بمناسبة اليوم الوطني لبلادي ( دولة الامارات الحبيبه ) حبيت اهدي هالقصيده للكل و اهداء خاص لشعب الامارات

جيت أبكتب في بلادي كلمت ـن وفيه
كلمة توصف جمالها و أقول فيها:
يا بلاد المجد لي بالخضر مكسية
يا إمارات ـن عجزت إيش بسميها
بالعز و الخيرات دايم لنا عطية
تحيين يالامارات و اللي ساكن ـن فيها

مكانج بالحشا عالي وقلوبنا لج وفيه
دولتنا اللي احضنتنا ما نخليها
هذي الحضارة اللي تفخر بها البشرية
يعيش و يسلم جميع اللي تعب يبنيها
أبونا زايد بنا هالوطن معنا سوية
لي قزر حياته لجل ضمة أراضيها
فديتج يا إماراتي يا ذا اليد السخية
دار الكرم و الوفا من طبع أهاليها
مبروك عليج عيدج و مبروك لأهلج سويه
مبروك يا إمارات العرب لي محد ـن يساويها
الإمارات هذي فضلها ما هوب بشويه
تسابق الوقت في تحقيق أمانيها
هذي الامارات ، اسمها يهز الأكثريه
يد واحده ما تخوفها ضربه أعاديها
بفخر برفع رايتج في وجه الطموع العدية
لجلج روحي فدى، لجلج المستحيلات أعديها
هذي الامارات عظيمة الشان و الهويه
من ضاق صدره تونس في أراضيها
جيت أبفخر بسبع إمارات وحده قويه
جيت بعبر عن شعور نفس ـن انتي ملكتيها
كل من شافج يفتتن فيج و بشيوخج
علها روحي فداج يا كل الهنية
أبحيا دنيتي وأموت و أنا رايتج أعليها ..
و سلامتكم ..

قصيـــــــــــــده...جميله....
وماقيل فيها قليل في حق الإمارات..
الله يحفظها...ويحفظ أهلها...من كل شر وسؤ...
ماشاءالله عليك...
تسلمين ياقلبي..على هالقصيده الحلووووووووووووه..
الله يعطيك العافيه...
وعسااااااااك عالقوووووووه

رووووووعه

يسلموو يالغلا

مبرووك لشعب الامارات العظيم