الرئيسية
تمر علينا بعض الاحيان اوقات نحب فيها شخص ولكن
هو ما يحبنا .. فكيف نخليه او كيف اخلي هذا الشخص
يحبني مثل ما انا احبه
ا اول شيء انا اتاكد من حبي له هل هو حب فعلا والا مجرد
اعجاب او حب تملك او ما شابه .. فلو كان اعجاب وبس
فالافضل اني اوخر عنه من البدايه لانه لو تقربت منه
وتعلق فيني وحبني وبعد ما افوق من سكرت الاعجاب
واقلب عليه رايح تكون النتيجة عكسيه وغير محموده
اما لو كان حب حقيقي فالموضوع في نظري بسيط جدا
اول شيء اصارحه بمشاعري بدون لف ولا دوران
اروح له واقوله يافلان انا احبك .. لو تقبل الموضوع
خير وبركه لو ما تقبل الموضوع عادي يكفي انه يعرف
اني احبه بصدق .. طيب انا ابيه يحبني بعد مو بس انا
اللي احبه لوحدي وهو ولا على باله شيء ..
الحل اني اتقرب منه واوقف معاه واساعده في كل شيء
واعطيه ثقتي والاطفه في كل شيء حتى لو زعلني ما ارد
عليه ولو قسى علي اتجاوز عنه ولو جرحني اسامحه
يعني اقابل كل شيء منه بالاحسن والافضل
طيب في النهايه هل تضن انه رايح يحبني
اكيد رايح يحبك ليه ..؟
لأنه بشر وله قلب ويحس فمهما كان قاسي بيلين
ومهاما كان مبعد بيعود ومهما كان اناني بيصير
متعاون .. لكن اهم شيء تعاملي انا معاه
والرسول الكريم يقول ماكان الطيب في شيء الا زانه
وما كان الشر في شيء الا شانه .. وربنا تعالى يقول
( لن تنالوا البر حتى تنفقوا مما تحبون ) يعني اذا ربنا تعالى
ما راح يحب عبده الا لما يتقرب منه بما فرضه عليه من فرائض
ولن يعطيه البر الا بعد ان ينفق مما يحب .. فكيف بحال البشر
ولله المثل الاعلى على كل حال .
بالتاكيد انه مافي شيء بدون ثمن او بدون سبب
انا حبيت هذا الشخص فلجل اني اكسبه لازم اتعامل معاه
بكل طيب وبكل محبه و وداد .. وبالنهايه اكيد راح انول
مرادي ويحبني مثل ما احبه ويمكن بعد اكثر ..
لكن لصار اني احب شخص وهو ما يحبني
واقوم لجل اخليه يحبني اوذيه واسلط عليه
البشر والجن والاحقه من مكان لمكان واتبلى
عليه واشوه سمعته بين الناس وبين اصحابه
واذا طاح في مشكله بدل ما اوقف معاه اقوم اتشمت فيه
واذا احتاجني في شيء بدل ما اساعده اقوم اتمسخر عليه
وافضح فيه عند اللي يسوى واللي ما يسوى
وربي وربي وربي هنا وفي هذه الحاله لا يمكن انه
يحبني ابد حتى ولو انطبقت السماء على الارض
بالعكس يمكن لو لقى علي فرصه ما راح يرحمني ابد
وبينتقم مني اشد انتقام والحقيقة اني استاهل ما يجيني منه
الحب شعور واحساس لازم يترجم في تعاملنا مع الآخرين
وخصوصا مع من نحب او نعشق او نهوى .. ولا يكفي
اني اقول لمن احبه ( انا احبك ) واكتفي بها .. فعمر الكلام
لوحده لا ياتي بنتيجه ابد لازم من الفعل مع الكلام .. واهم شيء
الفعل الطيب .. لأن الطيب دايم ينتصر خصوصا لو كان طيب
حقيقي وصادق ماهو طيب متكلف ومزيف لجل غرض في نفس
يعقوب فلما انتهى الغرض لا صام ولا صلى مثل ما يقولن
عمر الحب ما يجي بالغصب ولا ينشرى بكنوز الدنيا ابد
الحب يجي بالطيب بالمودة بالثقة بالرحمه وكل هذه الامور
تحتاج للفعل الطيب .
وانا بحكي قصه حدثت مع واحد من اصدقائي وتابعتها من البداية
للنهاية وكنت شاهد عيان فيها ..
كان صاحبنا يفتر في الشات وهو شخص لا له في الطحين ولا في العجين
بس سبحان الله ذيك اليوم ايش اللي جعله يدخل الشات ما ادري
المهم شاف الناس تتكلم وتسولف وهذا ياذي هذه وهذه تاذي هذا
فكتب :
من تحب تتعرف علي ترفع صباعها
ردت عليه وحدة وقالت انا .. المهم التقوا وتعرفوا وتكلموا
الخ الخ الخ
وبعد اسبوع جاني صديقي وقالي ياخي ابتلشت لي في بلشه
قلت له خير ايش الموضوع .. قالي السالفه كلها
وقالي والله احس اني احرق اعصابي على الفاضي يخي
انا رجال مالي في الخط اللمعلق .. انا حالي حال نفسي
قلت له طيب خلاص اقطع العرق وسيح دمه .. اخلع واتركها
ارسل لها وقلها انا اسف ما اقدر استمر معاك وخلاص
كل حي يروح لحال سبيله .. قالي وهو انا منتظرك تقولي
اصلا انا امس رسلت لها ايميل وبلغتها ان كل شخص
يروح لحاله افضل ..
المهم مرت وراحت الايام وبعد شهر جاني يقلي والله ما في فايده
خير ايش الموضوع .. اخذني على الايميل حقه وشفت رسايلها
ايش حب وايش غرام وايش اشواق الخ الخ الخ شيء يخلي
الحجر ينطق مثل ما يقولون ..
الحقيقة اشفقت عليها فقلت له ياخي طيب يمكن تكون تحبك بصدق
قال كثر منها البنات اللي بالشات ................................... الخ الخ
قلت له معليش انا اختلف معاك شوي هنا ياخي لو انها من النوع الي تقول
كان ريحت راسها وارتاحت على ايش التعب هذا كله .. كان تركتك
ودورت غيرك .. لو ماهي صادقه ما ضلت تراسلك شهر كامل
وانت جدار لا حس ولا خبر ولا ترد عليها ..
المهم اقنعته انه يتواصل معاها ويتاكد منها ومن حبها له
اذا هي بنت ناس ومحترمه وصادقه عادي ايش اللي يمنع تقابل اهلها
وربنا يوفق بينكم .. اما لو هي من اللي يبالي بالك غير الايميل
وريح نفسك .. قالي طيب ساعدني قلت له ولا يمهمك
المهم وحتى لا اطول اختبرنا البنت من كل النواحي وطلعت
فعلا بنت صادقه ومحترمه ..
تحملته تحملته تحملته بكل معنى للكلمة .. هو الصراحة غثى شوي
والله لو انا بنت ما عطيه وجه حتى مو الا احبه بعد ... هههههه
كان يخاصمها وتراضيه يهجرها وتوصله المهم كل فعل منه شين
تقابله بالزين والطيب .. والله ماهي الا اربع شهور بس
وصار يحبها بجنون بجنون .. ولا يسمع ولا يشوف الا هي
لا سحرته ولا عملت له مقالب ولا اجبرته بالقوة .. لا لا
كله بالطيب احتوته لين حبها وتعلق فيها ..
وسبحان اللي جمع بينهم بلا ميعاد
هي اول مره تدخل الشات واللي دخلها الشات صديقه لها راحت عندها
وهو من زمان قاطع الشات والنت .. وسبحان اللي جمع بينهم
وراح وقابل اهلها وتعرف عليهم وخطبها وربي وفق بينهم
وتزوجها وعاش معاها وعاشت معاه من افضل ما يكون
وعندهم الآن بنتين عسى الله يحفظهم لهم ..
هذا الحب رحمه وتسامح و مودة وقبل كل شيء الصدق
فلو كنت احب شخص بصدق اعمل كل اللي يرضيه
واكيد ربي وربه بيوفق بيننا .. اما لو كنت مزيف المشاعر
وكاذب على نفسي وعليه .. اكيد ربي وربه رايح تطغيني
ويطغيني حتى يغضب علي والعياذ بالله
اعتذر عن الايطاله .. واتقبل نقاشكم حول الموضوع
منقووووووووول لعيوووووونكم
» وتمضي الأيام
» •» ح‘ـيـآتِي مثلِـ [ آلقهوهـ ] ع قـد مـِآهي مرهـِ آلآ آن فيهـِآ حِلآوهـ «•
» لماذا عُرج برسول الله من المسجد الأقصى ولم يُعرج به من المسجد الحرام
» روايتي الثانية : خطفتي قلبي - بويات وليديات
» فززززززززززعتكممم ادخلووو بسرعه
» الي يعرففف ب تويتر يدخلللللل بسرررعه محتاجتك
» هلا وغلااااا
» روايه صداقه هذا الزمن و رحيل الغالي