مواقفكم مع الجن

بسم الله الرحمن الرحيم
اللهم سكنهم بمساكنهم


انا اخاف😳 وبنفس الوقت احب اقرا 😔
الحمدلله ماقد صارت لي مواقف او صارت وما لاحظت 😐

موقف استوى ﻻختي
مره كننا رايحين صوب رووس اليبال منطقه اسمها حبلين المهم ترس ينون ههههه مره و احنا راقدين هي شافت بالدريشه ابوي داخل البيت و قامت عشان تفتح الباب لفت وراها شافت ابوي راقد (: انصدمت و ع طول تحت اللحاف من الخوف هههههه موقف ثاني صار ﻻختي بهد و بنفس المكان بس في حجره و حذالها حمام اختي شافت وحده عيوز تشوفها و تمشي نططت صوب اخوي و رقدت (: و وواييييد مواقف بس م اذكر

موااقفي كثيررة انا وربي لدرجة اني صرت أحيانا اذ شفتهم اشوف وش يبون مني بعدها اغمض وافتح ولا الاقيهم


يعني بالعربي تعودت عليهم ..

اذكر مره كنت جاي من البحر وتعبان وبنام وانسدحت ع السرير اشوي الا احس السرير يهتز وافتح والاقي بنت ع سريري معطتني ظهرها وجالسه تحركه يمين ويسار يعني انها ترقص

لانها جالسه عند الدفي دي حقي وتعفس بالسي ديات حقيني المهم ان خليتها على وضعها وانا اناظر فيها بعدها غمضت وقريت المعوذات والكرسي وفتحت مالقيتها والسي ديات ع وضعههم واغمض واطقها نومه

طبعا امي الله يرحمها كانت تعرف اني اشوف لدرجة من خوفها علي قبل وفاتها أجبرت اخواني ينقلون غرفتي قبال غرفتها علشان تمر علي كل اشوي

ومرة قبل وفاتها كنت مصدع ودخلت انام الا تدخل علي بنوته صغيره ماسكه دبدوب ولابسه فستان ابيض وتنسدح جنبي فتره بعدها قامت واطلعت وسالت امي اذا كان فيه ضيوف جاو قالت لا وعلمتها بعدها احلفت الا توديني تقرى علي خخخخخ

ومرة دخل علي شيخ وحط يده على راسي قرى علي قران وطلع ههههه كثيرره وربي مواقفي معهم

بس اخر شي صرت اشوف أشياء اضطريت اني اروح للشيخ يقرى علي لان تمادى الموضوع معي ووصل اني اشوف بنات معي بالسرير بوضع مختلف بس الحمدالله حاليا ...



وسوري لاني طولت

كنت العب وياهم