شرايكم بتخصصي

بصراحه تخصصك رائع
و انا كنت اتمنى ان اكون طبيبه نفسيه لهذي الحالات بس النسبه م ساعدتني
بالعكس تخصص حلو و بالتوفيق و استمر فيه
لك الاجر اذا دخلت بقلوبهم القرحه
و م عليك من احد دامك تسوي الشي الصح
خلك واثق من نفسك و الي يتكلم هذا دليل ع ضعف شخصيته
الله يسعدك طول م انت تسعد هالناس البريئه الي م في قلوبها الا الحب
و الوفاء و الرحمه و العطف
م تحقد ع احد و لا تضر احد بالعكس كله مبتسمه و بشوشه
اسفه ع الاطاله بس موضوع يستحق نكتب عنه مقالات
موفق ي الغالي

سلامااااات تخصصك هو الافضل حاليا بس تشد حيلك
انا أمنيتي يرجع فيني الوقت واختار تخصصك بس تخرجت وبلعنا العافيه
ما عليك من الي يحبطون واجد واغلبهم من الي ما حصلهم ولا قدروا يعملوا مثلك
الخلاصة ،، تخصصك اكثر من روعه وإنساني درجه اولى ويكفي انك بتلمس أحاسيس ناس صعب على غيرك يوصلها ويفهمها خصوصا اذا كانوا أطفال وعاد عليك تتخيل الأجر .
ربي يوفقك ويسهل أمورك ،،

موضوع حلو وكلام روعه
يعطيك العافيه نواف
بنسبه لتخصصك مره حلو وكنت بدخله بس قفل القسم ع وجهي
وكان فيه عالم عشان كذا قفل بس هو تربيه خاصه بشكل عام
انا الحين اداره بدرس فيها حتى ارفع معدي واحتمال احول
ومايهمك الي يقول انه مقزز و من الكلام هذا
انت حاط طموح فحاول تتجاهل كل سلبياته وامشي ع الايجابيات
«الاداره اثرت فيني هع

وبتوفيق

سلااااااام انا ادرس نفس القسم بس للحين ماتخصصت
القسم جدا رائع وانا دخلت رغبه فيه وانشالله بكون من المتفوقين بالمجال

وصحيح هذي الفئه غير مهتم فيها بمجتمعاتنا العربيه للاسف

موفق والله يكون بالعون

مشكورين ويعطيكم ربي مليووون عافيه
اول شي عالمرور وثاني شي عالكلام الايجابي
وربي انبسطت وانا قاعد اقرا كلامكم
بس حبيت اوضح انه انا مو ندمان اني داخل القسم لاني داخله بكل قناعه وكان ثالث اختيار لي بالتخصصات
انا حطيت الموضوع ابي اشوف ردود الفعل
من ناحيه ذو الاحتياجات الخاصه وكلامكم كان مرا جميل
واسعدني صراحه وانبسطت انه في ناس بتحس بمعاناه غيرها
الله يوفقنا وياكم يارب
ومرا ثانيه مشكورين :)

صححح كلامك هالفئة تحتاج دعم من كل النواحي انا حاليا في دولة اوروبية لاحظت كيف المعاقين فيها لهم دور في الحياه العامه وفعااال ونظرة الناس لهم طبيعية مافيها اي انقاص من حجمهم بالعكس مما يدعم ذو الاحتياجات الخاصه ثقته بنفسه ويزيدها لدرجة انه يروح ويجي ويؤدي كل شي يمكن احسن من الانسان الطبيعي المتعافي ،، طبعا كلامك يدل على رقي تفكيرك ربي يساعدك و يقويك
Keep going baby :cheers:

موضوعك جميل اكره الشخص اللي يشفق عليهم هما م فيهم حاجه قح ربي اخذ منهم حاجه من جسدهم بس بالمقابل اداهم طيبه القلب
تخصصك انساني يبيله قوة قلب وكمان صبر ويكون الشخص حبوب ويتحمل الامانه هدولي ذو احتياجات خاصه لازم الشخص يصبر ويحتسب الاجر عند ربه
عوافي ..

كلامك روعععععععععععه والتخصص اروع وانت اروع واروع يعطيك العافيه وطنش الكلام الفاضي واستمر بالتوفيق

اشكرك صراحهه على الموضوع هذا الحلوووو اكيد مثلك تسلم حبيبي .
اللي انا بقوله هو انه انته اهم شي عليك بنفسك وماعليك من احد وكلام الناس ترا لايقدم ولاياخر
اذا انت مقتنع بهالشي ف\ الله يوفقك والله اني ادعي لك من كل قلبي وتوني اللحين مصليه الفجر ومانسيتك ولانسيت اي احد من الدعاء له ب / الهدايه والتوفيق والستر باذنه تعالى ..
انا لمن قدمت بجامعه طيبه كان فيه هالتخصص بس انا بناء على رغباتي خليته اخر واحد لاني اجهل والله ويش هو وحتى اني لو ادري انه كذا صراحه مابدخل لانه انا حلمي من الطفوله اني اصير دكتوره وان شاء الله اتوفق ب الشغله ذي .
لاتحسبون من كلامي اني احقر هالفئه لا وربي يشهد علي اني احبهم واعدهم مثل اخواني الصغار وانا عندي اخووو كذلك يعاني من هالحاله لكننه تربى ببيتنا اكيد مع انه اكبر مني بس.وربس انه هو كاتم اسراري كلها * للمعلوميه ترا انا اخوي مابوه الا العافيه بس عين جاته ووقف عمره عند 13 او 14 وهو حاليا عمره 20 وانا 17 وطول الوقت ي انا يآهو نتهاوش ههههه واعلم امي عليه ههههههه واخلي امي تهاوشه بعدين يزعل علي ولاعاد يكلمني واعتذر منه ونرجع مثل بعض وكذلك بنت خالتي لكن الحمدلله على كل حال ور بي احبهم وكلهم يحبوووووني ويطفشوووني والعن اشكالهم بعد
بس كله من هالمجتمع الي مايرحمهم الله يكون بالعون يآرب وربي انا اخوي يجيني في بعض الاحيان يقول لي امأني الاولاد يقولون لي كذا وكذا وانا اقله مو فاضيه روح عني بعد شوي اجيك وانا اكون ب الحمام )) الله يكرمكم ابكي وربي هو اخوي وانا متعلقه به كثير مره امي فكرت انها توديه للمركز يعتنون فيه لمن كان بثاني متوسط انا ترجيت امي انها ماتاخذه وقلت يمه لو انا اصير خدامته ولايربيه احد غيري انا مستعده اسوي له كل شي بعدين تراجعت عن قرارها والحمدلله وربي اني وقتها كل ماتذكر هالسالفه تقتلني قتل مثل اللحين وانا قاعده ابكي كني مثل الطفله اتخيل هالمشهد قدامي واسفه ع الاطاله االي مالها داعي
احبببببك عبووود اخوي


الله لايسامح هالحرمه يآرب

ايه صح انا نيسيت ايش جايه اقولك الي هوآ انووو التربيه الخاصه ب النسبه للجامعه اللي دخلتها للاسف معطينها اقء نسبه تخيلوووا عشان كذا لو دخلها اي حد بيقولوا فاشل و...و.......و.....الخخ

وربي انا شفت ب/ الامارات انو عندهم مثل هذي الحالات كثير ومحتاجين بعد بعد شفتها بصباح الخير يآعرب
وانو لجين قالت وانا بعد انصح البنات المتخرجات من الثانويه بهالقسم

مشكورين عالمرور حبايبي
وهذا من ذوقكم على راسي والله
كريزي كلامك وربي قطع قلبي
والله يخليك لاخوك وكل شي ربي اكتبه تاكدي ان له خيره
اللي حبيت اوضحه لك ان التربيه الخاصه تقبل اعلى النسب مو اقلها
انا نسبتي وربي شاهد علي تسعه وتسعين ولا بعد انقبلت ترم ثاني
وحاولت اقدم على طب ابشرك تقفل القسم على وجهي
انا مااحطمك بس حطي براسك انه احتمال تنقبلين واحتمال انك ماتنقبلين
والله يعينك ويصبرك ومشكوره على دعواتك تسلمين لي والله
ونصيحه خلي اخوك بعيونك ترا الناس ماترحم
وربي يكتب اللي فيه خيره وصالح :)

يعطيييڱ العافيه
تقبل مروري

ثانكسس على الطرح المميز تخصصك كثير حلو الله يوفقك يارب ويعطيك العافيه
كم من أعمى أنجز مالم ينجزه المبصر .
.وكم من متخلف فعل مالم يفعله العآقل
وكم من معآق أكتشف مالم يكتشفه السليم
وكم من .. وكم من .., وكم من ...

تقبل مروري

بالتوفيق

ياخي. موضوع مرتب وذوق وحلو انك تكتب وتمارس تخصصك عملي ونظري

شكرا لاحساسككككككككك ربي يوفقك وذوي الاحتياجات محتاجين ناس مثلك

الى الامام هذا كل ماتمناه لك

والله يا نواف احييك مدام داخل هالتخصص وحابه ان شاء الله بتبدع فيه
واحتسب الاجر
وخلي همتك عاليه الموضوع يبيله صبر بس انت قدها