و الوله برر خطاك كم عشقتك و انت قاسي م تلين .

بسم الله الرحمن الرحيم
انا ببدأ روايتي من دون اي كلاام
RekoH
*************
في قريه فقيره في بيت صغير مبني بالخشب يعيش فيه امرأة كبيرة السن و فتاة في عمر الزهور 20
الام : شووق ي شووق
شوق : هلاا يمه
الام : تعالي ي بنيتي
شوق : ان شاء الله يمه , هلا يمه تامريني بشي !
الام : اي ي بنتي تعالي صبيلي القوه
شوق : ان شاء الله يمه
شوق و هي تمد لها القوه : تفضليي يمه
الام بأبتسامه : شكرا ي بنيتي يعطيج العافيه
شوق : الله يعافيج يمه
الام و هي تضرب الكرسي بإيدها : تعالي ي بنتي يسي حذالي
شوق جلست حذال امها : يمه ابوي متى بشوفه ؟
الام دمعت : ان شاء الله جريب ي بنتي
شوق :يمه ليش تصيحين
الام بنبرة حزينه : بنتي حبيبتي بقولج شي بس لا تقاطعيني
شوق ب خوف : قولي يمه م بقاطعج
الام : ابوج ي بنيتي توفى "دمعت" توفى و كان مديون و نحن ع هالحاال بنعيش هني بنعيش ع فلوس الخيريه ابوج راح وخلانا ف هالفقر و بعد حذال البيت شي مزرعه حقنا و فيها ريحت الغالي "بكت"
شوق دمعت : يمه ليش م قلتي لي جي من قبل يمه انا كنت اريد اجوف ابوي يمه انا عمري م جفته اهئ اهئ
الام حضنت شوق : بس ي بنيتي كان ودي اقولج من قبل بس م كان لي فرصه اقولج
شوق تصيح : ييمه ابا ابوي انا م جفته ابد اهئ اهئ
الام : خلاص ي بنتي حصل خير
نامت شوق ف حضن امها
في مكاان بعيد يبعد ساعه و نصف في قصر كبير و حديقه تملأها الزهور و العاب و النافوره في وسط الحديقه و مواقف السيارات و السواقين و الحراس امام مدخل القصر و في احد الغرف من غرف القصر يوجد به صبي في عمر 20
ام عبدالله : عبدالله يلا قوم الحق ع الصلاه اليمعه
عبدالله : همم زين زين بقوم "قام عبدالله و سحب وياه منشفه و دخل الحمام *الله يكرمكم* ياخذ شور *الله يكرمكم* طلع من الحمام *الله يكرمكم* و حاط المنشفه ع خصره و شعره ماي , لبس كندورته و غترته و عقاله طلع يخقق و تعطر بعطره المفضل و نزل تحت و هو ع طريقه شاف اخته
عهود : صباح الخير
عبدالله : صباح النور , ابوي وين ؟
عهود : تحت
عبدالله : طيب "غمز لها و نزل عند ابوه " , السلام عليكم
ابو عبدالله و ام عبدالله : و عليكم السلاام
ابو عبدالله : م بغيت تقوم جان الحين راحت عنا الصلاه يلا مشينا
عبداله : هههه زين يالله مشينا
راحوا المسجد عسب الصلاه
لين م هم يصلون اعرفكم فيهم
ابو عبدالله : 48 يحب عياله و غني ع الاخر و طيب و حاتهم الماديه ممتاز
ام عبدالله : 44 تحب عيالها و طيبه و حبوبه و م ترضى ع عيالها ابد
عبدالله : 28 يشتغل مع ابوه ف الشركه و هو طيب و مخطوب حق بنت خالته غزل "بعدين نتعرف عليها" شكله : حلو و وسيم عيونه واسعات لونهم رمادي محدد بالاسود و كثير يخقون عليه و خشمه مثل السيف و له سكسوكه محليته اكثر و شعره عادي و ابتسامته تخق و شفايفه صغيره ورديه "طبيعيه"
علي : 24 يدرس ف الخارج طيب و عمره م فكر ف الزواج شكله : حلو وعيونه واسعات لونهم بني فاتح و خشمه شوي طويل و حاد و عنده سكسوكه حلوه و شفايفه صغيره
عادل : 20 يدرس ف الجامعه و طيب و يحب يمزح مع اخته عهود ابد م يتفقون شكله : شعره كثير و عيونه واسعات لونهم عسلي "طبيعي" و خشمه حاد اسمر "يخقق" كل البنات يخقون عليه"
عهود : 19 طيبه و حبوبه تحب بنات اعمامها شكلها : قصيره و ضعيفه شعرها لاخر ظهرها لونه كستنائي و خشمها مثل السيف و عيونها لونه رمادي و بروزيه شفايفها صغيره و ورديه بأختصار جميله
طبعا كلكم مستغربين كيف عيونهم كلهم لون غير لان امهم روسيا بس تتكلم عربيي صحيح
__________________________
عقب اكملل الجززء الثااني هذيي بسس من البداييه و بشووف التفااعلل <3

:( لييش م شيي تفااعلل يعنيي اللغيي الروااييهه وربيي حراامم انا كاتبتنهه عشاانككمم , :( للاسسف

بدايه جميله ومختلفه
تسلم اناملك قلب

لا ليه تلغيهاروايتك بدايتها مميزه
وثانيا انتضر وراح يردون

[quote="Reoo"]بدايه جميله ومختلفه
تسلم اناملك قلب[/quote]

ربي يسلمج <3<3

عنود : 23 هي ضد اختها شريره توقف مع بنت خالتها غزل و يكرهون عهود و بنات اعمامهم "بعدين نعرفهم" هي جميله تشبه عادل.
نكملل
عند غزل , قامت دخلت حمام "اكرمكم الله" خذت لها شور و هي تفكر انها اليوم تروح بيت خالتها ام عبدالله عشان تشوف عبدالله >هو اصلا مو معطيها ويه بس رزه فييس م عليكم نكمل< و في راسها فكره خايسه طلعت من الحمام "اكرمكم الله " و لبست روب قصير تحت الفخذ و نشفت شعرها و بعدها استشورته و لما خلصت دقت ع بنت خالتها عنود
مرقت ليآلي ولليوم مآ طليت ولليوم مآ طليت
زعلآن وصآرلك مده قولك بدها هـ القدي
يآ خوفي قسوة قلبك تكبر كل مآ الوقت يطول
تعرف يآ غالي من ليلة الـ فلّيت
بشوفك ليليي حدي ..جآيي وجآيبلي ورده
بتكي رآسي ع كتفك وبغمض عينيي وقول
حبيبي يآ حبيبي... أنآ اشتقتلك أنآ بحنلك
متل شمعه على غيآبك أنآ عم دوب
حبيبي يآ حبيبي... سهر عينيي بيهون عليي
إزآ بعرف قلت رآجع بعد الغروب
ردت عنود بصوت نعاس و بعصبيه : الوو
خافت غزل : بسم الله ايش بك للحين نايمه <ابوها سعودي> يلا قوومي م تشوفي الساعهه كم صايره و بعديين انا ابغي اجي لعندك
عنود : انتيي ي غزل فااضيه مب وقتته كلش , زين زين دقايق و اقوم بس خليني انام شوي
غزل بصرااخ : يالعاننس قووميي احمدي ربك اني بجي لك و لا كان م خليتك تكلمي حبيب القلب
عنوم اول م سمعت "حبيب القلب " فز قلبها : هاه آآآ انزين الحين الحين اقووم < بقولكم سالفه عنود مع غزل , عنود م تحب تكلم شبااب و م تحب في يوم قالت لها غزل : امم عنوود وش رايك اعرفك ع شبااب كذا يصير اكشن
عنود خافت : هاه لالالا مابي مشاكل مع اهلي
غزل ضربت عنود ع راسها : ي غبيه ايش من مشااكل انا بعرفك ع شباب و انتي اختاري لك وااحد
عنود تفكر : امم طييب يلا نتعرف م ورانا شيء
عطتتها غزل رقم شاب اماراتي و يلعب ع البنات و يعلقهم فيه و بعد فتره يختفي و يخليهم يطرشون له صورهم بمنظر خاايسس <الله لا يوريكم بس > المهم و تعرفت ع الشاب هذا و صارت تحبه و م تدري انه يلعب عليها و الشاب هذا اسمه فهد
و من بعد الايام صارت تحبه و تطرش له صورها و هي متفصخه و كذذا حركات <اععععععع> و هو صار يخزن صورها ب تلفونه و بعد ايام تعلقت فيه و هو قال لها بتزوجج و من هالكلام و هي كل مره تساله متى بتتقدم لي ؟ و هو يقولها يصير خير
نرجع للواقع > عند غزل , قامت و لبست فستان قصير من دون اكمام و ظهره فاصخ و قصير يوصل لفخذها و راسم جسمهاا لونه اسود و حطت ميك اب ثقييل اسود و روج احمر فاقع و نعال "اكرمكم الله " كعب لون اسود و عليه خطوط بالاحمر و لبست اكسسوارات احمر و اسود و لبست عبايتها و شيلتها و خذت شنطتها و نزلت تحت شافت امها و قالت لها : ماما انا راح اروح بيت خالتو عند عنود ماشي !! <ههههه اعرفف اتكللم زلماا ههههااي> امها : ماشي بنتي لا تتأخري ارجعي للبيت بكيير و ديري بالك ع حالك
غزل : ماشي ماما يلا باايي " و طلعت " <الله ياخذج و نفتك من ويهج يالشييفهه>
غزل : 26 قبيييحهه حيواانهه قد م تتصورون راعيه شباب و الله ياخذها و نفتك من شرها .. جسمها عادي طبيعي م يجذب بس ضعيفه و م فيها جمال بس هي بنت عاديه و شعرها طويل و بني فاتح <مو جميله لاا تخقوون >
غلا : اخت غزل تشبهها ف كل شي عمرها 22 قبييحه هي شوي مليانه و شعرها قصير ع اكتافها و كشه م تهتم فيه
غيث : 23 يتعاطى مخدرات و يشرب خمر من هالسوالف عفرييت مثل خواته , عسال خالته م يحبوونه كلشش و هو ناوي ب شر ع عهود "بعدين تعرفون السالفه "
عند شوق : صحت من النوم و شافت عمرها راقده ع الشبريه و قامت دشت الحمام "اكرمكم الله" و خذت لها شور و طلعت و شافت نفسها ف المنظره و قالت ف خاطرها :" انا لازم اشتغل لازم ادور فلوسس عشان نلاقي لنا لقمة عيش لازم " و قكرت انها تطلع تروح السوبرماركت حذال بيتهم و تشتري اغراض البيت : لبست بنطلون و قميص عادي و فوقه عبايه للراس "مال العيوز" و خذت معاها 30 درهم نزلت تحت شافت امها يالسه ع السجاده تقرء قرآن قالت لها : وين رايحه ي بنيتي ؟
شوق : يمه بروح السوبرماركت حذال بيتنا بشتري اغراض و برد م بتأخر
ام شوق : طيب ي بنتي , ديري بالج ع روحج
شوق : حاظر يمه "باست راس امها و طلعت تفكر وين بتشتغل و كل الشغل شغل رجال مب شغل بنات, وصلت للسوبرماركت و قالت حق الشيبه الي يالس ع الكاونتر : السلام عليكم
الشيبه : وعليكم السلام ي بنتي
شوق : حجي ابا جريده اليوم !
الشيبه و هو يمد لها : خذي
خذت الجريده و خليته ع الطاوله : حجي بشتري الاغراض و عقب باخذ الجريده
الشيبه بأبتسامه : ع راحتج ي بنتي
راحت شوق تشتري الاغراض بيض و طماطم و خيار و خس و بصل و حليب و لبن .... وحاله , خلصت و عطته الحساب و طلعت و هي تقرأ الجريده بخاطرها :" مطعم يمي يمي نحتاج لعامل نادل للاستفسار : 05... المكان شاطئ عجمان مقابل ... خلااص بروح هناك بس هم يحتاجون ولد ! " جاء ف بالها تقص شعرها و تغير من نفسها شوي عشان تشتغل و وصلت البيت و حطت الاغراض ف المطبخ و عدلت كل واحد ف مكانه و طلعت حجرتها و خذت وياها الجريده و طلعت عبايتها و يلست ع الشبريه تفكر تقول حق امها ولا لأ
شو تتوقون شوق بتقول حق امها ولا لا بتشتغل هالشغل ولا لا عطوني توقعاتكم ! *قبله*

نزلت تحت عن امهاا و خذت وياها الجريده و هي متوترره خايفهه تقوول حق امهاا , نزلت شافت امها يالسه ع الارض و تقرا قرآن راحت يلست حذالها و هي متردده : امم يمهه ابي اقولج شي !
سكرت المصحف و لفت ع بنتها : قولي ي بنتي
شوق و هي تمد الجريده حق امها : يمهه لقييت شغل و ابغي اشتغل بس ..
ام شوق بخوف : شفيج ي بنتي تحجي ليش سكتي ؟
كملت شوق : بس الشغله حقت الرجال و انا بنت مافيي حل الا و اخلي نفسي ولد 
ام شوق : م عليه ي بنتي دوري لج شغله ثانيه
شوق : بس يمه بيعطوني معااش واايدد ف هالمطعم , يمه الله يخلييج بقص شعري بلبس ملابس الشباب بس يمه حناا نحتاج فلووس لين متى بنتم عايشين ب فلوس الخيريه يمه دخلييج
ام شوف تفكر : طييب يمهه روحي ل هـ المطعم و سوي الي براسج
شوق بايت راس امهاا و قالت : الله يخلييج ليي يمهه
ام شوق طالعت ف بنتها ب حزن
لاحظت شوق حزن امها : يمهه لا تزعلين يمه صدقيني بطلع معااش يمهه لا تزعلين كذا مصيري
رضت ام شوق : طيب ي بنتي , انتي بتقصين شعرج و لا اقص لج ؟
ابتسمت شوق : امم خلااص بييب المقص و بيي لج
ابتسمت ام شوق , راحت شوق حجرتها تييب المقص فتحت الدرج الي ف التسريحه و شافت المصق و خذته رفعت راسها شافت عمرها ف المنظره و شعرها الطويل الي يوصل لفخذها , خلااص بتقصه و بتغير ستايلها بتصير ولد عشان شو ! عشان شغل عشان م تعيش هي و امها بفلوس الخيريه خلااص بتقصهه و بتحصل فلووس بالحلاال , صحت من تفكيرها و نزلت تحت عند امها و يلس قدام امها و قدامها المنظره مكسره نصين و تشوف امهاا و هي تقص شعرها , خلصت لها امها شعرها و شافت ويهاا ف المنظره , شعرها مثل الاولاد و ملامحهاا وللد يعني تقدر تشتغل تأملت شعرها و هو قصير حتى م تقدر تشده مره قصير بس طلعت جمييله قالت ف خاطرها:" باجر بسير المطعم و بقدم بس شو بيكون اسمي ؟ و الملابس من وين ؟ اخخخخ ي ربي ساعدني الاقي لي ملابسس " راحت يابت المكنسه و لمت الشعر الي ف الارض و هي تتحسف ع كل شعرا و هي تلمهاا , خلصت تنضيف الارض و راحت حجرتها تفكر من وين تييب لها ملابس و تذكرت شي !
ي ترا شو هالشيء الي شوق تذكرتهه ؟ و من وين بتييب لها ملابس ؟ و شو تتوقعون بيكون اسمها ؟
في مكان ثاني عند عبدالله " ع فكره هو فاتح مطعم يمي يمي و هو المدير و نسيت اقولكم م علييه سامحوونيي " اليوم الثانيي قام ساعه 9:12 عشان يروح حق مطعمهه دخل الجمام "الله يكرمكم" و خذ له شور و طلع راح غرفة الملابس طلع له بدله رسميه و لبسها و عدل شعره و تعطر بعطره المفضل "بوس" نزل تحت شاف امه و ابوه : السلام عليكم
ام عبدالله و ابو عبدالله : و عليكم السلام " و باس راسهم "
عبدالله : يمه انا طالع بروح المطعم تامريني بشي يالغاليه ؟
ام عبدالله : افطر بالاول عقب روح شغلك
عبدالله : لا يمه بفطر ف المطعم
ام عبدالله : ع راحتكك , دير بالك ع روحك
عبدالله : ان شاء الله يمه " باس راس امه و ابوه و طلع متوجه للمطعم "

عند شوق 9:24
شافت الساعه و قامت خذت لها شور *اكرمكم الله* و طلعت لبست برموده كحلي و قميص ربع كم لون ابيض مقلم بالكحلي و عدلت شعرها النزلت عند امها : السلام عليكم
ام شوق بأبتسامه : و عليكم السلام
شوق باست راس امها : شخبارج يمه
ام شوق : الحمدالله تمام شخبارج انتي؟
شوق : تمام الحمدالله , امم يمهه بعد شوي برووح اقدم ف المطعم انشالله يوافقوني يمه ادعيلي
ام شوق : ان شاء الله ي بنتي يوافقونج بالتوفييق ي بنتي
باست شوق راس امها : الله لا يحرمني منج
ام شوق : ولا منج
شوق : يالله يمه بروح بتعدل و بطلع
ام شوق : طيب
راحت شوق غرفتها و طلعت لها جنز اسود و قميص ابيض و جاكيت جلد اسود و جوتي ابيض مخطط بالاسود و عدلت شعرها و تعطرت عطر رجالي "طبعا هي ماخذه هذا كله من ولد جيرانها سعود , هما لما كانو صغار كانو وايد مع بعض يعني ربع مو حب و هم يقولون كل شي حق بعض مو حب و للحين ويا بعد و م يخبون ولا شي عن بعض
لما شوق راحت حق سعود : السلام عليكم
سعود : وعليكم السلام
شوق : سعود ابي ملابس من ملابسك "قالت له سالفة انه بتشتغل"
سعود : انتي مينونه م راح اعطيج شي و م راح تشتغلين
شوق : سعود يالله الله يخلييك مالي غير هالحل حتى اليوم قصيت شعري
سعود : اشوف
شوق : تستهبل انت !
سعود : زين راويني م باكلج
شالت شوق الشيله
سعود : يالمينونه انتي شو مسويه ف عمرج ؟
شوق : قتلك بشتغل يعني بشتغل لين متى بنتم عايشين ب فلوس الخيريه و الله لا يعطيهم العافيه م فكرو فينا ولا حتى حد تبرع لنا بفلووس , انا م اتحمل اشوف امي مريضه و تتعب ب شغل البيت لازم اشتغل , خلصني عطي ملابسك
سعود متردد : اففف زين زين "راح وياب لها ملابس تقريبا 6 ملابس يعني قميص و الجنز و بعضه برموده" خذي
شوق ببتسامه : شكرا
سعود : الععفوو , طااعي شهرين تشتغلين بس و ياويلج لانج بتنكشفين
شوق قاطعته : انزين انزين فههمت "حطت الشيله ع راسها " يالله تامرني بشي ؟
سعود مسك ايدها : لحظهه شو بيكون اسمج ؟
شوق تذكر : م فككرت
سعود : امم شو رايج ف وليد ؟ جي يناسبج
شوق اقتنعت : امم خلااص اوك , شكرراا اخووويي
سعود : احم احم عفواا , ع فكره حطيت لج عطور رجاليه بعد
شوق : اوكك شكرا باي و راحت " نرجع للواقع
وقفت قدام المنظره تجوف عمرها شكلها طالعه وللد ف خاطرها :" خلااص اسميي ولييد ولييييد وليييد ربي يوفقني " و طلعت
نزلت تحت شافت امها راقده باست راسها و طلعت من ون م تاخذ عباي و خذت وياها الجريده عرفت المكان و راحت له وصلت دخلت داخل المطعم تأملت المكان كان حلو الكراسي و الطاولات مرتبين و القرسون الي يشتغلون كلهم مثل الملابس و منظمين شكلهم سعوديين كانت تمشي شافت واحد من القرسون : لو سمحت ممكن شوي
القرسون 1 : تفضل
شوق بخاطرها :" من اولها تفضل يعني صج شكلي وللد الله يقلع ذي الشغله"
شوق : ابي اقدم وين مدير المطعم ؟
القرسون و هو ي|أشر لها : شوف تدخل ع اليمين بعدين بيلك غرف في غرفه مكتوب فيها المدير و ادخله
وليد (شوق) : تسلم
القرسون : ربي يسلمك الله وياك
راحت شوق تمشي ع المكان الي قاله لها القرسون و شافت باب مكتوب عليه " المدير عبدالله الـ ... " سمت بالله و طقت الباب
طق طق طق
عبدالله : تفضل
دخلت شوق و كانت مرتبكه : السلا ا مم ع ع ليكم " كلامها مقطع "
عبدالله : احمم وعليكم السلام , تفضل اخوي
وليد (شوق) : استاذ انتوا كانت ع الجريده تحتاجون نادل و انا ابي اشتغل نادل
عبدالله : اي مقبول شسمك ؟
وليد (شوق) : ش آآ وليد محمد الـ...
و طلب منها عبدالله معلومات عنها ان كانت تدرس و كم عمرها و ... ألخ
شوق : استاذ متى ببدأ الشغل ؟
عبدالله : انت متى تبي .؟
شوق : اقدر ابدأ من اليوم ؟
عبدالله يفكر : طيب " قام عبدالله و طلع من الغرفه " تعال وياي " راحت وياه شوق و دخلها ف غرفه تبديل الملابس و عطها ملابس يناسبها " شوف هذا الملابس حق الشغل و كل يوم بتلبسه و هذا الدولاب عشان تحط ملابسك و اي شي يخصك " م عطاها المفتاح حق الدولاب " " خذت شوق الملابس و هزت راسها "
شوق : شكرا
عبدالله : no need
شوق دخلت وحده من الغرف و بدلت لبسها و لبست ملابس الشغل كانت عباره عن " جنز اسكيني رجالي اسود و قميص اسود ثقيل مكتوب كليه اسم المطعم و من ورا مكتوب اسم المطعم و (في خدمتكم) و ضلت ف جوتي مالها , طلعت من الحجره و خذت ملابسها و عدلته و حطته ف الكبت و شافت احد يراقبها انتبهت و لفت شافت نفس القرسون الي كلمته : انت من متى هنا ؟
القرسون : من طلعت من الغرفه تبديل الملابس " و قرب منها و مد يده " انا اسمي خالد وانت ؟
شوق صافحته : انا اسمي وليد
خالد : تشرفنا
شوق : الشرف لي
خالد : تعال نطلعع اعرفك ع ربي الي يشتغلون ويانا
شوق : قداااااااامم
" طلعو من غرفته تبديل الملابس و وقفو بعيد شوي و خالد يعرفها ع كل واحد " : شوف هذاك اسمه فيصل و هذاك سيف و هذاك هزاع و هذاك اخر واحد زياد
اعرفكم عليهم : خالد : طيب و حنون 23 اقرب واحد ل عبدالله مثل صديقه مو مديره "سعودي"
فيصل : 22 طيب و عصبي شوي و كله يشتغل اهم شي عنده شغله "سعودي"
سيف : 23 طيب و كله يسولف و يفرفش و الابتاسمه م تفارق شفاته و وسييم "سعودي"
هزاع : 21 طيب و حنون م يحب يشوف حد زعلان قلبه طيب "سعودي"
زياد : 23 طيب حبوب يحب الضحك و الوناسه لاكنه يهتم بشغله اكثر "سعودي"
هم كلهم سعوديين بس وليد "شوق" هو الوحيد الي مواطن , هم كلهم ربع الشباب و هم متفقين يشتغلون ف الامارات و فنفس الشغل و هم ربع من الثانويه
نرجع الواقع , شوق تعرفت عليهم كلهم و كانو يسولفون و بعدين يولهم زباين و كل واحد راح بشغله الا خالد مع وليد و يعلمه كيف يشتغل و كجي
الساعه 11:32
هذا الوقت خلص الشغل جلسوا كلهم الشباب و وليد (شوق) وياهم يسولفون و بعدين زياد راح و بعدها هزاع و بعدها فيصل و بعدين : شباب يالله انا باروح امي تترياني , تامروني بشي "قام"
الشباب: سلاامتكك دير بالك ع روحك
شوق : ربي يسلمكم , اي صح تشرفت بمعرفتكم
الكل : الشرف لي " و سلمت ع الكل و راحت ع غرفة التبديل بدلت ملابسها و طلعت و خذت وياها مفتاح اللوكر و هي طالعه من الغرفه قابلت المدير "عبدالله" : هلا استاذ
عبدالله : انت وينك كنت ادور عليك
شوق : انا هني آمر
عبدالله : احنا م تكلمنا ع موضوع الراتب , راتبك بيكون كل يوم 3500 موافق ولا ؟
شوق رفعت راسها و فتحت عيونها متفآجأه , عبدالله : شفيك ي وللد
شوق حست ب عمرها و قالت بصوت رجولي: لا ولا شي
عبدالله : ها موافق ولا ؟
شوق : اي طال عمرك موافق
عبدالله : طيب تعال وياي "راحت شوق وياه ع المكتب و يلس عبدالله ع كرسيه "
عبدالله : تفضل ايلس
شوق يلست و عبدالله كان يطلع الفلوس و يحطه ف الظرف : خذ هذا راتبك اليوم و باجر اشوفك ع الساعه 10 الصبح
خذت شوق الطرف و خبته ع جيب الجاكيت و قامت : تسلم , انشالله ع الساعه 10 اكون هنيي مع السلامه
عبدالله ابتسم : في داعت الله " وطلعت و هي مستانسه مشت بين الشوارع الظلمه و مافيها احد مشت شافت سياره يايه صوبها كانت سياره لكزز انفتح شباك السياره و كان خالد : ادخل خلني اوصلك
شوق بأبتسامه : لا شكرا البيت قريب "ف خاطرها:"البيت بعيد مره بس بتحمل"
شوق بأبتسامه : لا شكرا البيت قريب "ف خاطرها:"البيت بعيد مره بس بتحمل"
خالد: تعاال ي وللد خلني اوصصلك
شوق : طيب " فتحت باب السياره و قعدت قدام "
خالد حرك و هي توصف له مكان البيت و هو مستغرب واحد مزيون و وسيم و حلو يعيش ف الحاره الفقيره , وصل عند الحاره : السياره م بتدخل تقدر تمشي من هنا ؟
شوق حست بالخجل : آآ اي عادي تسلم و م تقصر تعبتك وياي
خالد : تعبك راحه دير بالك ع روحك
شوق و هي تنزل : تسلم
"نزلت و هي متجه للبيت دخلت و شافت امها راقده قدام التلفزيون صحتها : يمه اصحي انا يت
قامت ام شوق : هلا ي بنتي متى يتيي ؟ م حسيت فيج
شوق : يمه انا توني ييت , يمه تعرفت ع الي اشتغلت وياهم يمه هم ناس طيبين يمه هم م يقصرون علموني كل شي "طلعت من جيبها الظرف" يمه شووفي المدير عطاني فلوس 3500 يمه تقدرين تتعالجين يمه كل يوم بيكون جي راتبي يمه كل يوم بناكل عدل م بناكل صمون و جبن مثل قبل يمه الحين بناكل اكل عدل يمه بنعدل البيت و بشتري تلفزيون لج يمه بيصير عندنا كل شي نتمنااه " رفعت يدها الاثنين تحمد ربها " الحمدالله ي رب العالمين " و حضنت امها
و عقب راحت حجرتها و امها راحت حجرتها "
حجرت شوق بدلت ملابسها و خذت لها شور "الله يكرمكم" و خبت الفلوس ف الدرج و لبست بجامه و نامت
عند عبدالله 1 :31 دخل البيت و هو تعبان أخذ له شور "الله يكرمكم" و بدل ملابسه و رقد
توقعاتكمم بتنكشفف شوق خطتها ؟
سعود شو قصته ؟
خالد بيحب شوق ولا بينعجب فيها بس ؟
غزل و عنود ؟
اتمنى البارت يعجبكم <3<3 , و توقعاتكم بلييييييزز

يجننننن اللتتتكككمللهه

تسلميينن <3<3

كمليي حبيبتيي روايتكك جميلة

انشاءالله باجر اكمللهاا <3<3  

ماتوقع بتنكشف خطة شوق الحين يمكن بعد فتره
وخالد يمكن يكون بس اعجاب
اما شووق بتصييييير لها مغامرااااات خطيره في المطعم

روايتك خطيييييييييرة واكشن ومغامرات كملي



بانتظارك

آممم , بعد صلاة العشااء ينززل الباارتت الثاالث , و تسلموونن ع الردوودد <3<3

وينك قلب

اناا بنزل البارتاات بس ف الويكنندد يعنيي لمنن افضىى ابنزلهه و تسلموونن ع الردوودد :D .

الرواااية مرررة روعة

بالانتظار

البارت الثالث <3<3
استمتعوواا
آآآآ اي صح وين وصصلتت !!
المههمم , عند عنود ف الظهر 12:33
كانت يالسه ف حجرتها ع سريرهاا و تكلم حبيبهاا فهد
عنود : هههههه لاا م اقدر اخواني م بيخلووني خلها باجر
فهد : لييش خليها الحين قولي حق اخوانج بطلع مع ربيعتي و م بتأخر
عنود اقتنعت : طيب وين نتلاقا ؟
فهد : شو رايج ف مطعم يمي يمي !
عنود : طيب نص ساعه و اكون هناك
فهد بأستهزاء : ههه اوك انا الحين بطلع
عنود : اوك "و قفلت , قامت لبست فستان قصير يوصل لفوق الركبه لونه فوشي و سوت شعرهاا استريت و سوت ميك اب خفيف لون فوشي و حطت روج فوشي فاقع و لبست نعال كعب "الله يكرمكم" لونه اسود مخمل و فيه نقاط بالفوشي و لبس اكسسوارات لون فوشي و اسود و لبست عباتها مفتوحه و لفت الشيله حق حي الله و خذت شنطتها الفوشي و اسود و فونها و نزلت شافت امها : يمه انا بروح عند ربيععتي م بتأخر
ام عبدالله : سايره عند ربيعتج جي ؟
عنود : يمه عاادي يلا بروح باااي " و طلعت "
ام عبدالله : الله يهديج من بنت .
عنود ركبت السياره مع سواق و قالت له : روح مطعم يمي يمي
كومار (السواق) : جين ماما
عنود : انا كم مره اقولك لا تناديني ماما
كومار : جين ماما
عنود عصبت : والله انت قتلك لا تقوول ماما م تففهممم
كومار : جيينن مدام
وصلت المطعم و جافت فهد ينتظرها يلست وياه : السلام عليكم
فهد : وعليكم السلام
نخليهم شوي و نروح عندد شوق الساعه 9 الصبح
قامت و لبست برموده خضره و بلوزه بنفسجي و مخطط بالاخضر و حذيان بنفسجي و تعطرت عطر رجالي و خذت مفتاح الدولاب و نزلت شافت امها محد و راحت وصلت المطعم دخلت غرفة تبديل الملابس و بدلت و حطت ملابسها ف الدولاب و طلعت شافت هزاع بصوت رجولي : سلاامم علييكم
هزاع : و عليكم سلاام
شوق : وين خالد ؟
هزاع : عند المدير
شوق : اهاا طييب انا بروح اشوف الزباين
هزاع : اوك
راحت تشوف الزباين
نخليهم شوي و نروح عند عنود و فهد
فهد ماسك ايد عنود : عنودي شو تاكلين
عنود بدلع : الي انت بتاكله
فهد : ي لبئ هالدلع , امووتت انا
عنود بدلع : لا حبيبي م يموت
فهد يأشر بإيده : لو سممحت تعال
راحت له شوق : أمر طال عمرك
فهد : عطني صحنين سباقيتي ... إلخ "لف ويهه ع عنود " حبيبتي شو تشرربين ؟
شوق بخآطرها :" الله يقلععج صابغه وييهج ع شوو شاييفه عمررها جميلهه ! الله لا يبلاناا "
عنود بدلع : انا ابي عصير فراوله فريش "لفت ع شوق " عندكم ؟
شوق بنرفزه : اي عندنا , طال عمرك شو تشرب ؟
فهد : عصير برتقال طازج
شوق : انشالله , ربع ساعه و يجهز 
فهد : اوك
راحت شوق عشان تقول الطلبيه حق الطباخ و جي لمن طلعت من المطبخ و هي طالعه شافت خالد : سلاامم
خالد : وعليكم
شوق: اخبارك ؟
خالد : تمام و انت ؟
شوق : ماشي الحال
الطباخ : طلبيه لطاوله رقم 4 خلصت
شوق : انا بروح اخذ الطلبيه حق الطاوله
خالد : اوك
خذت الشوق الطلبيه و حطه ف طاوله عنود و فهد : بالعافيه
عنود بدلع و فهد : الله يعافيك
شوق بخاطرها :"الله يقلعج انتي و هالدلع اببد م يليق , استغفر الله "
و راحت تمت تسب عنود , كانت تمشي شافت المدير طلع من كتبه مستانس سلمت عليه
شوق: السلام عليكم
عبدالله : وعليكم السلام , مرتاح ف الشغغل ؟
شوق : الحمدالله مرتااح
عبدالله : طيب انا طالع
شوق : يحفظك ربي
عبدالله : ف داعته
______________
اسفف ادري البارت قصيير بس والله م الاقي وقت عشان اكتبب و ان شاء الله يعيبكمم و ف العيد انشاء الله انزل البارت الاطول ,, سامحوونيي ذا الي قدرت علييه
لا تحرموني من ردوودكم و توقعاتكم
تتوقعون ان عبدالله بيجوف عنود؟
و شوق بتستمر ف شغلها ؟
شوق بتنفظح ؟
لمتى بتستمر علاقه عنود مع فهد ؟
توقعااتتككمم *قلب*

لييش م شيي رددود ؟؟ :( خلااص م بككممل بلغييهاا "(

لالالا لاتلغيها تكفى
حلوة وننتظرك

تسسسسسسسسسسسسسسلم ي بعدد طواايفيي والله \



افكر اني اكمل <\3

هاه ي كثر رواياتك ريك خخخخ

كششششخة لبا شوق بث

ههههههههه ترا هاذي الروايه الوحيده الي انا كاتبنه بسس كلهمم الباقيين انا ناقلهمم هههههههه <3<3 ,, انتي م علييج الا بس تقرأين و ترديينن <3<3

لزووم اعلق هع

اجل من كتاباتك حماااس كمل كمل هع

ههههه طيبب بسس ألاقيي الوقت فااضيي أكملل <3<3