الله يسامح خطاء قلبك

الله يسامح خطاء قلبي ويدمـح خطـاك
من بعد قلبـي تعلـق فيـك خليتنـي

كنت انتظر جيتك والقلب يسمع خُطاك
وابطيت وانا انتظر لكـن مـا جيتنـي

سجيت رجلي على الجره واضنـي وراك
تاهت خطاوي القدم واثـرك تعديتنـي

بالورد شميت نسمه زاكيه مـن هـواك
ادمنت نسمتك وانته منـك ماشفيتنـي

نبشت برضك وقلبي وصل عالي سمـاك
عنيت قلبـي وفيـك اليـوم عنيتنـي

كنت احسب إن الدواء يكون غالي دواك
واثرك بحسب المثـل بالـداء داويتنـي

يعني تسوي كذا من بعـد مالله عطـاك
انا اشهد انك بدرب الحـب أشقيتنـي

لو تعرف اللي سكن في داخلي من غلاك
ان كـان لتهلكـه والله مـا وديتنـي

ما فيه لحظـه معـك الا ادور رضـاك
وانته تـدور لـي الزلـه ولا ارضيتنـي

اطلبك شربة حياة من بعد مالله سقـاك
شحيت فيهـا علـي وراك ماسقيتنـي

من غبت عني وانا مازلت اضن بلقـاك
وراك ياصاحبـي بالوصـل مارويتنـي

قفيت عنـي وانـا معـاد بمشـي وراك
من بعد ماجيت يمك وانت مـا جيتنـي

الله يسامح خطاء قلبك ويدمح خطـاك
انـا لـي الله ولـو اليـوم خليتـنـي

من غبت عني وانا مازلت اضن بلقـاك
وراك ياصاحبـي بالوصـل مارويتنـي

^ خواطرك في الصميم
يعطيك العافيه يا جميل

اسعدني مرورك

يعطيك العاافيه كلامك حيل جميل

الله يعافيك واسعدني المرور