يمه..يبه..ماأبي فلوس..وماأبي شي ...أبي بس تحسون في وجودي

نافذة الحنان .. له رونق خاص.. لا يعرفه.. الا من افتقده..


تتصل سارة على أبوها...
ترن ترن

سارة .. هلا وغلا يبه.. الاب اهلا بنتي
سارة وينك يبه؟؟؟

الاب انا الحين في اجتماع

سارة يبه مشتاقه لك ... وابيك بموضوع الاب قوليه بالتلفون انا الحين شوي مشغول


سارة انا تخرجت من الثانوية وابي اكمل الجامعة وش رايك ..؟؟


الاب هذا وقته الحيين .. انا باجتماع .. والايام هذي مشغول ... ادخلي اي تخصص .. كله واحد
سارة تتنفس بقوة .. ويأن قلبها .. وتدمع عيناها ... ويرن هاتفها ...
سارة هلا
المتصل هلا وغلا سوسو ... اشتقت لك سارة صدق


المتصل ايه والله وقاعد افكر فييييك ..سارة تفكرين فيني انا ليششش؟


المتصل سوسو قاعده ادور لك تخصص مناسب انتي ماهو اي وحده .. انتي سارة الغاليه


سارة تسلمين .. كلك ذووق ...


المتصل انتي اللي كلك على بعضك ذوق وجمال ورقه ..ياليتني تخصص تدرسينه ..

سارة ينكسر قلبها..وتبكي روحها..وتتذكر ابوها..ويناديها احساس داخلي..

يمه..يبه.. ماأبي فلوس..وماأبي شي.. أبي بس تحسون في وجودي..

تخلوني احس..اني انسانه ..لي مشاعر آآآآه ياقلبها...وكثيره منها.. مثل حالها..

فألاب في عمله.. ليل نهار..يكدح.. يشتغل.. عشان يأمن لقمة العيش لعياله...

مايجي للبيت الا للنوم..وبعض الاحيان يمر يوم يومين..مايشوف عياله..

الام اذا كانت تشتغل فهي في العمل ..

وان كانت ربة بيت فهي مع الجارات ولا الروحات والجيات وماهي فاضيه لها

الفراغ العاطفي

هو مشكلة البنات بل مشكلة الكثير منهن وإذا افتقدت الحنان ..تروح تدوره..

يمين يسار.. اذا شافت فيه جفاء

راح تبحث فيه اي مكان البنت احساسها غير شعورها غير...

كل شي فيها غير..اي مشكله حتى لو تافهه يمكن تقلب دنياها واخرتها..

مرت علي سوالف كثيره من بنات وسمعت لمشاكل تافهه جدا اثرت على مستقبل بنات..

لانهم افقدوا حنان الام وحنان الاب فالام والاب مكملين لبعض

مانقول الام اختصاصها بنتها والاب اولده ..بالعكس ..لازم الكل يتعاون مع ابناءه .. وعياله


انت ليش متزوج وجايب عيال ..عشان يرفعون اسمك ... والا يسودون وجهك ...


بنات كثيررررر ...يقولون ...والله ماعمرنا سمعنا كلمة احبك ...


ولا حتى كلمة يعطيك العافيه على شي سويناه في البيت ...


والله احداث واجد ما ودي اذكرها ...تخلي الواحد يبكي ...


اما انه رجال وقدها ويتزوج ويربي عياله ...والا يطلع منهاااا ... ولايتزوج ...



الموضوع كبير ... كبير جداً ..
ماراح يكون جواب وسؤال
عن هذا الفراغ اللي يواجهونه البنات قبل الشباب ...


لان هالطريقه تكون دائماً جافه وماتعبر عن الرأي الخاص ...
ابيكم تتكلمون ..عن كل مايخص هالموضوع


قصص ... جفاء ... وفاء ... حب .. كتمان .. ألم .. أمل ..كل شي عندك ... اكتبه ..



كلنا نتشارك في الموضوع ..


نبي جديه ..نبي حريه ....
في مشكله .. ونبي منكم حلوول ...باللي تقدرون عليه ...


اهم النقاط اللي يتركز عليه الموضوع ولازم تتكلم عنه ...


// الفراغ العاطفي ...
// احساسك كأبن ... أو بنت .. من الفراغ العاطفي ..
// احساسك كأب أو أم ... تجاه عيالك ..الحللول

اما انه رجال وقدها ويتزوج ويربي عياله ...والا يطلع منهاااا ... ولايتزوج
صح الف في الميه
موضوع كبير ومهم مشكوره على طرحه

يعطيك العافيةة