الله اكبر ي حبيبي تناسيت

أوفيت في تجريح قلبي وكفيت
قلب يحبك وأصبح اليوم مطعون~~
حبيت غيري وعن هوانا تخليت
وأول حلفت وقلت عزاه مااخون~~
الله وأكبر ياحبيبي تناسيت
حب جمعنا وأغلب الناس يدرون
أول خفوقي بالمحبه لكم بيت
واليوم بأشباح الحزن صار مسكون
كم مره في تالي الليل ونيت
وكل الحشا في داخله جرح وطعون
من حر مابي يابن الاجواد هليت
دمعي وقلبك داخل العين مسجون~~
واذا شفت عاذلي تضاحكت وسويت
نفسي سعيد ه وداخلي حزن مكنون~~
أول تبادلني الغلا ماتغليت
واليوم عندك يرخص الحب ويهون~~
مدري زعل ياصاحبي يومك ابطيت
عن صاحب يحفظ الحب ويصون~~

آه يا زمن وش الأسباب
تبعد دياري عن المحبوب
بعدنا لين صرنا أغراب
وتقول هذا هو المكتوب


بنيــت لي في خيــالي حــلــم ** طــمـــوح بانــيـــه مـن مـــده
علــى درايـه واســـاس وعـلـم ** ابــنـــي له السـاس واشــــده
لـكــن طمـوحـي بلحـظة ظلــم ** انــهــد مااعـــرف من هـــــده
كأنهــا احــداث داخــل فـلــم ** احــداث مــضــمـونها الشــده

عزيز



على كيفك حبيبي وخذ هالدنيا بمزح وجد
على كيفك تمادى في عذابي لين تنهيني
أنا قد الحزن .. قد الشقا .. قد احتمال الصد
أنا وان كان ما تدري يموت الورد بيديني
ولكن لي رجا واحد قبل ما دمعتي تنهد
الى منك نويت الجرح.. أمانه لا تحاكيني
ترى بعض الكلام اوجع حبيبي من كفوف الخد
على قلبي..على روحي..على إحساسي..و على عيني
وأنا ما قلت هذا أترجى منك عطف وود
أنا أقوله لاجل تعرف وش اللي تجهله فيني
وعلى كيفي أبصبر والصبر له في النهاية حد
ولامنه وصل حده..تأكد ما أنت لاقيني
أضحي بالغلا بجدّي..وأبوجدّي لآخر جد_

كتاباتك روعه
ويسلمو ع مرورك انرت