ياريتكم تدرون وش معنى كلمة أخ

كلنا لما نتألم نقول أخ
روحك ودمك بالضيق والالم تصرخ للي دمك من دمه
للي حملتكم نفس الام ونفس الرحم
للي كبرت معاهم وتشاقيت وياهم
للي لو صابك ألم زفك عشان ما تنتبه ع نفسك بس بقلبه يقول ياريت الألم بعروق قلبي
للي لو تقوله انا حلوو يقول أي من زينك عاد بس بقلبه يقول الله يحفظك من عيون الناس
للي لو رحلو امك وابوك من هدنيا تلقاه سند لك
للي لو وقعت بضيق شالك
للي لو احد اذاك طلع روحه ولا يصيبك شر

كل الي عنده اخ عنده نعمه وهدية من الله يمكن مو حاس فيها لان في اشياء ما نحس بقيمتها الا لما نفقدها
والي ما عنده اخ عاااش بحسره كلمه اخ وصااح أأخ وما لقى مين يشيله
انا شخص اخذت مني الدنيا ابوي وامي وما عندي اخوان ولا خوات
ولما لقيت شخص يقولي انت اخوي حسيت اني ملكت هالكون كله لشهور حسيت ان لي سند واخ يخاف عليي
ومامحتاج شي من هالدنيا الا حسه ووجوده
يسألني:
أكلت
متضايق
لا تطلع من البيت
اخاف عليك
من ضايقك
انا معاك
يا ريت الالم بعروق قلبي
ليش ما تنتبه عنفسك
يبيلك كف...

كل هالعبارت كان يكتبها بس كانت لي كون ثاني لانها كانت هدية الفاقد هذي النعمه
بس بلأخر اكتشفت انها مجرد كلمات مكتوبه
وان الاخوه الي جمعتنا
مو بالدم ولا الرحم الواحد
كانت اخوه وهمية بعالم وهمي اسمه النت انتهت ب بلوك
وضلت كلماته كلها سكين تطلع روحك كل لحظه لانك صدقتها واهي كانت مجرد وهم
وهم
وهم

اخوكم ميشووو

تسلم على روعة الكلمات

اهي الكلمات مو روعه

انت الروووووعه


والكلمات مؤلمه