مشكله ، ضايعه ماني عارفه وش اسوي :(

قبل اتكلم عن المشكله
بقولكم معلومات عني يمكن تفيدكم بحلها :(
ليدي عمري 20 الحمد لله جميله بدرجه ملفته للنظر عندي صفات منها اني مافضفض ولا اتكلم عن مشاكلي كثير
ونادر مااعبر عن حبي .. وهالشي عيب فيني ادري

بقول القصه بالتفصيل يمكن يفيدكم !
انا قلبي دق لأول مره هالسنه .. يعني دايما يجوني ناس بس انا مااتقبل احد فأخليها زماله لاأكثر أو نوع من انواع المعرفه
لكن هالسنه لفتتني بويه مادري من ايش ولا ليش .. لكن اللي اعرفه ان قلبي دق وصرت اراقبها كثير ودايم عيني عليها واذا لمحتني احاول اناظر مكان ثاني ولا اختفي من المكان .. وبالصدفه طلعت صديقتي تعرفها انصدمت لما رفعت راسي ولقيتها واقفه عندنا وتسلم على صديقتي .. بعدها قلت لها تعرفني عليها ورحت وتعرفنا وسلمت عليها
لما جاء من بكرا قالت صباح الخير رفعت راسي الا هي ( انا من النوع اللي اذا خاف ولا انحرج يرتبك بشكل ملحوظ ) فإرتبكت ولا استوعبت الا بعد فتره قلت اهلا صباح الورد .. ورحت
نظراتي كانت تلحقها وين ماتروح - بدون ماتحس فيني طبعا - فاجأتني مره صديقتي قالت عاجبتك ؟ قلت لا خير ! قالت مو عيب تقولين لي وش مشاعرك انا صديقتك يابنت .. سكتت ماعندي رد قالت انتي تحبينها صح ؟ قلت لها انه قلبي دق لها وراحت هي ووصلت لها مشاعري بعدين جتني قالت انو هي سينقل حاليا قلت لها خييير ليش قلتي لها !! قالت مايصير تخبين غلط .. عدى اسبوع تقريبا وهي صارت تجي تسلم علي وايام انا اجي ومره كان معي كوفي وواقفه اشرح لصديقتي فجأه سمعت صوت وراي يقول يازينهم اللي صايرين مدرسات بالجامعه ويشرحون للطالبات .. لما التفتت ورى من الربكه يوم شفتها طيحت الكوفي ونسيتها وانشغلت امسح اللي انكب .. قالت لي بعدين : انتي سالفتك سالفه ، ممكن امشي معك شويتين قبل محاضرتكم ؟ قلت طيب .. لما مشينا سألتني انتي وش تبين ؟ قلت كيف وش ابي ؟ قالت ماادري لكن حددي لي العلاقه ! قلت عادي مجرد معرفه ، حسيت وجهها انصدمت كثير قالت اوه سوري أجل انا كنت فاهمه غلط وبعدين رجعت لمحاضرتي
مع الأيام والتواصل طول الترم انا اعرف انه هي تأكدت من اني احبها بس اني ماقلت لها اي شي ..
واكتشفت صفاتها وعيوبها وكل شي .. اكبر عيب انه تكابر كثير ولا تقول الاشياء اللي تحسها .. ولا تتنازل عن احد بمعنى كثير اللي يحبونها وكلهم تعاملهم نفس بعض يعني ماتحب تزعل احد .. لكن مو تعامل سلس مره .. لا فيه حدود
لما جاء نهاية الترم كان احتمال اني اسافر عند اهلي بحكم اني بجامعه ثانيه وعايشه عند ابوي - ابوي وامي منفصلين - وكان الاحتمال الأكبر اني انقل لجامعه عند اهلي سلمت على صديقاتي ورحت لها ابغى اسلم عليها سلمنا سلام عادي وقلت لها انه احتمال انقل انصدمت قالت نهائي قلت احتمال عشان كذا جيت اسلم قالت متى طيارتك قلت بكرا .. سكتت شوي بعدين جت ضمتني علما انه كان اول مره تضمني ولما حسيت انه الوقت مناسب قلت لها احبك قالت ايش ؟ ويمكن عدتها 5 مرات وهي تقول ايش ؟
لما رجعت لأهلي كان خالي مقرر ينقلني وماكنت معترضه .. كنت ضايفتها ع البي بي مسن .. لكن مافيه بيننا كلام ابدا انا مااتجرأ اروح استحي وهي ماكانت تجي .. ونادر جدا انه نسأل عن بعض
وفي مره قررت اتصل عليها وأسأل عن حالها واحنا نسولف قالت ترجعين ؟ قلت لا .. قالت ليش تعرفتي علي وليش علقتيني ورحتي ! سكتت ماعندي كلام قالت آسفه قلت عادي .. بعدها حسيت انه هي كتمت قلت ودك ارجع ؟ قالت انا ماادري عن ظروفك ولا ابغى ارجع قلت لها وضعي سليم لكن انتي قولي وش تبين .. قالت ودي ترجعين ابيك .. قلت خلاص تم برجع حسيتها انبسطت مره ومع هذا لما قفلت منها ماتغير وضعنا ع البي بي مسن ..
لما بدأ الكورس الثاني تطور الوضع لكن ماعبرت لي ابدا عن مشاعرها ..
كانت تصير بيننا ضغاث امور .. مش امور كامله .. مثلا مسكة اليد احس فيها حب كل شوي تشد على ايدي ولا تلعب بأصابعي .. والجلسه اغلبها صمت
استحي اروح اطلبها تكون معي وهي ماتجي ابدًا .. القروب اللي معاها كلهم اعرفهم صاحباتي يعني اقدر اجي اتطفل واجلس معهم بس انحرج
فيه مره صديقاتي قرروا يروحون لقروبها ويجلسون بحكم ان كلهم اصحاب .. ورحت كنت امشي اخر وحده ابي ابيّن انه انا ماانتبهت لها ولا جيت عشانها .. ماادري ليش اتجاهلها بس والله استحي كثير وتقدرون تقولون عندي كبرياء شوي
وماكان فيه مكان لي انا ووحده من صديقاتي وراحت صديقتي جلست بنفس كرسي صديقتي الثانيه وانا صنمت لحالي .. فجأه قالت هي تعالي اجلسي عندي من الربكه صنمت اطالعها قالت اذا ماتحبين بكيفك مااجبرك .. حسيت وقتها اني فشلتها ورحت احسب اني بجلس بنفس كرسيها وقفت قدامها على اساس تبعد لي شوي مادريت الا سحبتني وجلستني بحضنها انبسطت كثير وقتها حسيت ان لي قبول عندها بشكل كبير كانوا يتكلمون عن موضوع احبه وجلست اتكلم معهم وعشان تبي تسمعني حطت راسها على كتفي .. اللي لعثمني انها كانت تتعمد تتنفس بهالمنطقه وانا احاول اتجاهل الوضع ، ماادري كانت تبي تلفت انتباهي او توصل لي شي لكن حسيت انه تتعمد تتنفس وشوي يتطور الوضع وتلزق شفايفها على رقبتي من ورى .. اشياء محسوسه بس اني اتجاهلها ماادري صدمه ولا محاولة تفسير لوضعها
اضطريت اني اتحجج واقوم مع ان محاضرتي باقي لها ربع ساعه كان ..
وباقي الوضع بعدها نفس ماهو .. ماتغير لكن اللي كان يحز بخاطري انه البنات لما يسألوني انتي سنقل اقول لا ، ويسألون عن البنت واقول لهم ذيك يستغربون
يقولون ولا كأنكم تعرفون بعض اكيد هي ماتحبك اقول لا عادي انا اللي مااروح لها ماابغى ، مع اني كذابه انا لما اروح لها اتنرفز لما نكون جالسين ولا نمشي لازم كل شوي تنط وحده تسلم عليها
يعني عادي مثلا واحنا نمشي وانا مندمجه بسالفه التفت القاني بروحي وماعندي احد وهي واقفه هناك تسلم على وحده !
مره يتعبني هذا الوضع ، وومره من المرات كنا نسولف وجلست تضحك تقول تدرين انو صايره اشاعه انو انا احبك ؟ من القهر ابتسمت قلت يالله بنات ملاقيف

ومره واحنا جالسين كانت وحده تطالع فينا قالت لها : فيه شي ؟ قالت البنت لا بس بسأل حبايب ؟ قالت لا اصحاب - انا تلون وجهي واكتئبت
انا اعرف انه هي تحبني ولو زعلت تراضيني دايما حتى لو انا اللي غلطت ، اقول احيانا يمكن تبغاها صداقه لكن بعدين الاشياء اللي صارت ماتفسر لي الصداقه ابدا
يعني كذا موقف يبين لي ، مثلا مره كان عندي بارتي وعزمت صاحباتي كلهم وهي ، كان معي شوكليت جيت عطيتها واحد واخذت واحد وجلسنا نسولف اللي لاحظته ان نظراتها فيها ايحاءات غريبه شوي مع ان السوالف كانت عاديه مره ، بعدها قررت الف وجهي واناظر للبنات اللي يرقصون واعطيتها ظهري هي قربت مني وحضنتني مااشديت انتباهي لها كنت ابغى الوضع يكون عادي بس انها جلست تبوسني بطريقه مقشعره مره ، شوي جت صاحبتنا تبغى تجلس وبعدت هي وبعدت انا اخذت شوي وقمت من المكان
ومره برضو صار بارتي عند وحده من البنات وكنت جالسه بالزاويه بآخر المجلس مع نفسي لأنه كان فيه بنات مااعرفهم ولا امون عليهم ومن طبعي اصير هاديه اذا فيه احد مااعرفه
وجت قالت فيك شي قلت لا ، قالت تدرين انو انتي جميله ابتسمت قلت عيونك الجميله قالت ممكن احط روج مثلك ؟ قلت لها ايه وفتحت شنطتي وطلعت الروج وعطيتها اياه اخذته قالت لا موب كذا ولزقت شفايفها على شفايفي وبعدين بوّستني وقالت كذا انا احط الروج .. ابتسمت لها وراحت وانا منصدمه برضو
وبنفس اليوم جاتني وحده من صاحباتي قالت تعالي قومي ارقصي معي وانتي جالسه متوحده هنا البنات حاطين سلو دانس ، قلت طيب وانا امشي جت هي قالت لصاحبتي حقتي ذي ماترقصين معها ، صنمت انا وضحكت صاحبتي قالت اهم شي تقوم من التوحد اللي هي فيه وراحت ، وجت هي مسكت يدي وسحبت يدي قلت ماابغى ارقص قالت لاترقصين بس ضميني حسيت انه احرجتها انا ورقصت معها ، مسكتها لي كانت تقشعر وضمتها لي كمان تقشعر احس انكتمت مره وقلت ابغى اروح خلاص وبعدها رحت جلست
وطول مااحنا جالسين هي كل شوي تتغزل فيني وانا ابتسم واسكت .. كثير تتغزل يمكن كل ماامر من عندها تتغزل
لكن طول هالعلاقه ولا مره قالت لي احبك ولا شي .. ومره من المرات كنا نسولف قالت انه انا ماعطيت احد وجه كثرك انتي ووحده ، لكن انتي بزياده
اذكر اني تضايقت وقتها ، وبعدها بفتره انقطعت علاقتها بالوحده ذيك وانبسطت ، لكن تفاجئت في مره من المرات انها جايه زياره عشان تشوفها والصدفه اني كنت جالسها معها وجوها صاحباتها قالوا فلانه جت وراحت تسلم عليها
انا موب من النوع اللي يقول انا تضايقت من الشغله هذي ، لكن يبين بوجهي ولما رجعت كنت جالسه مع قروبها وباين انه متضايقه
وهي جت وجلست وسحبت الكرسي حقي جنبها قالت وش فيك قلت ولا شي عادي قالت تضايقتي عشانها ؟ ترى عادي احنا الحين موب اكثر من صداقه ولازم تثقين فيني انتي ..
واستمر الوضع كذا الى نهاية الترم ، الشيء الوحيد اللي تفصح عنه الشوق بس ، اذا ماحاكيتها ولا طولت عنها تقول لي اشتقت لك
لكن الحب ولا تجيب طاريه
واكتشفت انها تغار علي بس ماتبين .. مره كنا مع القروب حقها ونسولف وجتها بنت قالت لها تعالي شوي ، انا سويت اني منتبهه لسوالف البنات لكن بالي معاها
قالت لها البنت .. الكيرلي ذي اللي معكم مرتبطه ؟ قالت لها ايوه مرتبطه قالت مع مين ؟ قالت مع وحده من صاحباتنا لاتقربون لها
ومره بعد وقفتني بنت تسلم علي بعدها قالت تعرفينها قلت لا هي جت تتعرف علي اول وصرنا معرفه وسلام بس .. قالت لاعمرك تحاكينها قلت ليش قالت بس كذا !


* في بالي كلمة وحده من صاحباتي قالت لي حاولي ماتصيرين بريئه يعني حاولي تتصنعين الجرئه معها .. لكن انا طبيعتي مااعرف اتصنع
وهي مره قالت لي انا ماتقبلتك الا عشانك بريئه ونيتك صافيه ، وانو كل اللي يحبوني اعرف وش يبون مني عشان كذا ماتقبلتهم لأني ابغى احد يحبني لنفسي انا *

المهم بعدين انتهى الكورس وصار بيننا تواصل احسن من اول بس موب تواصل ملحوظ ..
الى ان قطعت الاتصالات وصرت اكتفي بالمسجات
وبين اسبوع واسبوع مسج

المشكله : اني مو عارفه احدد العلاقه ، او هي ماادري كيف تفكر !!
انتوا كيف تشوفون الموضوع مرررره تعبني نفسيا انصحوني ايش اسوي بس يبدأ الكورس الجديد ؟؟
ايش المفروض اني اتخذه عشان تنجح العلاقه ؟
انا مره ابييييها وقلبي اول مره يدق عشان كذا مااعرف شي !!
انصحوني !

خليك زيي قولي لها يابنت احبك ونبسط لك وبيك بكلك وبكبرك بطولك وعرضك وسماك ومداك من اولك الى اخرك من راسك لين هامت اقدامك ههههه خليك ريلاكس قولي لها انا ارتحت لك ونبسط كل ماشوفك حتى لو المحك .....~ الامور بسيطه بس طبيعه البشــر تعقد كل الامووررر ....^_&

قلت لها ويبين اصلا بعيوني
وتدري اني اموت عليها

بس اللي قاهرني مو عارفه وش تبي هي ؟ تقول للناس اصحاب واللي تسويه معي انتوا شايفين انه يدل على هالشي ؟

طيب قولي لها !
قولي لها يا فلانه إنتي شتعتبرين ؟ وشو اللي بينا ؟
إذا قالت أصحاب قولي بس تصرفاتك ما تدل ع كذا ، و خليها تعدلها حتى لو إنتي ميته عليها !
و يمكن هي من النوعيه اللي تحبك بس ما تبين لك ، و لما تكونين في يدها راح تكون مطنشة بس جربي تروحين لغيرها صدقيني لو كانت تحبك و تبيك راح تقوم الدنيا و تعترف لج بحبها .

موفقه حياتي

عندي لك حل طوال اليوم وانا افكر في موضوعك ~|~ روحي لغيرها وخليك منها وبتعدي فتره وراح تجيك هي بنفسها وراح تحس انها فاقدتك <~ ^_*

مشكلتك انتي انك ماتعرفين تحاكينها مثل الخلق والعالم .....
صارحيها مثل مااسويت انا تدرين انا كم بنت بالمدرسه قلت لها احبك فووووق
7 بنات وكذا وكنت اكذب عليهم بعععد ويدرون بس صراحه كان ياخذوون عندي

كورس صراحه وقله ادب يعني اذا تبين قولي لي بس الافضل الصراحه بس لوحدها
مايكونوا عندها صديقاتها لانها لو حسست باي احراج او ضغط ممكن تنكررر وتروحين انتي
ورق عنب بدون رز ؛؛هععععع

شالرواايه ذي قصمن قصماات ماقريتهاا :|

•Khaled كتب:عندي لك حل طوال اليوم وانا افكر في موضوعك ~|~ روحي لغيرها وخليك منها وبتعدي فتره وراح تجيك هي بنفسها وراح تحس انها فاقدتك <~ ^_*

عشتوو وصاار يعطي حلوول بعدد اي وقصمم ذي النفصصيه

•Khaled كتب:عندي لك حل طوال اليوم وانا افكر في موضوعك ~|~ روحي لغيرها وخليك منها وبتعدي فتره وراح تجيك هي بنفسها وراح تحس انها فاقدتك <~ ^_*

هههههه صح انك ماتنبلع بس عجبني ردك :lol!:

ماشالله عندك روح اخويه
تفكر في الموضوع طول اليوم كمان

^ اي وشبلاتس انتي صار حصاص وذا مشاعير ويعرف وتسذا :|

يالله ياخلوود حل لها المشكله نبي نشوف :twisted:

خخخخخخخ صدز محششه ينقله حلهاا وخلص وذا وبس :|

قصتكم عداااااااااااااااااااااااااااااااااااب خلاص اتعرفتو على بعض لما فيه الكفايه انصحك خشي بالجد قبل تروح منكك

وضعكم حساااااس جدآ

شوفيِ
لآزِم آحد فيكُم يتنآزَل
لآزم الحآجز إلليِ بينكم ينكسِر ..

آتوقعي تتخرجي من آلجآمعه وآنتو هذآ وضعَكم لو مآتصرفتو صَح

آنآ آنصحِك قوليلهآ ( ترآنيِ آبيكيِ بموضوع وفضيلي نفسِك)

وطخخخخخييييِ كل شَي بوجههآ قوليلهآ وش وضعنآ يِ بنت آلنآس
وهييك


موووووفقه


( آهم شي إنك عشتي ايام حلوه ) هذا اهم شي صدقيني

ويالليل مطولك
>> ماقريتها اختصريها واقولك رايي

ABO HMEED كتب:ويالليل مطولك
>> ماقريتها اختصريها واقولك رايي

هههههههههههههههاي وربي انك زووووووول

**

قولي ب اعلى صوت اي لوف يووو مورررررررر
مشكلتكم تكابرون كثير لاحبيت عطيتك حل ههههه ماعندي سالفه