هالحاجه
انا : مدري , الزبده انثبر هنا وانا بكلم يام شوي وبرجع لك
رحت ليام وقلت لها على الاكل الي ابيه وكلمت السواق
وطلبت ليز وبيبسي وشوكلاتات وبيتزا
سمعت الباب يدق رحت افتح بسرعه
بس فتحت وشفت خالد فهيت فيه كان شكله شميل ")
خالد بابتسامه : ادخل ؟

البارت الثامنن

==========

انا : ايوه اكيد ادخل
دخلنا بس دخل انصدم لما شاف صقر قدامه
على طول لف علي وهو يخزني بنظرات
وانا ماسك ضحكتي واتلفت من كثر الوهقه
صقر : ارحبوا منور
خالد : نورك
جلسنا وانا لسى ماطالعت بخالد هههههههههههههههه
صقر : بروح انادي سلطان وارجع
انا : طيب
بس طلع ماحسيت الا بولاعه طايره بنص جبهتي
انا : ااااي اححح وجع خييير
خالد : كككككلب تبن وصخ
انا ماسك ضحكتي : ي ساتر وش سويت ؟
خالد : يعني انا ماقلت لك لا تدق على ذاء ولا تخليه
يجي لازم تعاندني هاه لازم
انا : هههههههههههههههههههههه ي اخي احب اعاندك
شسوي يعني ؟!
خالد : تبن
ولف وجهه عني
انا : يعني تونا متصالحين نرجع نتزاعل
خالد بوز وصرخ : لا
انا : لا ما اقول الا مالت
خالد : فهد لا تطفشني
انا : وش...
ماكملت الا على دخلت سلطان و صقر
سلطان : اعوذ بالله توكم متصالحين على طول رجعتوا تتهاوشون
خالد وانا بنفس الوقت قلنا بصراخ : وش دخلك ؟!
سلطان فتح عيونه على اخر شيء مصدوم
وصقر جلس يضحك : هههههههههههههههههههههههههههه
كااااي جبهتك ي حبيبي انمسحت
خالد : اوش مابي اسمع لكم نفس
ويالله برا وش جابكم انتوا ؟
سلطان : ولك الله وكيلك مشتائين لئلك
خالد : ايوه -.-
كنت فاطس ضحك على شكل خالد باين انه
ناشبين له ويبي يصرفهم , بس ماحد حولي ولاحد يدري اني
اضحك لان ضحكتي على الصامت
جلسوا كلهم وانا لسى اضحك مع نفسي > ماانعطى وجه
صقر لف بس شاف شكلي انفجع حسيته
صقر : يؤ يؤ خلاص لاتموت علينا الحين ي شيخ هدي شويه
كان وجهي احمر من كثر الضحك
خالد وسلطان لفوا علي
سلطان قام جهتي على طول واعطاني مويا : اشرب اشرب ي حبيبي
مانبي يصير فيك شيء
عكس ردت فعل خالد الي صار يضحك معي ويصارخ
خالد : ههههههههههههههههههههههه ياربي
انت لسى ماغيرت ضحتك حرام عليك ارحم نفسسسك !!
سلطان : ههههههههههههههههه والله لو تحج البقر على قرونها
ماتغيرت ضحكة فهد
اما انا فعالم اخر من كثر الضحك مو قادر اخذذ نفس
انا : ههههههههههههههههههههه وش قالوا هههههههههههه لك خير هههههههههههههههههههه
بعدها جلسنا نتابع فيلم رومنسي اختاره صقر
طبعا حطه لنا غصب عن الكل ماشاور احد ولما شغله
نص الفلم راح وخالد وسلطان وصقر يتظاربون سلطان وخالد مايبونه
وصقر غصب يبينا نتفرجه بس رضوا بالامر الواقع في الاخير وجلسوا
يتابعون هالفلم الي ماحد فهم قصته غير صقر لدرجة انه لما خلص
تأثر وصار يطلع رومنسيته علينا كل شوي يحضن احد فينا
نقز عندي وخمني بقوه
انا : ياخي وخخخخر اقرفتني كل شوي حاضني
صقر : يحصلك حضني ؟ اعترف انك خاق على حضني
انا : مصدق نفسك
خالد كان يخز صقر : خلاص فكه نشبه
^ ماقلت لكم خويلد يغار ههههههه
اعجبني الوضع وخميت صقر
حسيت خالد شوي وبيصفقني
حتى وجهه حمر من كثر العصبيه
طولنا انا وصقر واحنا حاضنين بعض
الى ماجاء سلطان وبعدنا عن بعض
سلطان : خلاص بلى فاقدين حنان ماصدقتوا يجيكم هق انتوا الاثنين
صقر : يااااربي ياااربي وش دخلك وش دخلك هقيناك ولا هقينا بعض احنا ؟
انا : هههههههههههههههههههه خلاص صقير لاتفل امها
صقر : عمى
خالد : يعمي العدو
سلطان : خلاص رحمتك خويلد بخليك شوي مع فهد وبسحب صقر البثر
خالد : مو ابثر منك
سلطان ضحك وسحب صقر معه بالغصب وصقر بس يتحلطم مايبي يطلع
اول ماطلعوا خالد طالع فيني وانا قمطت
قام وجلس جنبي
وانا اتلفت اصرف الوضع
خالد : احبك
خزيته وسكتت , حسيت اني توترت
حتى حركاتي مبينه اني متوتر عاد خويلد
فاهم كل حركه من حركاتي ويعرف اني اذا هزيت رجلي
يعني توترت واذا رفعت حاجبي يعني مو عاجبني الكلام الي ينقال
واذا خزيت يعني منقهر من الي قدامي

البارت التاسع

========

كل غائب سيعود يوماً وَ يرى الأمكن? تغيرت و الوجوه شاخت و القلوب تنظر ب إستف?ام ما الذي اتى بك♥"

حسيت اني توترت
حتى حركاتي مبينه اني متوتر عاد خويلد
فاهم كل حركه من حركاتي ويعرف اني اذا هزيت رجلي
يعني توترت واذا رفعت حاجبي يعني مو عاجبني الكلام الي ينقال
واذا خزيت يعني منقهر من الي قدامي
المشكله كل هالحركات اجتمعت مره وحده
خالد : لسى مانسينا
انا : وش ننسا ؟
خالد : كل شيء
انا : ماضي
خالد : صح ماضي وانتهى ليه لسى تفكر فيه
انا : خلاص قفلها سيره كل شيء انتهى
ومافي شيء بيرجع عشان يتصلح
خالد ابتسم : ننسى يعني ؟
انا تنهدت وكانه ماعندي خيار ثاني : ننسى
خالد : طيب قوم نتمشى
انا طالعت له باستغراب : وين نتمشى ؟
خالد : بالحوش
انا : طيب
قمت معه وطلعنا للحوش
خالد : وش صار معك
انا : في وشو ؟
خالد : كل شيء بعد ماطلعت من عرعر
لما الحين كل شيء صار بحياتك بالتفصيل
انا : ماصار شيء
خالد : وش ماصار شيء ؟
انا : مافي جديد
خالد : معقوله
انا : ايوه
خالد لف وجهه كانه تضايق مني : طيب براحتك
صرنا نروح ونجي بنفس المكان واحنا ساكتين شوي رفع
راسه وطالع لجهه كان فيها مزروع ورد نتف وحده واعطاني اياها
انا : افتكينا من صقر داخل جيت انت هنا
خالد : ياربي مايعجبك شيء -.-!
انا كنت ببتسم بس مسكت نفسي : يعجبني كل شيء
خالد بوز وباين انه زعل مني مرره : طيب برجع البيت
انا : بحفظه
دخل اخذ جواله واغراضه وطلع وانا كنت استناه بالحوش
ضمني بقوووه وباس خدي وطلع بدون مايحط عيونه بعيوني
اسلوبي الجاف معه مجرد تنبيه له اني مابرجع فهد الي يعرفه
دخلت داخل لقيت صقر يتهاوش مع يام كانت يام ماسكه ملعقه
كبيره وصقر مشمر اكمامه كانهم بيبدون مضاربه طلعت على فوق
بدون ماخليهم ينتبهون لي مالي خلقهم لقيت سلطان قبالي
ابتسمت له ورسلي بوسه طايره على الهواء
كانه يقولي كل شيء بخير بس بطريقته دخلت غرفتي
بدلت وفتحت الجوال اطقطق فيه مافيه رسايل
جديده ولا فيه شيء :$!
حسيت بملل فضيع فتحت الاب توب وجلست اتصفح فيه
الى مانعست وغفيت مكاني
ومع صباح جديد والازعاج الي بالبيت
صحيت على صوت صراخ شهد وهي تنافخ على الكل
ومافي شيء عاجبها حسيت راسي صدع من صراخها
قمت غسلت وجهي وبدلت ونزلت
انا : اصبحنا واصبح الملك لله وش فيه ليه كل هالصراخ ؟!
شهد تكلم يام : مو كذا ي غبيه ماتفهمين ياربي
يام : اوف اسكت اسكت واجد صراخ كلاص انا في افهم
ومشيت وخلتها ومعها صينيات حلى كانت تغلفها
شهد تكلمني وهي شوي وبيطق فيها عرق : اليوم
بجهز البيت بكره بسوي حفله عيد ميلادي
انا انفجعت كلها ولا بارتيات شهيد وربي عذاب
تدمر نفسيت كل واحد فينا في هاليوم ولازم الكل يبعد عنها
ويسمع كلامها ولا فجرت البيت فيه
ابتسمت لها وانا احاول اهديها : هههه ايوه
شهد : وش ايوووه ؟
انا : ولا شيء :)
على طول عرفت ليه سلطان ومها مختفين تسحبت
من عند شهد وطلعت ركض لغرفتي اتصلت على ابوي
وكان مقفل جواله مو عادته يطلع الصبح اكيد منحاش هو بعد
اخذت جوالي وطلعت من البيت لبيت صقر
كان باب بيتهم مردود استغربت
انا : صقر وين رايح ؟
صقر : بطلع بطلع
انا : وين ؟
صقر : مدري لاي مكان شهد رسلت يام لبيتنا
وشوي وهي بتجي عندنا تبي مجلات من عند اختي مو ناقصهم انا
انا : هههههههههههههههههه يالله وانا بجي معك
صقر : امشي خلي السواق ياخذ فينا لفات بالحاره ونمر مطعم
نجيب فطور ونرجع بنلقى شهيد طلعت من البيت
انا تحمست : ي سلام تمشيه على الصبح يالله قدام
طلعنا من البيت وركبنا مع السواق
بدى يدور فينا وصقر يطقطق بفونه وساحب علي

564 مششاهد و م شي ردود تستهبلون انتوا ؟
ابي ردودكم و تشجيعاتكم <\3

شكل الروايه حماااااااااس
كمل كمل انني معك و اليك و خلفك << من فلم قديم

البارت العاشر


========


{ ملاحظه : سلطان تومبوي }
انا : صقر
صقر : هاه
انا : اكلمك
صقر : ماطنشتك ترا رديت عليك !
انا : لا لازم تطالع بعيوني عشان اتأكد انك تسمعني
صقر : ي لييل هاه طالعت بعيونك قول وش فيك
انا : ههههههههههههههههه لا خلاص مافي شيء
عطاني نظرات خلتني اقمط والف وجهي عنه وهو نزل راسه
يكمل طقطقه بفونه سكتنا وصارت السياره هدوووء
قطع هالهدوء سؤال صقر المفاجئ
صقر : فهد انت تحب ؟
انا فهيت : هاه
صقر : ماتحب ؟
انا : كيف احب ؟
صقر تنرفز من سؤالي الغبي : تحب ولا لا اخلص علي ؟
انا : انت تحب ؟
صقر : تبي كف ؟
انا : انت تبي كف ؟
صقر صرخ : ففهد اكلمك من جد انا
انا : وانا اكلمك من ججد
صقر : ايوه انا احب
انا : امما صقر من جدك ؟
صقر : كل تبن ولا تناديني صقر اسمي وجدان
انا كنت بصفقه : الحين وش تحس فيه انت مره وجدان مره صقر
وجدان : مالك دخل , تعرف ماجد ولد عمي ؟
انا : ايوه وش فيه ؟
وجدان : انا احبه
انا : ولد هو ؟
وجدان : تستهبل ؟ ايوه ولد يعني ماشفته انت ؟
انا : طيب ي حيوانه مو على اساس انتي تومبوي
وجدان : انا تومبوي وقت الداومات بس اشبك مع بنات
واخاويهم بس لما نقرب على الاجازه اطول شعري عشان
اضبط نفسي عنده واتميلح قدام امه عشان تخطبني
انا حسيت انه جاني شلل بمخي طلعت داهيه البنت
انا : ههههههههههههههههههههههههه اعترافك
هذا صدقيني بذلك عليه طول الحياه
وجدان : ادري -.-
انا : تدرين وتقولينه لي ؟ هههههههههههههههههههههههههههه
وجدان : حيوان بس كنت ابي افضفض وتساعدني
انا : ههههههههههههههههههههههههه للاسف اخترتي الشخص الغلط
لفضفضتك هذي
حسيت وجدان حست بغلطها الفادح لما قالت لي كلام زي كذا
واضح من تعابير وجهها
انا : هههههههههههههههههههههههه وجدان
وجدان : خيييير ؟!
انا سكتت لما حسيتها بتصفقني : وش تبيني اساعدك فيه ؟
وجدان شقت الابتسامه : ابي تعلمني وش اسوي قدامه عشان يتخرفن
انا كتمت ضحكتي : الحين من جدك تبيني اساعدك انا بهالاشياء !
روحي لشهد تعلمك وش عرفني انا
وجدان : والله مو منك من الي يطلب منك مساعده
انا : واحد قالك تجين تطلبين مني
وبدينا هواش مانتهى الا بصرخه من السواق : كلالالالالاص
وجدان : خلصت عيشتك
وبدت تتهاوش هي وياه , وانا فتحت فوني ولقيت 5 مكالمات من ابوي
و 8 من شهد كان على الصامت الجوال
اتصلت على ابوي اشوفه وش يبي
انا : الو
ابوي : ارجعي البيت بسرعه
انا : ليه ؟
ابوي : شهد متصله تبي احد يساعدها
انا : خير مالقيتوا الا انا اساعدها وين مها ؟
ابوي : مها وبنت عمك معي طلعنا نتمشى
انا انصدمت : هاه هم معكك ؟ رحتوا وماقلتوا لي
ابوي : لاتكثرين حكي وارجعي البيت
وقفل الخط بوجهي حسيت بكمية قهر مو طبيعيه
كلمت السواق يرجع للبيت وسط اعتراضات وجدان
*توبه اناديها صقر بعد هالاعتراف*
بس وصلت نزلت من السياره دخلت البيت
لقيت شهد تبكي انخرشت ورحت لها بسرعه
انا : شهد وش فيك ؟!
شهد وهي تبكي من قلب حسيت احد مات لها : ظفري انكسر
انا : -.-
شهد زاد بكائها لما مارديت عليها : قولي وش اسوي وش اسوي
انا كان ودي ارمي نفسي مع الطاقه صرت اطالع فيها ودي اصفقها
شهد صرخت علي خلتني انخرش : فهههد
انا رديت عليها بصراخ بعد : هاااه
شهد : الله ياخذك الله ياخذك قول امين ماعمرك نفعتني بشيء
ولا ساعدتني
^قلبت زي الجدات
كسرت خاطري على ان السبب الي تبكي منه مافي اتفهه منه
بس بكائها يلين الحجر *كف*
رديت عليها باستعباط قالك اواسيها يعني : بيتصلح لاتخافين
بكره ولا بعده تصحين من النوم بتلقينه طويل
شهد : بس الي انكسر مايتصلح
شطحنا وصرنا نسولف كلام له دخل بالمشاعر اكثر من ان له دخل
بظفرها الي انكسر

البارت الحادي عشر

=======


بعد ماسهرنا في هاليوم واحنا نجهز
لشهد البارتي حقها نمنا متأخر
وصحيت انا العصر اخذت شور على اخر روقان
طلعت لي ملابس وكنت مروق بس وقفت قدام المرايا
ماعرفت وش اسوي بشعري طول زياده ماحبه بهالطول
صار لنص رقبتي بديت اخبص فيه الى ماضبط معاي
جلست ادور على عطري مالقيته على طول عرفت ان سلطان
اخذه رحت لغرفته لقيت سلطان مرمي كل ملابسه على الارض
ويحوس فيها مو عارف وش يلبس طالع فيني وسكت
انا : خير ؟
سلطان : يلعن شكلك طالع مز
انا : ادري
سلطان : لا يكثر بس تعال ساعدني مدري وش البس
بيجون مزز كثير
انا : وين عطري ؟
سلطان : ساعدني واعطيك اياه
انا : ياربي الحين عطري وتتشرط على بال ماتعطيني اياه
شين وقواة عين بعد
سلطان : فهود تكفى حبيبي انت
انا تنهدت ودخلت لغرفته اشوف وش يلبس
صرت احوس معه وكل مارويته شيء ماعجبه
لفت انتباهي تيشيرت اسود جمييل
انا : شوف هذا مره حلوه بيطلع عليك يخقق
سلطان صار يطالع فيه لسى مو مقتنع
انا : وربي جميل جربه
اخذه مني وصار يبدل قدامي
انا : وجع ماتستحي على وجهك انت ماعندك غرف ثانيه تبدل فيها ؟
سلطان : هذي غرفتي انت وش جابك يالله برا
انا : حسبي الله -.-
سلطان : اخلص وش تبي
انا : مو جاي لسواد عيونك ابي عطري
سلطان سحب فونه ورد علي وهو طالع من الغرفه : ايوه
شوفه بالدرج البني
وطلع وقفل الباب بقوه
انا صرخت : اي درج كل دروجك بنيه !
ماسمعني وقمت ادور بكل دروجه وانا ادور
لقيت مذكره صغيره محطوطه بزاويه درج من الدروج
وكانت مغطيه قماش ابيض طلعتها فتحت اول ورقه
لقيت مكتوب *فضفضه سلطان او .........*
كان حاط فراغ بعد سطان جاني فضول اقراها
سمعت صوت خطوات جايه جهة الغرفه
وصوت سلطان يضحك وخالد يسولف على طول
خبيتها داخل تيشرتي وانفتح الباب
خالد : فهود حبيبي وحشتني
انا كنت متوتر حسيت اني مسوي جريمه : هههه هلا
وحشتني اكثر
سلطان رفع حاجبه باستغراب : فيك شيء !
انا : هاه لا احم
خالد كان باين عليه انه هو بعد مستغرب
قالي وهو يطالع في عيوني : طيب تعال خمني
قربت له وانا خايف انه يحس باللي مخبيه داخل تيشرتي
خميته وماطولت على طول بعدت
انا : يالله بروح غرفتي نسيت جوالي
طلعت من عندهم وسمعت سلطان يصرخ وراي : والعطر
ليه ماخذته ؟
طنشته وبس وصلت لغرفتي قفلت الباب بالمفتاح
طلعت المذكره وصرت اقراء فيها
{ سلطان مارضى اكتب ولا حرف من الي بالمذكره بالروايه }
كنت اقراء وكل ماقريت حرف يزيد استغرابي وكأن الي يكتب
في هالمذكره هو شخص ثاني مو سلطان الي اعرفه
ويمكن هذا الجزء الثاني من شخصيته والي مايبي احد يعرفه
مع كل كلمه كنت اقراها يزيد شغفي اني اقراء الصفحه
الي بعدها اكتشفت اشياء يمكن ماكان احد يعرفها الا سلطان
كان فيه صفحه من بين المذكره مو موجوده السالفه الي قريتها
صارت ناقصه وقفت لاني مافهمت شيء من بعد هالصفحه
الي وصلت لها وكنت مستغرب وين راحت هالورقه
قلبت بباقي المذكره كان مكتوب كلام متفرق
كأنها فضفضه من مواقف عامه صارت له اخر شيء بالمذكره
كان فيه كلام كثير بس قريت ببداية الصطر فهد وكنت بكمل قرايه
بس نقزت بقوه لما سمعت صوت دق قوي على باب غرفتي
خبيت المذكره وفتحت الباب
انا : هاه ؟
وجدان نقزت علي وخمتني : لبى مزي
انا : هههههههههههههههههههه طالعه تخققين ي وجدانصقر
^شبكت اسم وجدانصقر ونطقته بسرعه لها كأنه اسم واحد صار
وجدان : خييير وش وجدانصقر
انا : شخصيتين في واحد مين انتي اليوم وجدان ولا صقر ؟
عطتني بكس قوي على بطني : اسمي صقرر ولا تستهبل علي

البارت الثاني عششر


==========


انا : اااي وجع ترا يوجع ضربك
صقر بمياعه : يااي جد مره وجعك ي عيوني انت ؟
انا : كتبن وصخ :(
صقر : مو اوصخ منك تعال بس ننزل
سحبني بقوه لدرجة صقعت فيه وطول ماحنا نازلين على الدرج
ضاغط بقوه على يدي وشادني
انا : ترا والله اعرف انزل لوحدي وش فيك متحمس ؟
صقر خزني وفك يدي ومشى وخلاني
انا : اوف حيوان من يومك
صرت ادور على سلطان وشهد بس مالقيتهم
رحت للمطبخ وجلست على كرسي
مدري كم الوقت الي مر علي وانا جالس كنت مسرح ب ولا شيء
نقزت على صرخت خالد : بوو
انخرشت حسيت قلبي يدق بقوه من كثر الخوف : وجع خوفتني
خالد ابتسم لي وتربع قدامي على الارض وحط راسه على رجلي
ابتسامته تخقق , ماعطيته اي ردت فعل
دخلت يام وصارت تطالع فينا : الهمدلله والشكر
خالد رفع راسه وخزها ولف علي وهو مكشر: تصدق خدامتكم هذي مو بالعها
كل ماشافتني تحمد ربها مدري وش تحس فيه
انا : ي حليلها يام تهبل وش زينها
خالد فهى فيني : وشو وش زينها ؟
انا : ايه بسم الله عليها دمها خفيف
خالد : اها
طالعت في عيونه : تجي معي ؟
خالد : وين ؟
انا : برا , فيه احد جاء ؟
خالد : ايوه فيه ناس
وقف ووقفت معه صرت اعدل شعري وهو فتح كم زرار من قميصه
وطلعنا صرنا ندور واحنا ساكتين جات بنت لابسه فستان
مخصصر وقصير لنص فخذها صراحه جسمها يخررفن انا فهيت فيها
هي بمياعه : خلودي بيبي تعال ارقص معي
خالد ابتسم لها : انزين يالله
راح يرقص معها وسحب علي جلست على كراسي
*زول ماغير اجلس على اقرب كرسي*
كنت اتلفت بملل حسيت بنظرات تراقبني صرت اتلفت
زياده بس مالمحت احد يطالع لي , مر الوقت صارت الساعه 9 العشاء
كان ازعاج بمعنى الكلمه صوت اغاني عالي مره وزحمه مو طبيعيه
وخالد وسلطان اربع وعشرين ساعه يرقصون وسلطان بس يرقم هذي
وذيك وشهد تتميلح بفستانها وشلة ليديات يسولفون عن الماركات
وناس تنحرف وانا بس اتأمل فيهم وكانت سواليفي مع الكل سواليف سطحيه
شهد جات جلست عندي : فودي حبيبي ممكن طلب
انا : لا
شهد : صغير ؟
انا : لا
شهد : روح جيب سلات الحلاو من براء
انا : لا
شهد : والله ماعطيك الصوره الي طلبتها !
انا : هاه لا خلاص بروح اجيبها
شهد : ادب
انا : هه مو لسواد عيونك ترا
شهد : ادري -.-!
انا : لاتكثرين حكي
طلعت وانا حاس مودي بداء يتعكر وصلت لبراء
سمعت صوت ضحكة خالد استغربت وش يسوي برا
اتجهت لمصدر صوته طليت من وراء الجدار
كان يكلم فون ومو منتبه لي
كل كلمه قالها في هالمكالمه كانت عباره عن
طعنات لي وفتح جروح قديمه نسيتها ورميتها بعيد
بحكم انها ماضي قديم انتهى ونسيناه
بحكم اننا لازم ننسى الماضي و نتعايش مع المستقبل
طيب اعطيناهم فرصه جديده ليه مايقدرونها ليه مايحاولون يرجعون مكانتهم
صعب انك تعطي شخص فرصه بعد ماخذلك ويرجع يخذلك بنفس
الطريقه الي خذلك فيها المره الاولى ي حسافه على هالعشره
في هاللحظه حسيت كل مشاعر الغضب تجمعت فيني
ابي اطلع حرتي باي شيء بس مافي شيء اقدر
اسويه ويبرد حرتي كنت حاس زي الجمره مولعه
بقلبي ابي اي شيء يطفيها من كثر القهر الي احس فيه
صارت عيوني مغرقه دموع انا كذا لما ماعرف اعبر عن الي
بداخلي ابكي وبس
^ضعيف ؟ غبي ؟ تافهه ؟ ادري
انهى مكالمته وانا رجعت على وراء بسرعه لاني مابيه يشوف دموعي
طلع مع الجهه الثانيه وانا جلست مكاني واحاول اكتم دموعي لاني لو بكيت
مابوقف بس مانفع صرت ابكي وابكي وابكي وابكي وابكي الى ماحسيت براحه
خفيفه قمت ودخلت انا بعد من الجهه الثانيه رحت لدورات المياه غسلت وجهي
بمويا باردده طلعت ورحت متجهه لغرفتي قابلت شهد على طريقي
شهد : وين الاغراض ؟

البارت الثالث عشر



===========


{ آنجبرناا ندفن في دآخلناا ححكي
وايامناا تفرض عليناا آلسكووت
نرسم البسمات وفي الخاطر بكى
بسماتنا بكى لكن - دون صوت }
طنشتها وطلعت على غرفتي
انسدحت على السرير واحاول اطير كل الافكار
من بالي مابي افكر بشيء بس ابي انام
وصار الي ابي نمت على طول
صحيت ثاني يوم الصبح لقيت سلطان منسدح جنبي
وفيسه لاصق فيني دفيته وانا حاس اني منفس من بدايه
اليوم ومالي خلق احد ,
حس علي لما دفيته فتح عيونه : فهد
انا : هاه
سلطان : سمعت مكالمة خالد امس
لفيت لجهته وانا ساكت مستغرب وش دراه
متأكد ماكان موجود بذيك اللحظه مالمحته وكان المكان فاضي
انا : وش دراك ؟!
سلطان : قد سمعته انا قبل
انا : وليه ماقلت لي ؟
سلطان : ماعرفت شلون ابلغك زين انه انت سمعته بنفسك
ردت فعلي الوحيده كانت اني سحبت فوني حذفت رقم
خالد منه ورميته وسلطان ماشال عينه عني
قمت اغسل وجهي وسلطان لحقني كان متكي عند طرف الباب
غسلت وجهي ونشفته وطلعت بدون ماعطيه وجه طلع معي
وصار يناظر فيني
انا : خير وش تناظر
سلطان : اناظرك
خزيته بنظرات يعني كل تبن
سلطان : تكلم وش بخاطرك
انا : ولا شيء
يمكن لما ندفن داخلنا حكي افضل ؟
خالد انتهى دوره بالروايه وبحياتي من بعد هالموقف
وبعدها تغيرت اشياء كثيره فيني اهم شيء
اني صرت ماافضفض لاي احد بس اذا كنت مخنوق حيل
افضفض للاصدقاء نت يعني ناس متعرف عليهم من النت
لاني ارتاح اكثر كذا , هالاشخاص دايم يتركون بقلبي كمية سعاده
ما اقدر اوصفها الله يسعدهم على كثر مايسعدوني
طول اليوم كان سلطان يحاول يغير جوي خصوصا انه اول مره اتضايق من شيء
ومافضفض له بس انا كنت ساكت وما ارد عليه وان تكلمت قلت له لا يكثر
عدى اليوم ممل لابعد درجه , الساعه 12 بالليل البيت كان هادي
الكل نايم حسيت اني طفشان التلفزيون مافيه شيء
طلعت بنام بس سمعت دق على الباب استغربت مين بيجي هالوقت
رحت فتحت لقيت وجدان قبالي تناقز ومستانسه : صار صار
انا باستغراب : وش صار ؟
وجدان : انخطبت
انا : هاه مين ؟ متى ؟ كيف ؟
وجدان : ماجد خطبني
انا سكتت مفهي اطالع فيها مو مستوعب
وجدان : طيب دخلني ي وصخ ليه واقف عند الباب
انا توني الاحظ اننا نسولف عند الباب: ايوه ادخلي
دخلنا وطلعنا لغرفتي
انا : ايوه وش صار ؟
وجدان : ولا شيء امس خطبوني واليوم امي قالت لي
انا : وش رديتي عليهم
وجدان بدلع : قلت لهم يعطوني اسبوعين افكر
وصارت ترمش
انا : والله انك مشفوحه على هالزواج كان وافقتي وخلصتي عمرك
بلاها ثقل ي عمري
وجدان سحبت مخده من على سريري وصارت تضربني بها : خير
وش قالوا لك
انا : هههههههههههههههههههههههههه قالوا لي وجدانصقر منفصمة الشخصيه
وجدان بوزت : بالله !
فجأه انفتح الباب بقوه
سلطان : فهد تضحك ؟
اول ماشفت سلطان كشرت على طول يمكن لانه هو كان سبب
لما رجعنا انا وخالد مع بعض هو خلاني اروح لبيته وانا مدري
انا : وش قالوا لك نفسيه عشان مااضحك
وجدان : وليه مايضحك بالعكس فهيد وجهه بشوش ماغير يضحك
سلطان : وجع اكلتوني -.-!
انا و وجدان بصوت واحد قلنا : احسن
كان بيرد علينا بس جواله رن لما شاف الرقم شق الابتسامه
ورد : هلا هلا بالمزه
وطلع
انا : كالعاده وحده من خروفاته
وجدان : المهم ماعلينا انخطبت انا واخيرا
خزيتها : والله وطلعتي مو هينه جبتي راس هالماجد
وجدان : ليه طايحه من عينك انا اجيب راسه وراس ابوه
انا : من زين ابوه عاد شايب
وجدان : حدكك لاتغلط على ابو زوجي
انا : ابو زوجك اجل ؟ يعني مو عمك !
وجدان : كل تبن اهم شيء ابو زوجي الله وناسه
انا : الحمدلله والشكر الله يثبت علينا العقل
وجدان : امين
قامت وسحبت لاب توبي صارت تطقطق فيه

البارت الرابع عشر



===============



شبو المباخر وحطو من العود تولات , اليوم زواج -وجدان- ياعساها تتهنى
عدت الايام سريعه لدرجه مو طبيعيه
كنا بس نجهز وننسق للزواج ولو جينا للصدق انا
ماساعدتها باشياء كثير كانت كل يوم تدق تبيني
اطلع معها المول بس كنت اصرفها بحجة انه مالي خلق
او تعبان او متكاسل اطلع من البيت وعلى هالحاله
بيوم زواج وجدان صحيت الساعه 6 المغرب
على صراخ مها : انا رجعت من المشغل وانت لسى نايم لي
قوم اخلص فز مابقى شيء على الزواج
انا غطيت وجهي بيدي : اوف خلاص تشقلبي بقوم
مها طلعت وقفلت الباب بقوه متعمده عشان تزعجني
قمت اخذت لي شور لبست وضبطة شعري في ساعه بس
طلعت برا الغرفه وجلست انتظرهم بالصاله على بال مايخلصون
طلعت شهد : فهود ضبط لي السواره
طالعت فيها كانت طالعه شميله بمعنى الكلمه تخقق :(
ضبطتها لها
باستني على خدي : تسلم لي
خزيتها بنظرات تعرف اني ماحب المياعه وتتمايع عندي
شهد : ههههههههههههههههههه خلاص اكلتني بنظراتك توبه اعيدها
سمعنا صوت دق الباب فتحت يام كان ابوي : يالله ماخلصتوا ! تأخرنا
مها بصوت عالي : يالله يالله جايين
نزلت وهي لابسه العبايه وتركض مستعجله وسلطان وراها حامل بيده
كيس كبير
ابوي : يالله استناكم بالسياره
طلعنا كلنا طول الطريق كنت افكر معقوله وجدان بتزوج
وشلون توها قبل امس معي تبيني اشبك لها بنت
ماتخيل شكلها بالفستان وتنزف بعد ضحكت على افكاري
ابوي طالع لي بالمرايا : وانتي ساكته ساكته ساكته وان
طلع لك صوت ي اما تهاوشتي ومديتي لسانك الي هذا طوله
او ضحكتي مع نفسك
ابتسمت له ولفيت وجهي , وصلنا للقاعه دخلنا كان فيه
وحده واقفه عند الباب تفتش الي معهم جوالات كاميرا
طبعا انا كان معي واحد وجلسنا نتهاوش انا وهي ابي ادخله وهي مو
راضيه اتصلت على ام وجدان وجات ودخلتني
كان المكان ازعاااااج وصوت الاغاني بكل مكان
طلعت على طول لغرفة وجدان فتحت الباب
لقيتها جالسه بالفستان الابيض مخصر عليها ومن تحت
منفوش على خفيف وعند الصدر يلمع بالضبط زي الي
وصفته لي ومسويه تسريحه لاحظة خصلات شعرها
كانت لون غير دققت اكثر اكتشفت انها صبغت ماقالت لي
انها بتصبغ كان تحلف انها مابتغير لون شعرها
والميك اب فل من كل النواحي والوان متناسقه
بس رفعت راسها وشافتني صرخت وقامت حضنتني بقوه
وجدان : وحششششتني ي كللب
انا : ههههههههههههههههههههههههههههههههه بالله هذي وحده بتنزف
بعد كم ساعه ي ماما استحي على وجهك شويات وتنزفين لماجد
وهذا لسانك وهذي الفاظك
وجدان عطتني بكس على بطني : لا تستهبل علي وش دخلك انت اصلا
انا حره اقول الكلام الي ابيه
انا : ااه لا حول ولا قوة الا بالله ناويه تتطلقين من اول ليله انتي على هالاسلوب
وجدان : شوف بس مين يتكلم عن الاسلوب
انا : فهد يتكلم مو عاجبك ؟
وجدان : لا مو عاجبني !
انا : والله ي عزيزتي عاجبك مو عاجبك هذي مشكلتك
كملنا هواش وشوي هجدنا وصرنا نسولف لبعض وش بيصير بعدين
التهينا بالسواليف وسالفه تجر سالفه الوقت عدى بسرعه
ماحسينا الا وانفتح الباب دخلت اختها : يالله وقت الزفه ي عروسه
وجدان : هههههههههههههههههههههههههههههههههههههه
انا واختها فتحنا عيونا على اخر شيء بصدمه
انا : خير وش تحسين فيه انتي انهبلتي !
وجدان شاقه الابتسامه : وناسه بنزف الحين
اختها : ضربت فيوز البنت
طلعت وخلتنا وانا وقفت على اساس بطلع
بس مسكت بيدي وجدان : يمه خاايفه
انا : ههههههههههههههههههههههههههههههههه مناك بس
سحبت يدي بالقوه وخليتها لوحدها حركة نذاله ابيها تخاف لوحدها
نزلت تحت وجلست قدام قريب المنصه عشان اتأملها زين
بدأت الزفه انطفأت الانوار

البارت الخامس عشر



=========



بدأت الزفه انطفأت الانوار وتوجهت اضاءه خفيفه لجهةة باب
بأعلى الدرج انفتح الباب وطلعوا { وجدان , ماجد }
تردد صوت صدى شاعر يزفهم على انغام موسيقى هاديه
صاروا يمشون بالممر الطويل والزغاريط من كل مكان تتردد
والفديوهات مشغله تصور كل لحظه وكل ثانيه بهاليوم
وصلوا للمنصه طلعوا عليها وصار يتساقط فوقهم زي الورد المجفف
كنت اطالع بملامح وجدان كيف البسمه مافارقت وجهها دعيت لها
ربي يسعدها باين انها مبسوطه كانت عيونها تدور على الموجودين
كأنها تدور احد طاحت عينها علي ابتسمت لي بادلتها الابتسامه
وصرت اضحك على شكلها , انتهى اليوم مالحقت اودع وجدان
كان زحمه عند الغرفه الي هي فيها اكتفيت باخر نظره تبادلنها
في الزفه كنت عارف مابشوفها الا بعد شهرين يمكن
لانها قالت بعد ماتطلع من القصر بيروحون فندق وبعدين بيسافرون
شهر عسل مدته شهر او يمكن يصير شهر ونص
رجعنا للبيت وانا احس حيلي مهدود من هاليوم
على اني ماسويت شيء بس جالس اغلب وقتي
دخلنا البيت كنت بطلع لغرفتي
بس وقفني صوت ابوي : عقبالك
طالعت فيه وضحكت : يصير خير
ابوي خزني بنظرات كأنه شوي وبيقوم يذبحني
كان متنرفز مني يومها من ولا شيء
طلعت على غرفتي بدلت ولبست ملابس مريحه
حطيت راسي على المخده ونمت
ثاني يوم صحيت على المغرب
وكان البيت هادي نزلت تحت لقيت
مها تتقوهى
انا : وين شهد وسلطان
مها : رجعوا لجده ومكه
انا : اما
ماردت علي مها
انا : اوووف
كمية الطفش الي كنت حاس فيها بذاك اليوم
مو طبيعيه فوق ان وجدان سافرت وذول بعد سافروا
قضيت هاليوم على النت من صفحه لصفحه
وزي ماكنت اتنقل من صفحه لثانيه
كانت ايامي تنتقل يوم وراء يوم بشكل ممل
وكل يوم اكثر ملل من الي قبله ايام الدراسه وايام
الجامعات والاشغال مرت وخلصت ووصلنا للاجازه
متعودين دايم بالاجازات يا اعمامي يجون عندنا ي احنا
نسافر عندهم بهالاجازه كنا احنا الي بنروح لهم
جهزت شنطتي بحماس اني بشوفهم وحشوني
يومها صحيت متحمس نزلت تحت وانا اغني ومروق
ابوي طالع فيني باستغراب : فيك شيء ؟
انا : فيني انت
مها لما كانت تشرب مويا لما سمعتني شرقت : كح كح
ههههههههههههههه كح
انا : صحه صحه ي قلبي
ابوي : عاجبك كلامها تضحكين
مها وجهها قلب احمر من كثر الكحه : هاه لا
ابوي : ع العموم بنمشي الساعه 12 بالليل لجده
خليكم جاهزين
وطلع
مها : اسمع امس رجعت وجدان من شهر العسل واليوم
بتجي عند اهلها بروح عندهم قبل مانسافر تجي ؟
انا : اما , اكيد جاي
تجهزنا وطلعنا لهم على طول فتحت الباب الخدامه
دخلنا وكانوا جالسين بالمجلس ام وجدان وعمتها و وجدان
اول مادخلت كانت معطيتني ظهرها بالبدايه ماعرفتها
بس لما لفت علي وشفتها صرخت مصدوم
يالله انتفخت شوي كانت معصقله صار جسمها حلو
بعد الزواج طالعت فيني وعلى طول نقزت تصارخ وركضت لي
خمينا بعض بقوه
انا : والله واحلويتي بعد الزواج ي العجوز
وجدان : عجووز بعينك
مها : ماتغيرت نفس وجدان طويلة اللسان
انا : ايه والله قلنا يمكن الزواج يعدلها بس مافي امل
امها وعمتها:هههههههههههههههه
وجدان طاح وجهها : لايكثر بس مسوين نفسكم خفيفين دم !
انا : يوه ليكون احنا ثقيلين دم ؟
وجدان : اجل
مها : زيدينا مويا ههههههههههههههههه
انا ابي اطيح وجهه مها بعد : وش يضحك ؟
مها انصدمت اني قلبت عليها طالعت فيني وهي مبققه عيونها : صدق
مالك امان مسرع ماقلبت
انا : قلبت على اي صفحه هاهاهاهاه
استمرت الجلسه بسماجه مالها حدود وكل واحد يطلع طاقته
بس لو جينا للصدق كنت اضحك من قلب على هالسماجه
وكنت ملاحظ ان وجدان بعد تضحك من جدها مو استهبال
يمكن كنا مفتقدين لمه زي كذا تسعدنا وتغير جونا

البارت السادس عشر



==============



الساعه 11:30
ببيت وجدان
وقفت مها : يالله عن اذنكم
وجدان : لا اجلسوا بعد والله وحشتوني
انا : بنمشي بعد نص ساعه لجده
كنت ارفع حواجبي لها ابي اقهرها
وجدان بصراخ : لالالا لييييه ؟!
امها : هو وجدان وش فيتس يمه انهبلتي بيروحون عند اقاربهم
وجدان صارت تناقز تترجىء امها : يمه تكفين بروح معهم
امها : توك متزوجه وتبين تروحين معهم موب بزر انتي اعقلي
وخلي عنتس الخبال
وجدان ضربة برجلها على الارض بقوه : ماابي مابي ابي اروحح :(
انا ابي ازيد قهرها صرخت عليها : يوه بزر انتي انثبري ببيت زوجك
مها : هههههههههههههههههههههه نذل
فهمتني على طول درت اني ابي انرفزها
شفت وجدان جايه جهتي واضح من مشيت الاندرتيكر حقها
انها تبي تكفخني دعست على طول اركض للباب
طلعت ومالحقت تمسكني دخلت البيت لقيت ابوي
واقف يستنانا
ابوي : لا كان طولتوا بعد
انا : انت قلت بنروح 12
ابوي : واذا قلت 12 تجلسون عند الناس لما هالوقت
يالله حطيت الشنط بالسياره بنمشي الحين
مها : باقي نص ساعه على 12 ؟
ابوي : لازم تاخذون كل المواعيد بالضبط ماتعرفون تقدمون شيء
طلع وقالنا نلحقه بالسياره
انا : وش فيه مطنقر -.- !
مها : اخلص بس اطلع من هالبيت لا اهفك
طلعت وانا لحقتها ركبنا السياره وحركنا
طول الطريق كان بالسياره هدوء وماحد يتكلم
بعد فتره طويله بالنسبه لي وصلنا جده
بالنسبه لابوي جده تعتبر مكان خاص للدشاره
لف علي : اسمعي فرفره زايده عن حدها مابي فاهمه
انا : ابشر
ابوي : ايه الحين ابشر وبعدين نشوف افعال عكس الكلام
انا : افا عليك يبه مو واثق في كلامي يعني ؟
ابوي : لا مو واثق
مها : هههههههههههههههههههههههههههه
انا : عادي اصلا ماحد جبهته طارت
مها : هههههههههههههههههههههههههههههه لقط لقط
انا : اعصابك بس لاتموتين علينا من كثر الضحك :$!
ابوي : يالله بس انزلي انتي وياها وصلنا
نزلنا من السياره اول مادقينا الباب فتح لنا اخو سلطان
الكبير متزوج سلم على ابوي وانا ومها دخلنا
للصاله لقينا الكل مجتمع سهرانين كان وقتها فجر
حتى البزران مسنترين تحت التلفزيون
اول ماشفت شهد وسلطان قدامي استانست حيل
احس اني لي دهر ماشفتهم مو كم شهر
ضميتهم بقوه
انا : اشتقت لكم ي كلاب
شهد : مو كثرنا
سلمت على باقي عماتي وعلى طول طلعنا
انا وشهد وسلطان لفوق اجتمعنا بغرفه وتربعنا قدام بعض
سلطان : ايوه حكينا ي واد وش صار معاك بالرياض في هالشهر ؟
انا : حكينا اجل وقلبنا جداوي ي واد
شهد : لو سحمت لاتغلط على اهل جده كلوا ولا هما
انا : بلا بشكلكم اشبكوا تتكلموا كدا كأنكم
سلطان قاطعني : كأننا ايش ي صحراوي انتا
انا عدلت صوتي : الحين انا صرت صحراوي اجل
انت وش اقول عنك صرت مايع من عاشرت اهل جده
شهد : ترا جده مايتكلموا كدا زي كلامك الي تكلمته قبل شويا
انا : هاه وشلون تتكلمون ي حظي ؟
سلطان : الحين لكم فوق الشهر ماشفتوا بعض وهذي السالفه
الي جالسين تسولفون فيها ؟ يبي لك تصفيق انت وياها
انا وشهد قلنا له بنفس الحظه : اقول اسكت
سلطان : خير !
انا رميت عليه مفاتيح كانت مرميه جنبي مدري حق مين
سلطان : اااي
انا : تعورتي ي سوسو ؟
سلطان اكرهه شيء عنده احد يناديه سوسو خزني
بنظرات اعوذ بالله منها كلها شر
شهد : هههههههههههههههههههههههههه جنيت على نفسك ي فهيد
سلطان : وش قلت ؟
انا صراحه على هالنظرات قمطت بس سويت نفسي
مو مهتم عدتها بكل ثقه : تعورتي ي سوسو ؟
سلطان : سوسو اجل , انت تدري وش الي يخليك تتأدب
انا : انقلع مابي اعرف
شهد : وشو قول سليطين
سلطان : يبي لي احجر له بالزاويه وانحرف فيه
شهد تحمست : ايه والله صادق
سلطان وقف وصار يقرب مني
انا بققت عيوني

البارت السابع عششر




===========




انا قمطت : ي هوه خير وش تحس فيه !
سلطان : شوف فهيد مابنتعمق كثير مجرد
شفشفه سطحيه
شهد : سطحيه ولا طوليه ؟ ههههههههههههههههههههههههههه
انا وسلطان جلسنا نخزها
شهد : خلاص توبه اتسيمج -.-
سلطان لف علي ونقز فوقي
لدرجة طحت على وراء : اهوه قفطتك ي مزي
انا صرت منسدح على الارض
وهو جالس فوقي : هههههههههههههههههههه وخر ي ححيوان
سلطان : مو موخر
انا كنت فاطس ضحك : ترا اشوتك
سلطان : ماتقدر علي
حاولت ادفه بس ماش ماقدرت احركه حتى عليه وزن
انا : اهب عليك من وين جايب هالجسم مو راضي يتحرك
سلطان : قول ماشاء الله ي وصخ
انا : مو قايل
سلطان : شوف انا لحد الحين ماسك نفسي
لاتخليني اتهور فيك قول
انا : ماشاء الله ماشاء الله خمسه وخميسه تف عليك
شهد : هههههههههههههههههههههههههههه خلاص رحمته
وخر عنه
انا قلبت على شهد : مين طلب رحمتك ؟
سلطان : لولا ان شهد قالت لي قوم ولا كان ماقمت وعلمتك الادب
قام عني وانا جلست واحس ظهري تكسر منه
انا : تفو عليك انت وياها بدل ماتستقبلوني احسن استقبال
جالسين تكسروني بهالطريقه
سلطان : لا تكثر حكي الزبده اليوم فيه شله اعرفها بيطلعون
للردسي مول تجي والله فله قروبات كبيره
انا : مين الي بيروح ؟
شهد : شلته الي نصهم قصيمين وشلة توما
وفيه كم بنت انا اعرفها بعد
انا : حماس ي خي اوك بجي
سلطان : اوك قوموا ننام الحين عشان نصحى قريب المغرب
طبعا على طول رحنا نركض انا وسلطان لغرفة شهد
لانه هم شخصين بس الي بينامون على السرير والثالث
بالارض او بالكنبه برا الغرفه دخلنا بسرعه وقفلنا الباب
وهي ترمي علينا من دعاوي العجزان من برا الغرفه
وتدق الباب بس ماردينا عليها الى ماملت وفقدت
الامل انننا نفتح لها الباب راحت
انا : سلطان شوف ذيك الجهه لك لاتقرب لي
وانا هذي جهتي اعرفك منحرف وماستغرب منك شيء
سلطان بقق عيونه : وجع من زينك وش بسوي فيك يعني
انا : انت ادرى
انسدحت وطنشته وانا احس نفسي هلكان من الطريق
اول مانسدحت حسيت براحه كلها كم دقيقه ونمت
الساعه 2:30 صحيت
لقيت سلطان خامني من وراء ونايم
بعدت يده بشويش وطلعت من الغرفه
غسلت وجهي وبدلت ملابسي
ونزلت تحت لقيت شهد نايمه على الكنب ومو متغطيه حتى
كسرت خاطري صراحه
انا : شهد شهد *هزيتها بخفيف*
شهد : هممم
انا : قومي اطلعي كملي نومتك فوق
شهد فتحت عيونها وصرخت علي
توها تستوعب اني قدامها : توك تتذكرني
ي حيوان انت وسليطين خليتوني انام هنا والحين تقولي
اطلع انام فوق
انا:اعوذ بالله والله انا الغلطان الي جالس اصحيك
وابيك ترتاحين بنومتك فوق كملي نوم هنا جعل
رقبتك الكسر
طلعت من الغرفه الي هي فيها
وسمعت صرختها : جعل لرقبتك الكسر مو رقبتي
طنشتها ورجعت طلعت فوق لقيت سلطان لسى نايم
انا صرخت عليه : سسسسلطاان
سلطان نقز : هاه وش فيه
انا : هههههههههههههههههههههههههه شكلك خطير
سلطان عصب سحب المخده الي جنبه ورماها علي : انقلع برا
انا كتمت ضحكتي عشان ماتصفق : قوم يكفيك نوم
سلطان رجع انسدح : ليه الساعه كم ؟
انا قربت له وتربعت جنبه على السرير : ثنتين ونص
سلطان فتح عيونه بسرعه : اما الساعه 4 ترا بنروح لبيت
ريم بنمرها ونروح لياسمين بعدين اخلص اجهز انت وشهيد
انا : انزين بقوم البس بس قوم انت بعد
سلطان:طيب
وقفت واتجهت للباب طالع من الغرفه لفيت على سلطان قبل ماطلع
لقيته رجع حط راسه على المخده ونام
صرخت عليه : سلطان!
نقز بسرعه : خلاص قمت
قام ودخل لدروة المياه وانا نزلت تحت
لقيت شهد صاحيه , بدينا نتجهز واول ماخلصنا طلعنا من البيت
مرينا صديقة سلطان ريم وبعدها اتجهنا لبيت ياسيمن اول مره
اسمع سلطان يتكلم عنها توقعت انه توه متعرف عليها

البارت الثامن عشر


===========


بس وصلنا المول لقينا عند البوابه على طول
شلة سلطان وشهد وكلهم متجمعين
سلطان : فضحتونا يالله توزعوا اخلصوا
تومبوي : انا بسحب الي معي بنروح فوق
انتوا انثبروا تحت
شهد : ريم ياسمين ونوف بنروح مع بعض لمحلات ميك اب
بداء الكل يتوزع ويتقسمون شلل
الى مابقى موجود الا انا وسلطان وثلاثه تومبوي { راشد , عبود , حمود }
وثنتين ليدي { راما , هند }
راشد : خلونا نروح للطاولات الي هناك نجلس
هند: اوك يلا
جلسنا على طاولات وكانوا يسولفون عن مدري وش
مافهمت حاجه منهم كنت بس اسلك
عبود : فهد تعال نروح نتمشى انا وانت
انا : او....
ماكملت كلامي الا وقاطعني
سلطان : لا خله يجلس معنا تبي تتمشى انت روح
انا خزيت سلطان بطرف عيني يعني وش دخلك
طالعت بعبود لقيت منزل راسه وساكت
سفهت سلطان و رديت على عبود : اوك يالله
حسيت سلطان جنبي طرطرع شوي وبيقوم يصفقني
بدينا نفر المول انا وعبود كان طوله متوسط مو سنفور ولا طويل
عبود : انت من جده ؟
انا : لا
عبود : من الرياض ؟
انا : لا من عرعر
عبود فهى فيني : اما عرعر وش جابك هنا اجل
انا : ابوي هنا وجيت معه
عبود : مشوار لو جلست بعرعر احلى
انا : من زينها ؟
عبود : مو حلوه
انا : لا , وانت من وين ؟
عبود : جده
انا : ي هلا والله
عبود : عمرك 16 ؟
انا على طول لفيت عليه : هالطول كله و 16 :|
عبود : ههههههههههههههه مالك دخل بالطول انا طالعت وجهك وخمنت كذا
انا : الحين وجهي يقول كذا , عمري 19
عبود انصدم : اما !
انا : ههههههههههههههههههه وش فيك مصدوم والله 19
عبود : ي شيخ زين ماقلت لك 15
انا خزيته وهو جلس يضحك
انا : وانت كم عمرك ؟
عبود : 22
انا : يوه شايب
عبود تحطم : وش شايب ترا فرق بيني وبينك 3 سنوات
انا : ايوه حتى اعتبرك شايب
صرنا نسولف ونتعرف على بعض حسيت من كلامه واسلوبه
انه شخص مايعرف يزبد او يسلك او يقصف جبهات نهائي
واكبر دليل سلطان الي كل ماقال كلمه استقعد له وزبد له
وهو ساكت مايرد عليه
عبود : يوه الساعه صارت 8
انا : اما 8 -.-
عبود : الوقت مر بسرعه
انا : يالله بس نرجع لا يصفقنا سلطان
ابتسم لي ورجعنا عندهم كانوا كلهم مجتمعين
جلسنا , طالعت بسلطان لقيته يخزني ولف وجهه عني معصب
طنشته وانا مو لاقي اي مبررات لتصرفاته
شهد : اوف تعبت خلاص
حمود : انا جوعان خل نطلب اكل وبعدها نرجع البيت
الكل وافق على كلامه بدينا نطلب واكلنا وبداء الكل ينسحب تدريجيا
راجع على البيت
عبود : يالله اجل حتى انا لازم ارجع
شهد : اوك ي دوب سلم لي على اختك الصغنونه
عبود ابتسم لها ولف يطالع فيني : عطني اي شيء اكلمك فيه
انا : عندك كيك ؟
عبود : ايوه هذا هو
سحب يدي وكتبه عليها وقف ووقفوا الكل معه سلموا عليه
ولما جاء يسلم علي خمني بقوه وطلع
شهد : خلاص يالله امشوا حتى احنا نرد للبيت
سلطان وقف وهو معصب : يكون احسن
ريم طالعت فيني : وش فيه ذا ؟
انا : مدري
قمت وطلعت وراه ولحقتنا شهد
بالسياره كانوا ساكتين لما وصلنا للبيت
فتح لنا خالد
{ خالد هذا واحد ثاني مو نفسه الي ببداية الروايه
وهو ولد عمي *ولد مو تومبوي* عمره 20 }
سلطان اول ماشافه صرخ : ي حول وش جابك انت
من الرياض مين عزمك
خالد : وش دخلك ادخلي بس والله شيشة راس عمي
عليكم الحين تاكلون تهزيئه
شهد : ي ربي صدق حيوان
خالد خزها : اقول عن المياعه
انا : ههههههههههههههههههه وجهك وجهك
خالد خزني بنظرات انه انكتم انا بعد فتح لنا الباب ودخلنا
سمعنا صرخة عمي : ي بنت انتي وهي تعالوا
كان يقصدنا على طول كلنا لفينا على خالد حاقدين نتوعد فيه
بس مالقيناه ورانا
انا : اعوذ بالله مسرع ماختفى
عمي صرخ من جديد : اكلم جدار انا

البارت التاسع عشر

=====


دخلنا عند عمي عطانا محاظره عن الاخلاق والاحترام
سلطان كان وجهه محمر من كثر العصبيه هو خلقه متنرفز مني
وجاء عمي كملها علينا , جاه اتصال انقذ الوضع
عمي : حسابك بعدين انتي وياها
سحب فونه وطلع برا يكلم
انا : هيه انت وش فيك!
سلطان : وش فيني ؟ لما اقولك لاتمشي معه يعني لاتمشي
انا : مسؤول عني انت عشان تتحكم بتصرفاتي وتقولي
امشي مع مين واخلي مين مالك خص فيني واماشي الي ابي
سلطان : لا مو بكيفك صديقي وكيفي مابيك تمشي معه
انا : لا مو ناقص الا تقفل عليه بغرفه وتقوله لاتماشي احد
سلطان : مو هو الي بقفل عليه هو بسلامته يكلم الي يبي
بقفل عليك انت لاتقعد تماشي اي احد
انا باستغراب : وعبود اي احد !
سلطان صرخ : ايه اي احد من متى تعرفه
انا : لاتنافخ , ماعرفه بس خويك ومن شلتك كيف صار اي احد
سلطان : كيفي والله عاد كرهته الحين وصار اي احد مالك خص
اذا كلمته مره ثاني بتشوف شيء عمرك ماشفته
انا عصبت : لاتقعد تتفلسف علي اسوي الي ابي انا فاهم
ومالك خص فيني مين انت عشان تتدخل فيني انت ولا شيء
لاتقعد تحاسبني على كل صغيره وكبيره بحياتي وعبود بماشيه
وبنصير فرند فيه شيء !!
سلطان : انا ولا شيء طيب طيب يافهيدان انا ارويك وش بيصير في عبود
طلع من المجلس وقفل الباب بقوه , وانا من كثر العصبيه الي احس فيها
سحبت المزهريه الي قدامي ورميتها بقوه على الارض
انكسرت تناثر الزجاج كان ودي اكسر راس سلطان بهالطريقه
وجهي حمر وصرت احس ايدي مشدوده من كثر العصبيه
شهد طالعت فيني وهي هاديه ومانطقت بحرف واحد
اخذت نفس احاول اهدي نفسي وطلعت من المجلس
كنت متأكد سلطان بيكون في غرفة شهد ماطلعت لغرفتها وجلست
على الكنب بالصاله انسدحت ماحسيت بنفسي الا وغفيت من
كثر التعب , ثاني يوم الظهر :
صحيت وانا حاس بصداع فظيع وكتمه جلست مكاني تقريبا
ربع ساعه اريح فيها وبعدها وقفت وانا حاس بدوخه
غسلت وجهي وتذكرت عبود طالعت يدي لقيت الكيك
حقه الي كتبه بيدي ممسوح
انا : اوف نسيت ماسجله
ضغطت على راسي وانا حاس الصداع يزيد
شهد : فهود فيك شيء ؟
انا فتحت عيوني : بسم الله من وين طلعتي :|
شهد ابتسمت لي : توني صحيت
انا : اها , لا مافيني شيء
شهد : اكيد ؟
انا : ايه , بتطلعين مكان اليوم
شهد : ايه ليه ؟
انا : لا بس ابي اطلع معك ابي اغير جو
شهد : اوك بعدين نطلع , وش فيك امس انت وسلطان
انا : مافي شيء يعني انتي شايفه حركات شلون سخيفه
وش دخله فيني !
شهد : يعني ماتعرف سلطان مافهمته ؟
انا : لا مافهمت شيء
شهد : اشك انك مو فاهم شيء
انا خزيتها وانا متنرفز ومو ناقص : اخلصي وش فيه
شهد : طيب لا تخز , هو طبيعته كذا مايحبك تتكلم مع اي احد
يغار عليك
انا : وليه ان شاء الله يغار علي؟
شهد : خايف احد ياخذ مكانه عندك , عنده حب تملك
اعتبرها زي ماتبي
انا : شهد لاتصيرين سخيفه عاد
شهد : والله هو كذا اناني بس انانيته مع الي حوله
وحب تملكه معهم بحدود لكن معك غير يحب يفرض
سيطرته عليك
انا حسيت راسي صدع زياده طنشتها ورحت للمطبخ
اخذت حبتين بنادول وجلست على الطاوله الي بالمطبخ
افكر بكلام شهد يمكن كلامها صح بس طريقته تنرفز ماحب
احد يعاملني كذا بين افكاري حسيت بضربه قويه على راسي
لفيت لقيت يام متخصره : هيه انتا انا فيه ساعه نادي هنا مافي اسمع انا
وقفت ناوي امسكها اصفقها بس لما شافتني وقفت انحاشت
انا صرخت عليها : والله لا امسكك ي حيوانه تشوفين تبن
يام رديت علي بنفس صراخي : واجد كريزي
انا اكلم نفسي:حسبي الله راسي خلقه مصدع وجات
ذي كملتها علي
صرت اتحلطم , دخلت مها على حلطمتي
مها : الحمدلله والشكر تحاكي نفسك ؟
انا صرخت :اوف وانتوا خليتوا فيني عقل

البارت العشرين


=========


طلعت فوق اتجهز اخذت شور وبعدها لبست
اول ماخلصت نزلت تحت لقيت شهد تحط مناكير
انا : ي لبى الريحه بس
شهد شقت الابتسامه : احطلك
انا : كتبن -.-
شهد : ههههههههههههههههههه انزينن لحظه اخلص اخر
لمساتي ونطلع
انا : طيب
جلست جنبها انتظرها تخلص وصرت اعدي الوقت
بالتلفزيون اقلب في هالقنوات ومافي شيء جديد
كلها اشياء ممله وقديمه وتنعاد
شهد : يالله خلصت
طلعنا برا البيت لقيت سلطان واقف يستنانا
سلطان : سنه عشان تنزلون !
انا همست لشهد : وش جايبه ذا معنا
شهد خزتني وطالعت بسلطان : كنت احط مناكيري يالله نمشي
ركبنا السياره , شهد كانت توصف للسواق مكان البيت
وانا مرجع ظهري على وراء ومغمص عيوني
وسلطان كان حاط رجله على الهزاز وترني معه
وصلنا دخلنا للبيت راشد كان عازم قروبه كلهم
طبعا كنا كالعاده اخر ناس نوصل بسبب شهد الكل
موجود الي يتابع تلفزيون والي ياكل والي يسولف
والي يلعب اونو والي يتهاوش دخلنا كلهم سكتوا
وقاموا يسلمون سلمنا على بعض وجلسنا
كنت ادور على عبود مالقيته بينهم استغربت
معقول ماعزمه , سمعت صوته ينادي راشد
عبود : رويششد
راشد : هاه
عبود دخل : هويت بقاع مـ......
سكت لما شافني
راشد : وش تبي !
عبود : لا خلاص ولا شيء
جاء سلم على شهد وعلى سلطان وبعدها سلم علي
جلس بعيد عننا وماكان يطالع فينا استغربت مره
ريم : راشد شغل الدي في دي
راشد : اوك بس ترا كل الافلام الي عندي مغبره فيه احد عنده فلم جديد ؟
راما : انا جايبه معي اعرفك قروي مالك بالافلام
راشد خزها وسحب الفلم منها وشغله
تجمع الكل حول التلفزيون طفوا الانوار واشتغل الفلم
كان عباره عن فلم اكشن مدري وش علاقة الانوار يطفونها
ترتيبهم بالجلسه :
سلطان وجالسه بحضنه ريم
راما متكيه على كتف ياسمين
شهد ماسكه يد راشد
هند متكيه على طرف الكنبه بالزاويه
كلهم كانوا على الكنبه الا انا وعبود و حمود ماكفت لنا
عبود كان جالس على الارض بين رجول حمود
وانا بالجهه الثانيه متربع
الفلم ماعجبني ابدا سخيف على ان الكل كان
متحمس معه وداخل جو الا انا مادخل مزاجي
كانوا يصارخون كل شوي فجأه جات لقطه انا حسيتها
رعب اكثر من انها اكشن حتى الي مايعات بالشله صارخوا
وغطوا وجيهم , انتهى الفلم وطفو الدي في دي
حمود : والله اهنيك على اختيارك ي راما فلم خطير
هند : من جد يهبل
صاروا يتناقشون عن الفلم واللقطات والي كان معارض لنهايته
عبود من وراي : ليه ماكلمتني بالكيك
انا : مـ.....
عبود قاطعني : سلطان قالك لا تكلمني صح عشان كذا ماكلمتني
انا : مابكذب عليك واقولك انه ماقالي لا تكلمه بس انا مو عشان كذا
عبود : اجل ؟!!
اانا : رجعت وانا تعبان ونمت ونسيته بيدي صحيت ثاني يوم لقيته ممسوح
عبود : اوك بس تهاوشت انت وسلطان ؟!
انا : واذا تهاوشنا ؟
عبود : فهد انا مابي اسبب لك مشاكل بالنهايه ادري علاقتك
مع سلطان قويه ومابي اخرب بينكم بس كل السالفه حبيت اتعرف عليك
ونكون فرند
انا : سلطان ماله علاقه فيني وانا حر اسوي الي ابي واكلم الي ابي
سلطان من وراي : لا مو حر ي فهد
عبود : بكيفك هو ؟
سلطان : عبود لا تحط راسك براسي ترا تندم
عبود : وش قلت انا الحين ؟ انت شخص مشكلجي
كل هذا عشان حكيت مع فهد
سلطان : انا فاهم قصدك وادري وش تبي منه
عبود رفع حاجبه : جد ؟ وش ابي !
انا كنت واقف بينهم واطالع بالاثنين مو فاهم شيء
نقاشهم بداء يحتد حتى الكل سكت وصار يناظر فيهم
شهد : سلطان خلاص
سلطان : لا مو خلاص وهو يدري ان ضرره اكبر من نفعه
على فهد وغصب يلصق فيه
ماكنت حاب اتكلم واوقف بطرف واحد منهم وتكبر
السالفه ويصير بيني وبينهم حساسيه فضلت السكوت
بالاخير بسوي الي ابيه انا